ಅಗ್ನಿ ಕ್ಷಿಪಣಿ ಪಿತಾಮಹ ರಾಮ್ ನಾರಾಯಣ್ ಇನ್ನಿಲ್ಲ

ನವದೆಹಲಿ: ರಾಕೆಟ್ ಪಿತಾಮಹ, ಡಿಆರ್‌ಡಿಒ ಮಾಜಿ ವಿಜ್ಞಾನಿ ಡಾ.ರಾಮನಾರಾಯಣ ಅಗರ್ವಾಲ್ (84) ನಿಧನರಾಗಿದ್ದಾರೆ. ಅವರು ಗುರುವಾರ ಹೈದರಾಬಾದ್‌ನಲ್ಲಿ ನಿಧನರಾದರು.

ಇದನ್ನೂ ಓದಿ: ಇಸ್ರೋದ ಎಸ್ಸೆಸ್ಸೆಲ್ವಿ-ಡಿ3 ಉಡಾವಣೆ ಯಶಸ್ವಿ

ರಾಜಸ್ಥಾನದ ಜೈಪುರದಲ್ಲಿ ಜನಿಸಿದ ರಾಮನಾರಾಯಣ್ ಬೆಂಗಳೂರಿನ ಐಐಎಸ್‌ಸಿಯಲ್ಲಿ ಏರೋಸ್ಪೇಸ್ ಎಂಜಿನಿಯರಿಂಗ್‌ನಲ್ಲಿ ಸ್ನಾತಕೋತ್ತರ ಪದವಿಯನ್ನು ಪೂರ್ಣಗೊಳಿಸಿ, ಡಿಆರ್​ಡಿಒ ನಲ್ಲಿ ವಿಜ್ಞಾನಿಯಾಗಿ ಸೇವೆ ಸಲ್ಲಿಸಿದರು. ಅವರು ಅಗ್ನಿ ಕ್ಷಿಪಣಿಗಳ ಮೊದಲ ಕಾರ್ಯಕ್ರಮ ನಿರ್ದೇಶಕರಾಗಿದ್ದರು.

ಅವರ ನಿರ್ದೇಶನದಲ್ಲೇ ಅಗ್ನಿ-1 ಅನ್ನು 1983 ರಲ್ಲಿ ಯಶಸ್ವಿಯಾಗಿ ಪರೀಕ್ಷಿಸಲಾಯಿತು. ಅಗರ್ವಾಲ್ ಬದಲಿಗೆ, ಅವರನ್ನು ಪ್ರೀತಿಯಿಂದ 'ಅಗ್ನಿವಾಲ್' ಎಂದು ಕರೆಯಲಾಗುತ್ತಿತ್ತು.

ಬ್ಯಾಲಿಸ್ಟಿಕ್ ಕ್ಷಿಪಣಿಗಳ ತಯಾರಿಕೆಯಲ್ಲಿ ರಾಮನಾರಾಯಣ್ ಪ್ರಮುಖ ಪಾತ್ರ ವಹಿಸಿದ್ದರು. ಇವರ ಸೇವೆಗಾಗಿ ಭಾರತ ಸರ್ಕಾರ ಪದ್ಮಭೂಷಣ ಪ್ರಶಸ್ತಿ ನೀಡಿ ಗೌರವಿಸಿದೆ.

ಅವರು ಹೈದರಾಬಾದಿನ ಅಡ್ವಾನ್ಸ್ಡ್ ಸಿಸ್ಟಮ್ಸ್ ಲ್ಯಾಬೋರೇಟರಿ (ಎಎಸ್ಎಲ್) ಸ್ಥಾಪಕ ನಿರ್ದೇಶಕರಾಗಿ ಸೇವೆ ಸಲ್ಲಿಸಿದರು. ಡಾ.ರಾಮನಾರಾಯಣ 2005 ರಲ್ಲಿ ಇಡಾರ್​ಡಿಒ ನಿಂದ ನಿವೃತ್ತರಾದರು.

ರಾಮನಾರಾಯಣ್ ನಿಧನಕ್ಕೆ ಹಿರಿಯ ವಿಜ್ಞಾನಿಗಳು, ಅಧಿಕಾರಿಗಳು ಮತ್ತು ಡಿಆರ್‌ಡಿಒ ಮಾಜಿ ವಿಜ್ಞಾನಿಗಳು ಸಂತಾಪ ಸೂಚಿಸಿದ್ದಾರೆ. ಡಿಆರ್‌ಡಿಒ ಮಾಜಿ ಮುಖ್ಯಸ್ಥ ಸತೀಶ್ ರೆಡ್ಡಿ ಅವರು ರಾಮನಾರಾಯಣ್ ಅವರ ನಿಧನದಿಂದ ದೇಶವು ದಂತಕಥೆಯನ್ನು ಕಳೆದುಕೊಂಡಿದೆ ಎಂದು ಸಂತಾಪ ವ್ಯಕ್ತಪಡಿಸಿದ್ದಾರೆ.

https://www.vijayavani.net/nalin-prabhat-meet-ips-officer-to-take-over-as-jammu-and-kashmir-special-dgp