ತಿರುವನಂತಪುರಂ: ಕೇರಳದ ಸರ್ಕಾರಿ ಸಾರಿಗೆ ಬಸ್ನಲ್ಲಿ ಪ್ರಯಾಣಿಕರೊಂದಿಗೆ ಮಹಿಳಾ ಕಂಡಕ್ಟರ್ ಒಬ್ಬರು ಅಸಭ್ಯವಾಗಿ ವರ್ತಿಸಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ತಿರುವನಂತಪುರದ ಚಿರೈನ್‌ಕೀಜ್ ನಿಲ್ದಾಣದಲ್ಲಿ ಬಸ್ ಅನ್ನು ನಿಲ್ಲಿಸಿದ್ದಾಗ ಬಸ್ ಹತ್ತಿದ ಪ್ರಯಾಣಿಕರನ್ನು (ಹೆಚ್ಚಾಗಿ ಕಾರ್ಮಿಕ ವರ್ಗದ ಮಹಿಳೆಯರಿದ್ದರು) ಮಹಿಳಾ ಕಂಡಕ್ಟರ್, ನಿಂದಿಸಿ, ಕೆಳಗಿಳಿಸಿರುವುದು ವಿಡಿಯೋದಲ್ಲಿದೆ. ನಾನಿನ್ನೂ ಊಟ ಮಾಡಿಲ್ಲ. ಮೊದಲು ನೀವೆಲ್ಲ ಬಸ್ನಿಂದ ಹೊರಗೆ ಹೋಗಿ ಎಂದು ಕಂಡಕ್ಟರ್ ಕೂಗಾಡಿದ್ದಾರೆ. ಸದ್ಯ ವೈರಲ್ ಆಗಿರುವ ವಿಡಿಯೋ ಸಾಕಷ್ಟು ಟೀಕೆಗೆ ಗುರಿಯಾಗಿದೆ. ಈಗಾಗಲೇ ಕೇರಳದ ಕೆಎಸ್ಆರ್ಟಿಸಿ ನಷ್ಟದಲ್ಲಿದ್ದು, ಈ ಸಮಯದಲ್ಲಿ ಸಿಬ್ಬಂದಿಯ ವರ್ತನೆಯು ಸಾರಿಗೆ ಇಲಾಖೆಯ ಅವ್ಯವಸ್ಥೆಗೆ ಹಿಡಿದ ಕನ್ನಡಿಯಾಗಿದೆ.
ಅ.1ರ ಮಧ್ಯಾಹ್ನ 1 ಗಂಟೆಗೆ ಈ ಘಟನೆ ನಡೆದಿದೆ. ಮಹಿಳಾ ಕಂಡಕ್ಟರ್ ಅನ್ನು ಶೀಬಾ ಎಂದು ಗುರುತಿಸಲಾಗಿದೆ. ಇವರು ಅತ್ತಿಂಗಲ್ ಡಿಪೋದಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಮಾಧ್ಯಮ ವರದಿಗಳ ಪ್ರಕಾರ ಬಸ್ ಚಿರೈನ್‌ಕೀಜ್ನಿಂದ ತಿರುವನಂತಪುರಂ ವೈದ್ಯಕೀಯ ಕಾಲೇಜಿಗೆ ಹೋಗಬೇಕಿತ್ತು. ಸಮಯ ಮಧ್ಯಾಹ್ನವಾಗಿದ್ದರಿಂದ ಇದು (ಬಸ್) ನಾನು ತಿನ್ನುವ ಸ್ಥಳವಾಗಿದೆ. ನಾನು ಹೋಟೆಲ್ ಅಥವಾ ಬೇಕರಿಗೆ ಹೋಗಲು ಸಾಧ್ಯವಿಲ್ಲ. ನೀವೆಲ್ಲ ಕೆಳಗೆ ಇಳಿಯಿರಿ ಎಂದು ಕಂಡಕ್ಟರ್ ಹೇಳುತ್ತಿರುವುದು ವಿಡಿಯೋದಲ್ಲಿದೆ.
ಯಾವಾಗ ಕೆಲವರು ಬಸ್ನಿಂದ ಕೆಳಗೆ ಇಳಿಯಲು ನಿರಾಕರಿಸಿದರೂ ಅವರನ್ನು ಅವಾಚ್ಯ ಪದಗಳಿಂದಲೇ ಕಂಡಕ್ಟರ್ ನಿಂದಿಸಿದ್ದಾರೆ. ಆಕೆಯ ಬೈಗುಳಗಳನ್ನು ಕೇಳಲಾಗದೇ ಹಿರಿಯ ಮಹಿಳೆ ಮತ್ತು ಕೈಯಲ್ಲಿ ಮಗು ಹಿಡಿದಿದ್ದ ಮಹಿಳೆಯೊಬ್ಬರು ತಕ್ಷಣ ಬಸ್ ಇಳಿದ ದೃಶ್ಯ ವಿಡಿಯೋದಲ್ಲಿದೆ.
ಮಹಿಳಾ ಕಂಡಕ್ಟರ್‌ನ ದೌರ್ಜನ್ಯದ ವೀಡಿಯೋ ವೈರಲ್ ಆದ ನಂತರ ಅವರ ತಕ್ಷಣ ಕ್ರಮ ಕೈಗೊಳ್ಳುವಂತೆ ಸಚಿವರಿಗೆ ನೆಟ್ಟಿಗರು ಆಗ್ರಹಿಸುತ್ತಿದ್ದಾರೆ. ಪ್ರಯಾಣಿಕರೊಂದಿಗೆ ಯಾವ ರೀತಿ ನಡೆದುಕೊಳ್ಳಬೇಕು ಎಂಬುದನ್ನು ನಿಮ್ಮ ಕಂಡಕ್ಟರ್ಗಳಿಗೆ ತಿಳಿಹೇಳಿ ಎಂದು ನೆಟ್ಟಿಗರು ಸಾರಿಗೆ ಸಚಿವರಿಗೆ ಸಲಹೆಗಳನ್ನು ನೀಡುತ್ತಿದ್ದಾರೆ. (ಏಜೆನ್ಸೀಸ್)
KSRTC നന്നാകുമോ? @BPIAS
സംഭവം ചിറയിൻകീഴ് സ്റ്റാൻഡിൽ.
ഭക്ഷണം കഴിക്കുമ്പോൾ വണ്ടിയിൽ ഇരുന്നതിന്. pic.twitter.com/WXmnBE1D8K— DP പിള്ളേച്ചൻ (@iampillachan) October 1, 2022
ಪಿಯು ವಿದ್ಯಾರ್ಥಿಯ ಜೀವ ಕಸಿದ ಐಫೋನ್: ಮಾತಿಗೆ ತಪ್ಪಿದ್ದಕ್ಕೆ ಸ್ನೇಹಿತನಿಂದಲೇ ಗುಂಡೇಟು
ಸರ್ಜಾ ಕುಟುಂಬಕ್ಕೆ ಹೊಸ ಅತಿಥಿ ಆಗಮನ: ಹೆಣ್ಣು ಮಗುವಿಗೆ ಜನ್ಮ ನೀಡಿದ ಧ್ರುವ ಸರ್ಜಾ ಪತ್ನಿ ಪ್ರೇರಣಾ
ರಸ್ತೆಯಲ್ಲಿ ಸಿಕ್ಕ 45 ಸಾವಿರ ರೂ. ಹಣವನ್ನು ಹಿಂತಿರುಗಿಸಿ ಮಾನವೀಯತೆ ಮೆರೆದ ತುಮಕೂರು ವ್ಯಕ್ತಿ