ಪ್ರತಿ ಟ್ವೀಟ್​ಗೆ 10 ಲಕ್ಷ ರೂ.: ಬಾಲಿವುಡ್​ನ ಈ ಸಿನಿ ವಿಮರ್ಶಕನ ಹಿಂದೆ ಬಿದ್ದಿವೆ ಸೌತ್​ ಸಿನಿತಂಡ, ಗಲ್ಲಾಪೆಟ್ಟಿಗೆ ಗೋಲ್ಮಾಲ್!​

ಹೈದರಾಬಾದ್​: ಬಾಲಿವುಡ್​ನ ಟಾಪ್​​ ಸಿನಿಮಾ ವಿಮರ್ಶಕರೊಬ್ಬರು ಹಿಂದಿ ಸಿನಿಮಾ ಮಾರುಕಟ್ಟೆಯ ಮೇಲೆ ತನ್ನ ಪ್ರಭಾವವನ್ನು ಹೊಂದಿದ್ದು, ಫ್ಲಾಪ್​ ಸಿನಿಮಾಗಳನ್ನು ಕೂಡ ಯಶಸ್ಸಿ ಚಿತ್ರವೆಂದು ಎಲ್ಲರು ನಂಬುವಂತೆ ಮಾಡುವ ತಂತ್ರಗಾರಿಕೆ ಬಳಸುತ್ತಿರುವ ಸಂಗತಿಯೊಂದು ಇದೀಗ ಮುನ್ನೆಲೆಗೆ ಬಂದಿದೆ.

ಸಾಮಾನ್ಯವಾಗಿ ಸಿನಿಮಾ ಪ್ರೇಕ್ಷಕರು ಸಾರ್ವಜನಿಕರ ಅಭಿಪ್ರಾಯದ ಮೇಲೆ ಅವಲಂಬಿತರಾಗಿರುತ್ತಾರೆ ಅಥವಾ ಇತರೆ ವಿಮರ್ಶಕರ ಅಭಿಪ್ರಾಯವನ್ನು ಸಹ ಗಮನಿಸುತ್ತಾರೆ. ಆದರೆ, ಬಾಲಿವುಡ್​ನ ಈ ನಿರ್ದಿಷ್ಟ ವ್ಯಕ್ತಿಗೆ ಸಾಮಾಜಿಕ ಜಾಲತಾಣದಲ್ಲಿ ಅಪಾರ ಅನುಯಾಯಿಗಳಿದ್ದು, ಇದನ್ನೇ ಬಂಡವಾಳ ಮಾಡಿಕೊಂಡಿರುವಂತೆ ತೋರುತ್ತಿದೆ.

ಇತ್ತೀಚಿನ ದಿನಗಳಲ್ಲಿ ಈ ಟಾಪ್​ ವಿಮರ್ಶಕ ಅನೇಕ ತೆಲುಗು ಹಾಗೂ ಕನ್ನಡ ಚಲನಚಿತ್ರಗಳ ಮೇಲೆ ‘ಪಾಸಿಟಿವ್’ ಟ್ವೀಟ್‌ಗಳನ್ನು ಹಾಕುತ್ತಿದ್ದು, ಆ ಟ್ವೀಟ್​ಗಳು ದೊಡ್ಡ ಪ್ರಚಾರ ಪಡೆದುಕೊಳ್ಳುತ್ತಿದೆ. ಸಿನಿಮಾ ಗಲ್ಲಾಪೆಟ್ಟಿಗೆಯ ಅಂಕಿ-ಅಂಶಗಳ ಬಗ್ಗೆ ಮಾಹಿತಿ ಹಂಚಿಕೊಳ್ಳಲು ಮತ್ತು ಕೆಲವು ಸೊಗಸಾದ ವಿಮರ್ಶೆಗಳನ್ನು ನೀಡಲು ಈ ವಿಮರ್ಶಕ ಹೆಸರುವಾಸಿಯಾಗಿದ್ದರೂ, ತನ್ನ ಸಕಾರಾತ್ಮಕ ಟ್ವೀಟ್‌ಗಳಿಗೆ ಪ್ಯಾಕೇಜ್ ಮಟ್ಟದಲ್ಲಿ ಚಿತ್ರತಂಡದ ಜತೆಗೆ ಡೀಲ್ ಮಾಡಿಕೊಂಡಿರುತ್ತಾರೆ ಎಂಬುದು ತಿಳಿದುಬಂದಿದೆ.

ಚಿತ್ರದ ಕುರಿತು ಸಕಾರಾತ್ಮಕ ವಿಮರ್ಶೆ ಹಾಗೂ ಇತರೆ ಕಾಮೆಂಟ್‌ಗಳು ಸೇರಿದಂತೆ ಒಂದಷ್ಟು ಟ್ವೀಟ್‌ಗಳಿಗಾಗಿ ತೆಲುಗು ಚಿತ್ರರಂಗದ ಸ್ಟಾರ್‌ಗಳು ಈ ವಿಮರ್ಶಕನಿಗೆ ಸುಮಾರು 10 ಲಕ್ಷ ರೂಪಾಯಿಗಳನ್ನು ಪ್ಯಾಕೇಜ್‌ನಂತೆ ಪಾವತಿಸುತ್ತಿದ್ದಾರೆ ಎಂಬ ವಿಚಾರ ಬಹಳ ಚರ್ಚೆಯಾಗುತ್ತಿದೆ. ಇದಲ್ಲದೆ, ಸಣ್ಣ ಸಣ್ಣ ತೆಲುಗು ಹೀರೋಗಳಿಗೆ ಅವರ ಪ್ರಾಜೆಕ್ಟ್​ ಬಗ್ಗೆ ಒಳ್ಳೆಯ ವಿಮರ್ಶೆಗಳನ್ನು ನೀಡಲು 50 ಸಾವಿರದಿಂದ 1 ಲಕ್ಷ ರೂ.ವರೆಗೆ ಚಾರ್ಜ್​ ಮಾಡುತ್ತಾರೆಂದು ತಿಳಿದುಬಂದಿದೆ.

ಟಾಲಿವುಡ್ ಕೂಡ ತಮ್ಮ ವ್ಯವಹಾರವನ್ನು ಹಿಂದಿ ಬೆಲ್ಟ್​ಗೆ ವಿಸ್ತರಿಸಲು ಗಮನಹರಿಸುತ್ತಿರುವುದರಿಂದ ಪ್ರತಿ ಬಾರಿಯೂ ಈ ವಿಮರ್ಶಕರನ್ನು ಆಯಾ ಚಿತ್ರತಂಡಗಳು ಖರೀದಿಸುತ್ತಿದ್ದಾರೆ. ಸಿನಿಮಾ ಬಗ್ಗೆ ಒಳ್ಳೆಯ ಟ್ವೀಟ್​ ಮಾಡುವುದೇ ಈ ವಿಮರ್ಶಕ ಕೆಲಸವಾಗಿದೆ. ಆ ವಿಮರ್ಶಕ ಯಾರೆಂಬುದನ್ನು ಎಲ್ಲೂ ಬಹಿರಂಗಪಡಿಸಿಲ್ಲ. ಆದರೆ, ಈ ವಿಮರ್ಶಕನ ಆದಾಯ ಇದೀಗ ಮಧ್ಯಮ ಶ್ರೇಣಿಯ ತೆಲುಗು ನಾಯಕ ವರ್ಷಕ್ಕೆ ಗಳಿಸುವ ಆದಾಯಕ್ಕಿಂತ ಹೆಚ್ಚಾಗಿದೆಯಂತೆ. (ಏಜೆನ್ಸೀಸ್​)

https://www.vijayavani.net/r-1-5-crore-people-died-due-to-covid-globally-47-lakh-people-died-in-india-who-releases-figure/

https://www.vijayavani.net/save-soil-campaign-sadhguru-to-address-leaders-from-195-nations-at-unccd/

https://www.vijayavani.net/r-citizenship-amendment-act-will-be-implemented-after-pandemic-is-over-says-amit-shah/

https://www.vijayavani.net/kgf-chapter-2-overtakes-dangal-at-box-office/