ಎಡಮಂಗಲ ಗ್ರಾಮದ ಸವಿತಾ ಮುಳಿಯ ಎಂಬುವರ ಮನೆ ಸಂಪೂರ್ಣ ಹಾನಿಗೊಂಡಿದೆ. ವಸಂತ ಅಳಕ್ಕೆ ಎಂಬುವರ ವಾಸ್ತವ್ಯದ ಮನೆಗೆ ತೆಂಗಿನಮರ ಬಿದ್ದು ಹಾನಿಯಾಗಿದೆ. ಅಳಕ್ಕೆ ರಾಧಮ್ಮ, ಗುಡ್ಡಪ್ಪ ಗೌಡ ಪಾದೆ, ಪ್ರಭಾಕರ ಪಾದೆ, ಹೊನ್ನಪ್ಪ ಗೌಡ, ಬಾಬು ನಾಯ್ಕ ಮುಳಿಯ, ನಾರಾಯಣ ನಾಯ್ಕ ಮುಳಿಯ, ಸುಂದರ ಗೌಡ ಎಡಮಂಗಲ, ಸರೋಜಿನಿ ಮುಳಿಯ, ಜಯೇಂದ್ರ, ಅಶೋಕ್ ಮುಳಿಯ ಮುಂತಾದವರ ಮನೆ, ಕೊಟ್ಟಿಗೆಗಳಿಗೆ ಹಾನಿಯಾಗಿದೆ. ಎಡಮಂಗಲ ಗ್ರಾ.ಪಂ. ಸಭಾಭವನದ ಮೇಲ್ಛಾವಣಿಯ ಶೀಟು ಹಾರಿಹೋಗಿದೆ. ಎಡಮಂಗಲ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂದ ಕಟ್ಟಡ ಮೇಲ್ಛಾವಣಿಗೆ ಹಾನಿಯಾಗಿದ್ದು, ಗೋಡೆಯಲ್ಲಿ ಬಿರುಕು ಬಿಟ್ಟಿದೆ. ಎಡಮಂಗಲ ಪೇಟೆಯಲ್ಲೂ ಹಲವು ಅಂಗಡಿ ಕಟ್ಟಡಗಳಿಗೆ ಹಾನಿ ಸಂಭವಿಸಿದೆ. ಗ್ರಾಮದ ವಿವಿಧೆಡೆ ಕೃಷಿ ತೋಟಕ್ಕೂ ಪರಿಣಾಮ ಬೀರಿದ್ದು, ಸಾವಿರಾರು ಅಡಕೆ ಮರಗಳು ನಾಶವಾಗಿವೆ.
