ಐಷಾರಾಮಿ ಬೈಕ್ ಖರೀದಿಸಿದ ಮೊದಲ ಭಾರತೀಯ ನಟ ಮಾಧವನ್! ಈ ಬೈಕ್​ನ ಬೆಲೆ ಎಷ್ಟು ಗೊತ್ತಾ?...R Madhavan

R Madhavan: ಚಿತ್ರರಂಗದ ಅನೇಕ ನಟರು ಐಷಾರಾಮಿ ಕಾರುಗಳು ಮತ್ತು ದುಬಾರಿ ಬೈಕ್‌ಗಳನ್ನು ತುಂಬಾ ಇಷ್ಟಪಡುತ್ತಾರೆ. ಇತ್ತೀಚೆಗೆ ಬಾಲಿವುಡ್ ನಟ ಆರ್ ಮಾಧವನ್ ಆ ಪಟ್ಟಿಗೆ ಸೇರಿದ್ದಾರೆ. ಇತ್ತೀಚೆಗೆ ಮಾಧವನ್ ವಿಶೇಷ ಬೈಕ್ ಖರೀದಿಸಿದರು. ಈ ಬೈಕ್ ಹೊಂದಿದ ಮೊದಲ ಭಾರತೀಯ ಸೆಲೆಬ್ರಿಟಿ ಎಂಬ ಹೆಗ್ಗಳಿಕೆಗೆ ಅವರು ಪಾತ್ರರಾದರು. ಹಾಗಾದರೆ ಆ ಬೈಕ್ ಯಾವುದು?  ಎನ್ನುವ ನಿಮ್ಮ ಪ್ರಶ್ನೆಗೆ ಇಲ್ಲಿದೆ ಉತ್ತರ..

ಮಾದವ್​ ಅವರ ಬಳಿ ಈಗಾಗಲೇ ಹಲವಾರು ಬ್ರಾಂಡ್ ಕಂಪನಿಗಳ ಐಷಾರಾಮಿ ಬೈಕ್‌ಗಳಿವೆ. ಮಾಧವನ್ ಇತ್ತೀಚೆಗೆ ಮತ್ತೊಂದು ದುಬಾರಿ ಬೈಕ್ ಖರೀದಿಸಿದರು. ಆಸ್ಟ್ರಿಯನ್ ಮೋಟಾರ್‌ಸೈಕಲ್ ವಲಯದ ಅತಿದೊಡ್ಡ ಬ್ರ್ಯಾಂಡ್ ಆಗಿರುವ ಬ್ರಿಕ್ಸ್‌ಟನ್, ಕ್ರೋಮ್‌ವೆಲ್ 1200 ಸಿಸಿ ಬೈಕನ್ನು ( brixton cromwell 1200 ) ತಮ್ಮ ಗ್ಯಾರೇಜ್‌ಗೆ ತಂದಿದ್ದಾರೆ.

ರೆಟ್ರೊ ವಿನ್ಯಾಸ ಮತ್ತು ಆಧುನಿಕ ಎಂಜಿನಿಯರಿಂಗ್ ಕೆಲಸದ ಶೈಲಿಯನ್ನು ಹೊಂದಿರುವ ಈ ಬೈಕ್ ಅನ್ನು ಖರೀದಿಸಿದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೆ ಮಾಧವನ್ ಪಾತ್ರರಾಗುವ ಮೂಲಕ ಇತಿಹಾಸ ನಿರ್ಮಿಸಿದರು.

ಆಸ್ಟ್ರಿಯನ್ ಮೋಟಾರ್‌ಸೈಕಲ್ ಬ್ರಾಂಡ್ ಬ್ರಿಕ್ಸ್‌ಟನ್ ಇತ್ತೀಚೆಗೆ ಭಾರತದಲ್ಲಿ ತನ್ನ ಮಾರಾಟವನ್ನು ಪ್ರಾರಂಭಿಸಿತು. ಬ್ರಿಕ್ಸ್ಟನ್, ಮೋಟೋಹೌಸ್ ಜೊತೆಗಿನ ಪಾಲುದಾರಿಕೆಯಲ್ಲಿ ಭಾರತವನ್ನು ಪ್ರವೇಶಿಸುತ್ತಿದೆ. ಬೆಂಗಳೂರು, ಕೊಲ್ಹಾಪುರ, ಗೋವಾ, ಅಹಮದಾಬಾದ್ ಮತ್ತು ಇತರ ಪ್ರಮುಖ ನಗರಗಳಲ್ಲಿ ಈಗಾಗಲೇ ಡೀಲರ್‌ಶಿಪ್‌ಗಳನ್ನು ಸ್ಥಾಪಿಸಿದೆ. ಜೈಪುರ, ಮೈಸೂರು, ಕೋಲ್ಕತ್ತಾ, ಪುಣೆ ಮತ್ತು ಮುಂಬೈಗಳಲ್ಲಿ ಶೋ ರೂಂಗಳು ಬರಲಿವೆ.

ಮಾಧವನ್ ತಮ್ಮ ಮೊದಲ ಬೈಕ್, ಕ್ರೋಮ್‌ವೆಲ್, 1200 ಸಿಸಿ ಎಂಜಿನ್ ಸಾಮರ್ಥ್ಯದ ಐಷಾರಾಮಿ ಬೈಕ್ ಅನ್ನು ಖರೀದಿಸಿದರು. ಅವರು ಈ ಬೈಕ್ ಕಂಪನಿಯ ಬ್ರಾಂಡ್ ರಾಯಭಾರಿಯಾಗಿಯೂ ಸೇವೆ ಸಲ್ಲಿಸುತ್ತಿರುವುದು ಗಮನಾರ್ಹ. ಈ ಮಧ್ಯೆ, ಮಾಧವನ್ ತಮ್ಮ ಮಗ ವೇದಾಂತ್ ಹೆಸರನ್ನು ಹೊಸ ಬೈಕ್‌ಗೆ ಸೇರಿಸಿದ್ದಾರೆ.

ಬೈಕ್​​ನ ವಿಶೇಷತೆ ಏನು ಗೊತ್ತಾ?: ಭಾರತೀಯ ಮಾರುಕಟ್ಟೆಯಲ್ಲಿ ಇದರ ಬೆಲೆ ಸುಮಾರು ರೂ. 7.84 ಲಕ್ಷ (ಎಕ್ಸ್ ಶೋ ರೂಂ). ಇದರ ವೈಶಿಷ್ಟ್ಯಗಳು ಮುಂದಿನ ಹಂತದ್ದಾಗಿವೆ ಎಂಬ ಅಭಿಪ್ರಾಯಗಳು ಕೇಳಿಬರುತ್ತಿವೆ. ಬ್ರಿಕ್ಸ್ಟನ್ ಕ್ರೋಮ್ವೆಲ್ 1200 ಸಿಸಿ ಎಂಜಿನ್ ಹೊಂದಿದೆ. ಈ ಬೈಕ್ ನಿಸ್ಸಿನ್ ಬ್ರೇಕ್‌ಗಳು, ಬಾಷ್ ಎಬಿಎಸ್, ಕೆವೈಬಿ ಹೊಂದಾಣಿಕೆ ಸಸ್ಪೆನ್ಷನ್, ಟ್ರಾಕ್ಷನ್ ಕಂಟ್ರೋಲ್, ಕ್ರೂಸ್ ಕಂಟ್ರೋಲ್, ಆಂಟಿ-ಥೆಫ್ಟ್ ಕೀ ಸಿಸ್ಟಮ್, ಟಿಎಫ್‌ಟಿ ಡಿಸ್ಪ್ಲೇ ಮತ್ತು ಪಿರೆಲ್ಲಿ ಫ್ಯಾಂಟಮ್ ಟ್ಯೂಬ್‌ಲೆಸ್ ಟೈರ್‌ಗಳಂತಹ ಪ್ರೀಮಿಯಂ ವೈಶಿಷ್ಟ್ಯಗಳನ್ನು ಹೊಂದಿದೆ.