ಹೈದರಾಬಾದ್: ಸ್ಟಾರ್ ನಟರು ತಮ್ಮದೇ ಸ್ವಂತ ಕ್ಯಾರವಾನ್ ಹೊಂದುವ ಸಂಗತಿ ಹೊಸದೇನಲ್ಲ. ಬಾಲಿವುಡ್, ಟಾಲಿವುಡ್ ಮತ್ತು ಕಾಲಿವುಡ್ನ ಅನೇಕ ನಟರು ದುಬಾರಿ ವ್ಯಾನಿಟಿ ವ್ಯಾನ್ ಹೊಂದಿದ್ದಾರೆ.
ಈ ವ್ಯಾನಿಟಿ ವ್ಯಾನ್ಗಳು ಸೆಲೆಬ್ರಿಟಿಗಳ ಎರಡನೇ ಮನೆಯಾಗಿದೆ. ಸೆಲೆಬ್ರಿಟಿಗಳು ಶೂಟಿಂಗ್ಗೆ ತಯಾರಾಗಲು, ಮಲಗಲು, ಬಿಡುವಿನ ಸಮಯದ ವಿಶ್ರಾಂತಿ ಪಡೆಯಲು ಕ್ಯಾರವಾನ್ಗಳು ಸಹಕಾರಿಯಾಗಿವೆ. ಭವ್ಯ ಬಂಗಲೆಗಳಂತೆ ನಟರ ಕ್ಯಾರವಾನ್ಗಳು ಕೂಡ ಹಲವು ವೈಶಿಷ್ಟ್ಯಗಳೊಂದಿಗೆ ಕಂಗೊಳಿಸುತ್ತಿರುತ್ತವೆ.
ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಅವರು ಸದ್ಯದ ಪುಷ್ಪ ಚಿತ್ರದ ಸಕ್ಸನ್ ಅಲೆಯಲ್ಲಿ ತೇಲುತ್ತಿದ್ದಾರೆ. ವ್ಯಾನಿಟಿ ವ್ಯಾನ್ ಹೊಂದಿರುವವರಲ್ಲಿ ಅಲ್ಲು ಅರ್ಜುನ್ ಕೂಡ ಒಬ್ಬರು. ಅವರು 2019ರಲ್ಲೇ ಲಕ್ಷುರಿ ವ್ಯಾನಿಟಿ ವ್ಯಾನ್ ಹೊಂದಿದ್ದಾರೆ. ಅವರು ತಮ್ಮ ಅಭಿಮಾನಿಗಳ ಜತೆ ವ್ಯಾನ್ನ ಕೆಲವು ಫೋಟೋಗಳನ್ನು ಸಹ ಹಂಚಿಕೊಂಡಿದ್ದಾರೆ. ರೆಡ್ಡಿ ಕಸ್ಟಮ್ಸ್ ವಿನ್ಯಾಸಗೊಳಿಸಿರುವ ಫಾಲ್ಕನ್ ಕಂಪನಿಯ ವ್ಯಾನಿಟಿ ವ್ಯಾನ್ ಬರೋಬ್ಬರಿ 7 ಕೋಟಿ ರೂಪಾಯಿ ಬೆಲೆ ಬಾಳುತ್ತದೆ. ಹಾಗಾದ್ರೆ ಅಲ್ಲು ಅರ್ಜುನ್ ಲಕ್ಷುರಿ ವ್ಯಾನ್ನಲ್ಲಿ ಏನಿದೆ ಅಂತಾ ನೋಡುವುದಾದರೆ…
1. ಮೊದಲ ಅಕ್ಷರಗಳ ಮುದ್ರಣ
ಅಲ್ಲು ಅರ್ಜುನ್ ಅವರು ಮೊದಲ ಅಕ್ಷರಗಳಾದ AA ಅನ್ನ ವ್ಯಾನ್ನ ಹೊರ ಹಾಗೂ ಒಳಭಾಗದಲ್ಲಿ ಮುದ್ರಿಸಲಾಗಿದೆ.
2. ಅತ್ಯಾಧುನಿಕ ಒಳಾಂಗಣ
ಕಪ್ಪು ಬಣ್ಣದ ಐಷಾರಾಮಿ ವ್ಯಾನ್ನ ಒಳಗೆ ಕಪ್ಪು, ಬಿಳಿ ಮತ್ತು ಬೆಳ್ಳಿಯ ಬಣ್ಣದಲ್ಲಿ ಅತ್ಯಾಧುನಿಕ ಒಳಾಂಗಣ ವಿನ್ಯಾಸ ಮಾಡಲಾಗಿದೆ. ನೋಡಿದರೆ ತಕ್ಷಣ ಮನಸೂರೆಗೊಳ್ಳುವಂತಹ ಒಳಾಂಗಣ ವಿನ್ಯಾಸವಿದೆ.
3. ವಿಶಾಲವಾದ ವ್ಯಾನ್
ದೊಡ್ಡ ವ್ಯಾನಿಟಿ ವ್ಯಾನ್ನಲ್ಲಿ ಒಂದು ಆರಾಮದಾಯಕ ಕುರ್ಚಿ ಇದೆ. ಶೂಟಿಂಗ್ಗೆ ತಯಾರಾಗಲು ಮತ್ತು ಬಿಡುವಿನ ವೇಳೆಯಲ್ಲಿ ವಿಶ್ರಾಂತಿ ಪಡೆಯಲು ಅದು ನೆರವಾಗಲಿದೆ. ಅಲ್ಲದೆ, ಪಕ್ಕದಲ್ಲೇ ವ್ಯಾನ್ಗೆ ಅಂಟಿಕೊಂಡಂತೆ ನಿರ್ಮಿಸಿರುವ ಸೋಫಾ ಮಾದರಿಯ ಕುರ್ಚಿಯನ್ನು ಕಾಣಬಹುದಾಗಿದೆ. ಯಾರಾದರೂ ಅತಿಥಿಗಳು ಬಂದರೆ ಮಾತುಕತೆ ನಡೆಸಲು ಅದು ಸಹಕಾರಿಯಾಗಿದೆ.
4. ದುಬಾರಿ ಖರೀದಿ
ಆರಂಭದಲ್ಲಿ ಅಲ್ಲು ಅರ್ಜುನ್ ವ್ಯಾನಿಟಿ ವ್ಯಾನ್ಗಾಗಿ 3.5 ಕೋಟಿ ರೂಪಾಯಿಗಳನ್ನು ಖರ್ಚು ಮಾಡಿದರು, ಬಳಿಕ ಅದನ್ನು ಅರಮನೆಯಂತೆ ಪರಿವರ್ತಿಸಲು ಇನ್ನಷ್ಟು ಹಣ ಖರ್ಚು ಮಾಡಿದ್ದು, ಒಟ್ಟು 7 ಕೋಟಿ ರೂಪಾಯಿ ಬೆಲೆ ಬಾಳುತ್ತದೆ.
ವ್ಯಾನ್ ಒಳಗೆ ಕನ್ನಡಿಯೊಂದಿಗೆ ಸಂಪೂರ್ಣ ಸುಸಜ್ಜಿತ ವಾಶ್ ರೂಂ ಇದೆ. ಬೇಸಿನ್, ಶವರ್ ಮತ್ತು ವ್ಯಾನ್ ಸುತ್ತಲೂ ಪ್ರಕಾಶಮಾನವಾದ ದೀಪಗಳನ್ನು ಅಳವಡಿಸಲಾಗಿದೆ.
ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ, ನಟ ಅಲ್ಲು ಅರ್ಜುನ್ ಅವರ ಪುಷ್ಪ ದಿ ರೈಸ್ ಚಿತ್ರ ಇತ್ತೀಚೆಗಷ್ಟೇ ಬಿಡುಗಡೆಯಾಗಿ ಬಾಕ್ಸ್ಆಫೀಸ್ನಲ್ಲಿ ಭರ್ಜರಿ ಗೆಲುವು ದಾಖಲಿಸಿದ್ದು, ಸದ್ಯ ಪುಷ್ಪ ದಿ ರೂಲ್ ಚಿತ್ರದ ಶೂಟಿಂಗ್ನಲ್ಲಿ ಅಲ್ಲು ಅರ್ಜುನ್ ತೊಡಗಿಕೊಂಡಿದ್ದಾರೆ. (ಏಜೆನ್ಸೀಸ್)
ಲಕ್ಷುರಿ ಕ್ಯಾರವಾನ್ ಖರೀದಿಸಿದ ಮಹೇಶ್ ಬಾಬು: ಟಾಲಿವುಡ್ನಲ್ಲೇ ದುಬಾರಿ ವ್ಯಾನಿಟಿ ವ್ಯಾನ್ ಇದು!