ರಿಲೀಸ್​ಗೂ ಮುನ್ನ ಜೂ. ಎನ್​ಟಿಆರ್​-ರಾಮ್​ಚರಣ್ ಫ್ಯಾನ್ಸ್​ ಮಧ್ಯೆ ಕಿಡಿಹೊತ್ತಿಸಿದ RRR ಚಿತ್ರದ ಮೊದಲ ವಿಮರ್ಶೆ

ಹೈದರಾಬಾದ್​: ಸ್ಟಾರ್​ ಡೈರೆಕ್ಟರ್​ ರಾಜಮೌಳಿ ನಿರ್ದೇಶನದ ಹಾಗೂ ಜೂ. ಎನ್​ಟಿಆರ್​ ಮತ್ತು ರಾಮ್​ಚರಣ್​ ನಟನೆಯ ಬಹುನಿರೀಕ್ಷಿತ "ಆರ್​ಆರ್​ಆರ್"​ ಸಿನಿಮಾ ಬಿಡುಗಡೆಗೆ ದಿನಗಣನೆ ಆರಂಭವಾಗಿದೆ. ಜನವರಿ 7ರಂದು ಚಿತ್ರ ಬಿಡುಗಡೆಯಾಗಲಿದ್ದು, ಜೂ. ಎನ್​ಟಿಆರ್​ ಹಾಗೂ ರಾಮ್​ಚರಣ್​ ಅಭಿಮಾನಿಗಳು ಬಹಳ ಕಾತರದಿಂದ ಎದುರು ನೋಡುತ್ತಿದ್ದಾರೆ. ಆದರೆ, ಸಿನಿಮಾ ಬಿಡುಗಡೆಗೂ ಮುನ್ನವೇ ಕೇಳಿಬಂದಿರುವ ವಿಮರ್ಶೆವೊಂದು ಸತ್ಯವಾದರೆ, ಆರ್​ಆರ್​ಆರ್​ ಚಿತ್ರವನ್ನು ಭಾರೀ ವಿವಾದಕ್ಕೆ ದೂಡುವ ಸಾಧ್ಯತೆ ಇದೆ.

ನಮಗೆಲ್ಲರಿಗೂ ತಿಳಿದಿರುವ ಹಾಗೇ "ಆರ್​ಆರ್​ಆರ್"​ ಮಲ್ಟಿಸ್ಟಾರರ್​ ಸಿನಿಮಾ. ಜೂ. ಎನ್​ಟಿಆರ್​, ರಾಮ್​ಚರಣ್​, ಅಜಯ್​ ದೇವಗನ್​, ಆಲಿಯಾ ಭಟ್​, ಶ್ರೇಯಾ ಶರಣ್​ ಸೇರಿದಂತೆ ಬಹುದೊಡ್ಡ ತಾರಾಬಳಗವೇ ಇದೆ. ಇದೇ ಮೊದಲ ಬಾರಿಗೆ ಜೂ. ಎನ್​ಟಿಆರ್​ ಮತ್ತು ರಾಮ್​ಚರಣ್​ ಒಟ್ಟಿಗೆ ತೆರೆಹಂಚಿಕೊಂಡಿದ್ದಾರೆ. ಇಬ್ಬರು ಕೂಡ ತೆಲುಗು ಚಿತ್ರರಂಗದಲ್ಲಿ ಸ್ಟಾರ್​ ನಟರು. ಇಬ್ಬರಿಗೂ ಪ್ರತ್ಯೇಕವಾಗಿ ಬಹುದೊಡ್ಡ ಅಭಿಮಾನಿ ಬಳಗವೇ ಇದೆ. ಆದರೆ, ಇದೀಗ ಆರ್​ಆರ್​ಆರ್​ ಸಿನಿಮಾ ಬಗ್ಗೆ ಕೇಳಿಬಂದಿರುವ ವಿಮರ್ಶೆವೊಂದು ರಾಮ್​ಚರಣ್​ ಅಭಿಮಾನಿಗಳ ಬೇಸರಕ್ಕೆ ಕಾರಣವಾಗಿದೆ.

ಉಮೇರ್​​ ಸಂಧು ಎಂಬ ಹೆಸರು ಸಿನಿ ಮಂದಿಗೆ ಚಿರಪರಿಚಿತ. ಯುಎಇ ಸೆನ್ಸಾರ್​ ಬೋರ್ಡ್​ನ ಸದಸ್ಯ ಎಂದು ತಮ್ಮನ್ನು ತಾವು ಕರೆದುಕೊಂಡಿರುವ ಉಮರ್​ ಸಂದು ಆರ್​ಆರ್​ಆರ್​ ಸಿನಿಮಾ ಬಗ್ಗೆ ಒಂದು ಪದದ ವಿಮರ್ಶೆ ನೀಡಿದ್ದಾರೆ. ಸೆನ್ಸಾರ್​ ಹಿನ್ನೆಲೆಯಲ್ಲಿ ಈಗಾಗಲೇ ಉಮೇರ್​​ ಸಂಧು ಸಿನಿಮಾ ವೀಕ್ಷಣೆ ಮಾಡಿದ್ದಾರೆ.

ಚಿತ್ರದ ಬಗ್ಗೆ ಟ್ವೀಟ್​ ಮಾಡಿರುವ ಉಮರ್​ ಸಂಧು, ಸೆನ್ಸಾರ್​ ಬೋರ್ಡ್​ನಲ್ಲಿ ಆರ್​ಆರ್​ಆರ್​ ಸಿನಿಮಾ ನೋಡಿದೆ. ಇಡೀ ಚಿತ್ರ ಜೂ. ಎನ್​ಟಿಆರ್​ಗೆ ಸಂಬಂಧಿಸಿದ್ದು, ಅವರೇ ಈ ಚಿತ್ರದ ಆತ್ಮ ಎಂದಿದ್ದಾರೆ.

ಇದೇ ಟ್ವೀಟ್​ ಇದೀಗ ರಾಮ್​ಚರಣ್​ ಅಭಿಮಾನಿಗಳ ಅಸಮಾಧಾನಕ್ಕೆ ಕಾರಣವಾಗಿದೆ. ಅಲ್ಲದೆ, ಉಮೇರ್​ ಸಂಧು ವಿರುದ್ಧ ಅಭಿಮಾನಿಗಳು ಆಕ್ರೋಶವನ್ನು ಹೊರಹಾಕಿದ್ದಾರೆ. ಈ ಟ್ವೀಟ್​ ಮಾಡಿ ಫ್ಯಾನ್ಸ್​ ವಾರ್​ ಶುರು ಮಾಡಬೇಡಿ ಎಂದಿದ್ದಾರೆ. ನಿಮ್ಮದು ಅತ್ಯಂತ ಕೆಟ್ಟ ವಿಮರ್ಶೆ ಎಂದು ಜರಿದಿದ್ದಾರೆ. ಇನ್ನು ಕೆಲವರು ಉಮೇರ್​ ಸಂಧು ಹೇಳಿದ್ದು ನಿಜವಾದರೆ, ಅಭಿಮಾನಿಗಳ ಕಿತ್ತಾಟಕ್ಕೆ ಆರ್​ಆರ್​ಆರ್​ ಚಿತ್ರ ಕಾರಣವಾಗಲಿದೆ ಎಂದಿದ್ದಾರೆ. ಆದರೆ, ರಾಜಮೌಳಿ ಇಬ್ಬರ ಪಾತ್ರಕ್ಕೂ ನ್ಯಾಯ ಒದಗಿಸಿರುತ್ತಾರೆ ಎಂದು ಕೆಲವು ನಂಬಿದ್ದಾರೆ. ಏನೇ ಇರಲಿ ಜನವರಿ 7ಕ್ಕೆ ಚಿತ್ರ ಬಿಡುಗಡೆಯಾಗಲಿದ್ದು, ನಂತರ ಅಭಿಮಾನಿಗಳ ಅಭಿಪ್ರಾಯ ಯಾವ ರೀತಿಯಲ್ಲಿರಲಿದೆ ಎಂಬ ಕುತೂಹಲ ಇದೀಗ ಮನೆ ಮಾಡಿದೆ. (ಏಜೆನ್ಸೀಸ್​)

https://www.vijayavani.net/s-panchayath-election-results/

https://www.vijayavani.net/r-the-80-year-old-husband-ends-his-61-year-old-wife-life-who-did-not-admit-to-intimate/

https://www.vijayavani.net/r-bidar-cow-calf-naming-ceremony-cow-lover-special-program/