ಮುಂಬೈ: ಬಾಲಿವುಡ್ ನಟಿ ರಾಖಿ ಸಾವಂತ್ ಯಾವಾಗಲೂ ತಮ್ಮ ನೇರ ಮಾತುಗಳಿಂದ ಸದಾ ಸುದ್ದಿಯಲ್ಲಿದ್ದಾರೆ. ಈ ಬಾರಿ ಅವರು ತಮ್ಮ ಬಗ್ಗೆಯೇ ಮಾತನಾಡಿಕೊಂಡಿದ್ದು, ನಾಯಕಿಯಾಗುವಷ್ಟು ಪ್ರತಿಭೆ ತನಗಿಲ್ಲ ಎಂದು ಒಪ್ಪಿಕೊಂಡಿದ್ದಾರೆ. ಇಷ್ಟಕ್ಕೂ ರಾಖಿ ಹಾಗೆ ಹೇಳಿದ್ದು ಯಾಕೆ? ಅದಕ್ಕೆ ಇಲ್ಲಿದೆ ಉತ್ತರ.
ಇದನ್ನೂ ಓದಿ: ಟೆಲಿವಿಷನ್ ಸಂಘದವರಿಗೆ ಮೂರು ದಿನಗಳ ಕಾಲ ಉಚಿತ ಲಸಿಕೆ
ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅವರು, ಎಲ್ಲರಿಗೂ ಲೀಡ್ ಪಾತ್ರದಲ್ಲಿ ಕಾಣಿಸಿಕೊಳ್ಳುವುದಕ್ಕೆ ಸಾಧ್ಯವಿಲ್ಲ. ಕೆಲವರು ನಾಯಕಿಯರಾದರೆ, ಇನ್ನೂ ಕೆಲವರು ಪೋಷಕ ಪಾತ್ರಗಳಿಗೆ ಅಥವಾ ಐಟಂ ಡ್ಯಾನ್ಸ್ ಮಾಡುವುದಕ್ಕೆ ಸೀಮಿತವಾಗುತ್ತಾರೆ. ನನಗೆ ನಾಯಕಿಯಾಗುವಷ್ಟು ಪ್ರತಿಭೆಯಾಗಲೀ ಅಥವಾ ಒಂದು ಚಿತ್ರವನ್ನು ಮುನ್ನಡೆಸುವ ಶಕ್ತಿಯಾಗಲೀ ಖಂಡಿತಾ ಇಲ್ಲ. ಹಾಗಾಗಿ ಐಟಂ ಡ್ಯಾನ್ಸ್ ಮಾಡುವುದಕ್ಕೆ ಸೀಮಿತವಾದೆ ಎಂದು ಅವರು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ವೈರಸ್ಗೆ ಅಗೌರವ ತೋರಿದರೆ ಬಹಳಷ್ಟು ಜನರಿಗೆ ಬೇಸರವಾಗುತ್ತೆ: ಕಂಗನಾ
ಚಿತ್ರಗಳಲ್ಲಿ ಐಟಂ ಡ್ಯಾನ್ಸರ್ ಆಗಿ ಗುರುತಿಸಿಕೊಂಡಿರುವುದಕ್ಕೆ ರಾಖಿಗೆ ಬೇಸರವಿಲ್ಲವಂತೆ. ಅದರಿಂದ ನನಗೆ ಅನ್ನ ಸಿಕ್ಕಿದೆ ಮತ್ತು ನನ್ನ ಮನೆಯವರನ್ನು ನಾನು ಚೆನ್ನಾಗಿ ನೋಡಿಕೊಂಡಿದ್ದೇನೆ. ಹಾಗಾಗಿ ಐಟಂ ಡ್ಯಾನ್ಸರ್ ಆಗಿದ್ದಿಕ್ಕೆ ನನಗೆ ಯಾವುದೇ ಬೇಸರವಿಲ್ಲ. ಬದಲಿಗೆ, ನನಗೆ ಇಂಥದ್ದೊಂದು ವೇದಿಕೆ ಸಿಕ್ಕಿದ್ದಿಕ್ಕೆ ಹೆಮ್ಮೆ ಇದೆ ಎಂದು ಹೇಳಿದ್ದಾರೆ.