ಮುಂಬೈ: ಇತ್ತೀಚೆಗಷ್ಟೇ ಟಾಲಿವುಡ್ ಸ್ಟಾರ್ ಹೀರೋಯಿನ್ ರಾಕುಲ್ ಪ್ರೀತ್ ಸಿಂಗ್ ತನ್ನ ಗೆಳೆಯ, ಬಾಲಿವುಡ್ ನಿರ್ಮಾಪಕ ಜಾಕಿ ಭಗ್ನಾನಿ ಅವರನ್ನು ಮದುವೆಯಾಗಿದ್ದು ತಿಳಿದ ಸಂಗತಿಯೇ. ಆದರೆ ಮದುವೆಯಾಗಿ ವಾರ ಕಳೆದಿರುವುದರಿಂದ ಈ ನೆಟ್ ಮತ್ತು ಬಾಲಿವುಡ್ನಲ್ಲಿ ಇವರ ಹನಿಮೂನ್ ಯಾವಾಗ? ಹೇಗೆ ನಡೆಯಲಿದೆ ಎಂಬುದರ ಕುರಿತು ಚರ್ಚೆ ನಡೆಯುತ್ತಿದೆ. ಇನ್ನು ಜಾಕಿ ಭಗ್ನಾನಿ ಈ ವಿಷಯದಲ್ಲಿ ರಣಬೀರ್ ಕಪೂರ್ ನನ್ನು ಫಾಲೋ ಮಾಡುತ್ತಿದ್ದಾರಂತೆ. ಹಾಗಾದರೆ ಆ ದೊಡ್ಡ ಪ್ಲಾನ್ ಏನು ಎಂಬುದು ಬಾಲಿವುಡ್ ವಲಯದಲ್ಲಿ ಸಂಚಲನ ಮೂಡಿಸಲಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಗ್ರಾಸವಾಗಿದೆ.
ಇದನ್ನೂ ಓದಿ: ಬಯಲಾಯ್ತು ಸಾನಿಯಾ ಶೊಯೆಬ್ ಗೆ ಹೇಗೆ ಡಿವೋರ್ಸ್ ಕೊಟ್ಟಿದ್ದು ಅಂತ..! ಖುಲಾ ತಲಾಖ್ ಎಂದರೇನು ಗೊತ್ತಾ?
ಬಾಲಿವುಡ್ ಸ್ಟಾರ್ ನಿರ್ಮಾಪಕರಲ್ಲಿ ತನಗೊಂದು ವಿಶೇಷ ಇಮೇಜ್ ಕ್ರಿಯೇಟ್ ಮಾಡಿಕೊಂಡಿರುವ ಜಾಕಿ ನಿರ್ಮಾಪಕ ಮಾತ್ರವಲ್ಲದೆ ನಟ ಕೂಡ. ಈ ಹುಡುಗ 2011ರಿಂದ ಟಾಲಿವುಡ್ ಸ್ಟಾರ್ ಹೀರೋಯಿನ್ ರಾಕುಲ್ ಪ್ರೀತ್ ಸಿಂಗ್ ರನ್ನು ಪ್ರೀತಿಸುತ್ತಿದ್ದ. ದಶಕದ ಹಿಂದೆಯೇ ಪ್ರೀತಿ ಶುರುವಾಗಿದ್ದರೂ, 2021ರಲ್ಲಿ ಬಹಿರಂಗಪಡಿಸಿದ್ದರು.
ಈ ಪ್ರೇಮಿಗಳು ಇತ್ತೀಚೆಗೆ ಗೋವಾದ ರೆಸಾರ್ಟ್ ಒಂದರಲ್ಲಿ ಮದುವೆಯಾದರು. ಕುಟುಂಬದವರು, ಸಂಬಂಧಿಕರು ಮತ್ತು ಸೆಲೆಬ್ರಿಟಿಗಳ ನಡುವೆ ಈ ಜೋಡಿ ಏಳು ಹೆಜ್ಜೆ ಹಾಕಿದರು. ಪ್ರಧಾನಿ ಮೋದಿಯವರು ಸಹ ಶುಭ ಹಾರೈಸಿದ್ದು ಇವರ ಮದುವೆ ಬಗ್ಗೆ ಇಡೀ ದೇಶವೇ ಮಾತನಾಡುವಂತೆ ಮಾಡಿತು.
ವಿಷಯ ಇದಲ್ಲ, ಈ ದಂಪತಿ ಬಗ್ಗೆ ಸುದ್ದಿಯೊಂದು ಹೊರಬಿದ್ದಿದೆ. ಅದು ಇವರ ಹನಿಮೂನ್ ಟ್ರಿಪ್ ಪ್ಲಾನ್ ಮಾಡುತ್ತಿರುವುದು. ಹನಿಮೂನ್ ನೆನಪು ಶಾಶ್ವತವಾಗಿ ಉಳಿಯಲು ವಿವಿಧ ರೀತಿಯಲ್ಲಿ ಯೋಜಿಸಿದ್ದಾರೆ ಎಂದು ವರದಿಯಾಗಿದೆ.
ಹನಿಮೂನ್ ವಿಚಾರದಲ್ಲಿ ಜಾಕಿಯು ರಣಬೀರ್ ಕಪೂರ್ ನನ್ನು ಫಾಲೋ ಮಾಡುತ್ತಿದ್ದಾರಂತೆ. ಹನಿಮಲ್ ಚಿತ್ರದಲ್ಲಿ, ರಣಬೀರ್, ರಶ್ಮಿಕಾ ಹನಿಮೂನ್ ವಿಮಾನದಲ್ಲಿ ಯೋಜಿಸಿದ್ದರು. ಈ ಸಿನಿಮಾ ನೋಡಿದ ಬಳಿಕ ಜಾಕಿ ಮದುವೆಗೂ ಮುನ್ನವೇ ರಾಕುಲ್ ಗೆ ಈ ವಿಚಾರ ತಿಳಿಸಿದ್ದು, ನಾವೂ ಕೂಡ ಹನಿಮೂನ್ ನ್ನು ವೆರೈಟಿಯಾಗಿ ಪ್ಲಾನ್ ಮಾಡಿಕೊಳ್ಳೋಣ ಎಂದಿದ್ದಾರಂತೆ.
ಇದರಲ್ಲಿ ಷ್ಟರಮಟ್ಟಿಗೆ ಸತ್ಯವಿದೆಯೋ ಗೊತ್ತಿಲ್ಲ, ಆದರೆ ಸಾಮಾಜಿಕ ಜಾಲತಾಣಗಳಲ್ಲಿ ಹಾಗೂ ಬಾಲಿವುಡ್ ವಲಯದಲ್ಲಿ ಈ ಬಗ್ಗೆ ಚರ್ಚೆ ನಡೆಯುತ್ತಿದೆ. ಸದ್ಯ ರಾಕುಲ್ ಪ್ರೀತ್ ಸಿಂಗ್ ಅಕ್ಷಯ್ ಕುಮಾರ್ ಜೊತೆ ಸಿನಿಮಾ ಮಾಡುತ್ತಿದ್ದಾಳೆ. ಜಾಕಿ ಭಗ್ನಾನಿ ಅಕ್ಷಯ್ ಕುಮಾರ್ ಮತ್ತು ಟೈಗರ್ ಶ್ರಾಫ್ ಜೊತೆ ಬಡೇ ಮಿಯಾನ್ ಚೋಟೆ ಮಿಯಾನ್ ಎಂಬ ಸಿನಿಮಾವನ್ನೂ ನಿರ್ಮಿಸುತ್ತಿದ್ದಾರೆ. ಈ ಸಿನಿಮಾದ ಶೂಟಿಂಗ್ ಕಂಪ್ಲೀಟ್ ಆದ ನಂತರ ಹನಿಮೂನ್ ಟ್ರಿಪ್ ಪ್ಲಾನ್ ಮಾಡಲು ಬಯಸಿದ್ದಾರಂತೆ. ಈ ಎಲ್ಲ ಕಾರಣಗಳಿಗೆ ಈ ಸುದ್ದಿ ಬಾಲಿವುಡ್ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.