ಮಧ್ಯಾಹ್ನ 3ಕ್ಕೆ ಬಂದ್ಯೋಡಿನಿಂದ ಆರಂಭವಾಗುವ ಮಾದಕ ವಸ್ತು ವಿರೋಧಿ ರ್ಯಾಲಿಯನ್ನು ಅಧ್ಯಕ್ಷ ಒ.ಕೆ.ಇಬ್ರಾಹಿಂ ಉದ್ಘಾಟಿಸುವರು. ಅಡ್ಕ ಜಂಕ್ಷನ್ನಲ್ಲಿ ರ್ಯಾಲಿ ಸಮಾರೋಪಗೊಳ್ಳಲಿದೆ. ಸಾರ್ವಜನಿಕ ಸಭೆಯನ್ನು ಸ್ಪೀಕರ್ ಯು.ಟಿ.ಖಾದರ್ ಉದ್ಘಾಟಿಸುವರು. ಮಂಜೇಶ್ವರಂ ಶಾಸಕ ಎ.ಕೆ.ಎಂ.ಅಶ್ರಫ್ ಅಧ್ಯಕ್ಷತೆ ವಹಿಸುವರು. ಕಾಸರಗೋಡು ಜಿಲ್ಲಾ ಪೊಲೀಸ್ ಮುಖ್ಯಸ್ಥೆ ಡಿ.ಶಿಲ್ಪಾ, ಸಹಾಯಕ ಅಬಕಾರಿ ನಿರೀಕ್ಷಕ ರಘುನಾಥ್ ಪ್ರಧಾನ ಭಾಷಣ ಮಾಡಲಿದ್ದು, ರಾಜಕೀಯ, ಸಾಮಾಜಿಕ, ಸಾಂಸ್ಕೃತಿಕ ಹಾಗೂ ಧಾರ್ಮಿಕ ಮುಖಂಡರು ಪಾಲ್ಗೊಳ್ಳುವರು. ಬಿ.ಎಂ.ಪಿ ಅಬ್ದುಲ್ಲಾ, ಉಮ್ಮರ್ ರಾಜ, ಮೊಯ್ದೀನ್, ಸಿ.ಐ.ಮೂಸಕುಂಞ್ಞೆ, ಶಾಹುಲ್ ಹಮೀದ್ ಹಾಗೂ ಮೂಸ ಅಡ್ಕ ಸುದ್ದಿಗೋಷ್ಠಿಯಲ್ಲಿದ್ದರು.
