ಅಪಘಾತ ಸ್ಥಳದ ಬಳಿ ವಶಕ್ಕೆ ಪಡೆದಿರುವ ಸಿಸಿಟಿವಿ ಫುಟೇಜ್ನಲ್ಲಿ ಮೃತ ಅನ್ಸಿ ಕಬೀರ್ ಮತ್ತು ಅಂಜನಾ ಶಾಜನ್ ಸವಾರಿ ಮಾಡಿದ್ದ ಕಾರಿನ ಹಿಂದೆ ಮತ್ತೊಂದು ಕಾರು ಚೇಸ್ ಮಾಡಿರುವುದು ಪೊಲೀಸರಿಗೆ ಗೊತ್ತಾಗಿತ್ತು. ಬಾರ್ ಮತ್ತು ಇತರೆ ಏರಿಯಾಗಳ ಸಿಸಿಟಿವಿ ದೃಶ್ಯಾವಳಿಗಳನ್ನು ಪೊಲೀಸರು ಈಗಾಗಲೇ ಸಂಗ್ರಹಿಸಿದ್ದಾರೆ. ಆದರೆ, ಹೋಟೆಲ್ ಮಾಲೀಕನ ಮೇಲೆ ಅನುಮಾನ ದಟ್ಟವಾಗಿದೆ. ಏಕೆಂದರೆ, ಡಿಜೆ ಪಾರ್ಟಿಯ ಸಿಸಿಟಿವಿ ಡಿವಿಆರ್ ಅನ್ನು ಮಾಲೀಕ ಮುಚ್ಚಿಟ್ಟಿದ್ದಾನೆ. ಅದರಲ್ಲೂ ಪಾರ್ಟಿ ಹಾಲ್ ಮತ್ತು ಪಾರ್ಕಿಂಗ್ ಹಾಲ್ ವಿಡಿಯೋ ತುಣಕಗಳೇ ಪ್ರಮುಖವಾಗಿ ಕಾಣೆಯಾಗಿವೆ. ಪಾರ್ಟಿ ಮುಗಿದ ತಕ್ಷಣವೇ ಅನ್ಸಿ ಮತ್ತು ಸ್ನೇಹಿತರು ಅಲ್ಲಿಂದ ಬೇಗ ಹೊರಟರು. ಇದುವರೆಗೂ ಎರಡು ಬಾರಿ ಹೋಟೆಲ್ನಲ್ಲಿ ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ. ಆದರೆ, ಈವರೆಗೂ ಡಿವಿಆರ್ ಪತ್ತೆಯಾಗಿಲ್ಲ. ಹೀಗಾಗಿ ಪ್ರಕರಣದಲ್ಲಿ ಹೋಟೆಲ್ ಮಾಲೀಕನ ಪಾತ್ರ ಇರಬಹುದು ಎಂಬ ಸಂಶಯ ವ್ಯಕ್ತವಾಗಿದ್ದು, ಆತನನ್ನು ವಶಕ್ಕೆ ಪಡೆದು ಪೊಲೀಸರು ವಿಚಾರಣೆ ನಡೆಸಲಿದ್ದಾರೆ.
