ಬರಲಿದೆ "ಜೈಲರ್​ 2'; ಸಂಕ್ರಾಂತಿ ಹಬ್ಬಕ್ಕೆ ಸೀಕ್ವೆಲ್​ ಘೋಷಿಸಿದ ನಿರ್ದೇಶಕ ನೆಲ್ಸನ್​

ರಜಿನಿಕಾಂತ್​ ಅಭಿನಯದ, ನೆಲ್ಸನ್​ ದಿಲೀಪ್​ ಕುಮಾರ್​ ನಿರ್ದೇಶನದ 2023ರ ಹಿಟ್​ ಸಿನಿಮಾ "ಜೈಲರ್​'. ಚಿತ್ರದಲ್ಲಿ ಟೈಗರ್​ ಮುತ್ತುವೇಲ್​ ಪಾಂಡ್ಯನ್​ ಎಂಬ ನಿವೃತ್ತ ಜೈಲರ್​ ಪಾತ್ರದಲ್ಲಿ ರಜಿನಿಕಾಂತ್​ ಮಿಂಚಿದ್ದರು. ಪ್ಯಾನ್​ ಇಂಡಿಯಾ ರಿಲೀಸ್​ ಆಗಿದ್ದ ಈ ಚಿತ್ರ ಬಾಕ್ಸಾಫಿಸಿನಲ್ಲಿ 600 ಕೋಟಿ ರೂ.ಗೂ ಅಧಿಕ ಕಲೆಕ್ಷನ್​ ಮಾಡಿಕೊಂಡಿತ್ತು.

ಇದೀಗ ಸಂಕ್ರಾಂತಿ ಹಬ್ಬದ ಸಂಭ್ರಮದಲ್ಲಿ ನಿರ್ದೇಶಕ ನೆಲ್ಸನ್​ ಟೀಸರ್​ ಮೂಲಕ "ಜೈಲರ್​ 2' ಘೋಷಿಸಿದ್ದಾರೆ. ಒಂದು ಕೈಯಲ್ಲಿ ಕತ್ತಿ ಮತ್ತೊಂದು ಕೈಯಲ್ಲಿ ಬಂದೂಕು ಹಿಡಿದು ದುಷ್ಟರ ಬೇಟೆಯಾಡುತ್ತಾ ಬರುವ 74 ವರ್ಷದ ರಜಿನಿಕಾಂತ್​ ಸ್ಟೈಲಿಶ್​ ಆಗಿ ಮಿಂಚಿದ್ದಾರೆ. ಕೊನೆಗೆ "ಹುಕುಮ್​, ಟೈಗರ್​ ಕಾ ಹುಕುಮ್​' ಎಂಬ ಅವರ ಜನಪ್ರಿಯ ಡೈಲಾಗ್​ ಮೂಲಕ ಟೀಸರ್​ ಕೊನೆಯಾಗುತ್ತದೆ. ಅನಿರುದ್ಧ್​ ರವಿಚಂದರ್​ ಹಿನ್ನೆಲೆ ಸಂಗೀತ ಟೀಸರ್​ಗೆ ಮೆರುಗು ತಂದಿದೆ. ಪ್ರಾರಂಭದಲ್ಲೇ "ಜೈಲರ್​ 2' ಕುತೂಹಲ, ನಿರೀಕ್ಷೆ ಹೆಚ್ಚಿಸಿದೆ.

ಮೊದಲ ಭಾಗದಲ್ಲಿ ರಜಿನಿ ಜತೆ ರಮ್ಯಾಕೃಷ್ಣ, ವಿನಾಯಕನ್​, ತಮನ್ನಾ ಭಾಟಿಯಾ, ವಸಂತ್​ ರವಿ, ಯೋಗಿ ಬಾಬು ಪ್ರಮುಖ ಪ್ರಮುಖ ತಾರಾಗಣದಲ್ಲಿ ನಟಿಸಿದ್ದರು. ಜತೆಗೆ ಶಿವರಾಜಕುಮಾರ್​, ಮೋಹನ್​ ಲಾಲ್​, ಕಿಶೋರ್​, ಜಾಕಿ ಶ್ರ್​ಾ ವಿಶೇಷ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಇದೀಗ ಸೀಕ್ವೆಲ್​ನಲ್ಲೂ ಅವರು ಮುಂದುವರಿಯುವ ಸಾಧ್ಯತೆ ಇದೆ ಎನ್ನಲಾಗಿದೆ. &ಏಜೆನ್ಸೀಸ್​