ಚೆನ್ನೈ: ಕರೊನಾ ಎರಡನೇ ಅಲೆ ಲಾಕ್ಡೌನ್ ಸಡಿಲಿಕೆ ನಂತರ ಅನೇಕ ಸೆಲೆಬ್ರಿಟಿಗಳು ಮತ್ತೆ ಜಾಲಿ ಮೂಡ್ಗೆ ಮರಳಿದ್ದಾರೆ. ಲಾಕ್ಡೌನ್ನಿಂದ ಮನೆಯಲ್ಲೇ ಲಾಕ್ ಆಗಿದ್ದ ನಟ-ನಟಿಯರು ಇದೀಗ ಮತ್ತೆ ಸುಂದರ ಪ್ರವಾಸಿ ತಾಣ ದೂರದ ಮಾಲ್ಡೀವ್ಸ್ ಕಡೆ ಹಾರಿದ್ದು, ಅಲ್ಲಿನ ಸಮುದ್ರ ತೀರದಲ್ಲಿ ಮಿಂದೇಳುತ್ತಿದ್ದಾರೆ.
ಇದೀಗ ಕಾಲಿವುಡ್ ಬ್ಯೂಟಿ ಆಂಡ್ರಿಯಾ ಜೆರೆಮಿಯ ಅವರು ಮಾಲ್ಡೀವ್ಸ್ಗೆ ಭೇಟಿ ನೀಡಿ ಪ್ರಕೃತಿ ಸೌಂದರ್ಯದಲ್ಲಿ ಬೆರೆತು, ವಾಪಸ್ಸಾಗಿದ್ದಾರೆ. ಆಂಡ್ರಿಯಾ ಕಾಲಿವುಡ್ನ ಬಹುಬೇಡಿಕೆಯ ನಟಿ. ನಾಯಕಿ ಮತ್ತು ಖಳನಾಯಕಿ ಎರಡು ಪಾತ್ರಗಳಲ್ಲಿಯೂ ತಮ್ಮ ನಟನೆಯಿಂದ ಮಿಂಚಿದ್ದು, ತಮ್ಮ ಹಾಟ್ ಲುಕ್ನಿಂದ ಪಡ್ಡೆ ಹುಡುಗರ ಹೃದಯಕ್ಕೆ ಕಿಚ್ಚನ್ನು ಹಚ್ಚಿದ್ದಾರೆ.
ಮಾಲ್ಡೀವ್ಸ್ನಲ್ಲಿ ರಜಾ ದಿನಗಳ ಮಜೆ ಸವಿದಿರುವ ಆಂಡ್ರಿಯಾ, ಆ ಕ್ಷಣಗಳನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಳ್ಳಲು ಮರೆಯಲಿಲ್ಲ. ಪ್ರತಿಯೊಂದು ಕ್ಷಣದ ಫೋಟೋಗಳನ್ನು ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಬಿಕಿನಿ ಉಡುಗೆಯಲ್ಲಿರುವ ಫೋಟೋವನ್ನು ಹರಿಬಿಟ್ಟಿರುವ ಆಂಡ್ರಿಯಾ ಪಡ್ಡೆ ಹುಡುಗರ ಮೈ ಬಿಸಿ ಏರಿಸಿದ್ದಾರೆ. ಅವರ ಫೋಟೋಗೆ ಸಾವಿರಾರು ಲೈಕ್ಸ್ಗಳು ಹರಿದುಬಂದಿವೆ. (ಏಜೆನ್ಸೀಸ್)