ಚೆನ್ನೈ: ಭಾರತದಲ್ಲಿ ಬ್ಯಾನ್ ಆಗಿರುವ ಆನ್ಲೈನ್ ಗೇಮ್ ಪಬ್ಜಿ ಲೈವ್ ಸ್ಟ್ರೀಮಿಂಗ್ ವೇಳೆ ಮಹಿಳೆಯರ ಬಗ್ಗೆ ಅಶ್ಲೀಲ ಭಾಷೆ ಬಳಕೆ ಮತ್ತು ಕೆಟ್ಟದಾಗಿ ಕಾಮೆಂಟರಿ ಮಾಡಿದ ಆರೋಪದ ಮೇಲೆ ಚೆನ್ನೈ ಮೂಲದ ಯೂಟ್ಯೂಬ್ರನನ್ನು ಶುಕ್ರವಾರ ಪೊಲೀಸರು ಬಂಧಿಸಿದ್ದಾರೆ.
ಪೊಲೀಸರು ಬಂಧಿಸುವ ವಿಚಾರ ತಿಳಿದು ಪರಾರಿಯಾಗುತ್ತಿದ್ದ ಆರೋಪಿ ಮದನ್ ಕುಮಾರ್ನನ್ನು ಚೆನ್ನೈನಿಂದ ಸುಮಾರು 6 ಗಂಟೆಗಳ ಕಾಲ ಹಿಂಬಾಲಿಸಿ ಧರ್ಮಾಪುರಿಯಲ್ಲಿ ಬಂಧಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. ಮದನ್ ಕುಮಾರ್ ಪತ್ನಿ ಹಾಗೂ ಯೂಟ್ಯೂಬ್ ಚಾನೆಲ್ನ ನಿರ್ವಾಹಕರು ಆಗಿರುವ ಕೃತಿಕಾರನ್ನು ಮೊದಲೇ ಚೆನ್ನೈನಲ್ಲಿ ಬಂಧಿಸಲಾಗಿದೆ.
ತನಿಖಾಗಾರರು ಹೇಳುವಂತೆ ದಂಪತಿಯ ಯೂಟ್ಯೂಬ್ ಚಾನೆಲ್ಗೆ ಸುಮಾರು 8 ಲಕ್ಷ ಚಂದಾದಾರರಿದ್ದಾರೆ. ಅದರಲ್ಲಿ ಬಹುತೇಕರು ಅಪ್ರಾಪ್ತರಾಗಿದ್ದಾರೆ. ಯೂಟ್ಯೂಬ್ ಚಾನೆಲ್ ವಿರುದ್ಧ ಚೆನ್ನೈ ನಿವಾಸಿಯೊಬ್ಬರು ನೀಡಿದ ದೂರಿನ ಆಧಾರದ ಮೇಲೆ ಬಂಧಿಸಲಾಗಿದೆ.
ಟಾಕ್ಸಿಕ್ ಮದನ್ 18+, ಪಬ್ಜಿ ಮದನ್ ಗರ್ಲ್ ಫ್ಯಾನ್, ರಿಚಿ ಗೇಮಿಂಗ್ವೈಟಿ ಹೆಸರಿನ ಯೂಟ್ಯೂಬ್ ಚಾನೆಲ್ಗಳನ್ನು ದಂಪತಿ ನಡೆಸುತ್ತಿದ್ದಾರೆ. ಆದರೆ, ಮದನ್ ಆ್ಯಂಗ್ರಿ ಅಟ್ ಹಿಸ್ ಗರ್ಲ್ಫ್ರೆಂಡ್| ಸ್ಟ್ರಿಕ್ಟ್ಲಿ 18+| ತಮಿಳು| ಪಬ್ಜಿಎಂ| ರಿಚಿ ಗೇಮಿಂಗ್ ಹೆಸರಿನ ನಿರ್ಧಿಷ್ಟ ಯೂಟ್ಯೂಬ್ ಚಾನೆಲ್ನಲ್ಲಿ ಮಹಿಳೆಯರನ್ನು ಕೆಟ್ಟದಾಗಿ ಬಿಂಬಿಸುವುದು, ಅಶ್ಲೀಲ ಪದಗಳನ್ನು ಬಳಸಿ ವೀಡಿಯೊಗಳನ್ನು ನೋಡುವ ಮಕ್ಕಳಲ್ಲಿ ವಿಕೃತತೆಯನ್ನು ಉಂಟುಮಾಡುವ ಗೌಪ್ಯತೆ ಮತ್ತು ಘನತೆಯನ್ನು ಉಲ್ಲಂಘಿಸಿದ್ದಾರೆಂದು ಆರೋಪಿಸಿ ದೂರು ದಾಖಲಿಸಲಾಗಿತ್ತು.
ಬಹುತೇಕ ಅಪ್ರಾಪ್ತರೇ ಯೂಟ್ಯೂಬ್ ಚಾನೆಲ್ ಅನ್ನು ಹಿಂಬಾಲಿಸುತ್ತಿದ್ದು, ಚಾನೆಲ್ ಮಾತ್ರವಲ್ಲದೇ ಮದನ್ ವಿರುದ್ಧವೂ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ದೂರಿನಲ್ಲಿ ಕೋರಲಾಗಿದೆ.
ಅವರ ಯಾವುದೇ ಚಂದಾದಾರರು ದೂರು ನೀಡಲು ಮುಂದೆ ಬರುವುದಾಗಿ ನಮಗೆ ಖಚಿತವಿಲ್ಲ. ಸಾಮಾಜಿಕ ಜಾಲತಾಣದಲ್ಲಿ ಅಶ್ಲೀಲ ಮಾತುಗಳು ಬಳಕಿ ಸರಿಯಲ್ಲ. ಪಬ್ಜಿ ಅಥವಾ ಅಂತಹುದೇ ಆಟಗಳ ವಿಷಯದಲ್ಲಿ ಉಲ್ಲಂಘನೆಯ ವಿವರಗಳನ್ನು ನಾವು ಪರಿಶೀಲಿಸುತ್ತಿದ್ದೇವೆ ಎಂದು ಚೆನ್ನೈ ಪೊಲೀಸರು ತಿಳಿಸಿದ್ದಾರೆ.
ಮದನ್ ಕುಮಾರ್ ಅವರು ಯೂಟ್ಯೂಬ್ನಿಂದ ಬರುವ ಆದಾಯದಿಂದ ಭಾರೀ ಸಂಪತ್ತನ್ನು ಸಂಪಾದಿಸಿದ್ದಾರೆಂದು ಅಧಿಕಾರಿ ಹೇಳಿದರು. ಅವರು ತಿಂಗಳಿಗೆ ಸುಮಾರು 3 ಲಕ್ಷ ಸಂಪಾದಿಸಿದ್ದಾರೆಂದು ತೋರುತ್ತದೆ. ಅವರು 3 ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ, ಅವುಗಳಲ್ಲಿ ಎರಡು ಆಡಿಸ್” ಎಂದು ಅಧಿಕಾರಿ ಹೇಳಿದ್ದಾರೆ. (ಏಜೆನ್ಸೀಸ್)
ಅಮೆರಿಕಕ್ಕೆ ಹೋಗಬಯಸುವ ವಿದ್ಯಾರ್ಥಿಗಳಿಗೆ ಗುಡ್ನ್ಯೂಸ್: ಕೋವಿಡ್ ಲಸಿಕೆ ಕಡ್ಡಾಯವಲ್ಲ
ಪತ್ನಿಯ ಗೆಳತಿಯರು ಮನೆಗೆ ಬರುತ್ತಿದ್ದಂತೆ ಅವರ ಬಟ್ಟೆ ಬಿಚ್ಚುತ್ತಾನೆ ಗಂಡ! ಬೆಚ್ಚಿಬೀಳಿಸುತ್ತೆ ದಂಪತಿ ಕೃತ್ಯ
ಕ್ಯಾಲೆಂಡರ್ಗೋಸ್ಕರ ಪುನಃ ಟಾಪ್ಲೆಸ್ ಆದ ನಟಿ- ಹಾಟ್ ಫೋಟೋಗಳು ವೈರಲ್