ಕೊರತೆ ನಡುವೆ ಗುಣಮಟ್ಟದ ಸೇವೆ

ಅನ್ಸರ್ ಇನೋಳಿ ಉಳ್ಳಾಲ

ಆಧುನಿಕತೆಯ ಅಬ್ಬರದ ನಡುವೆ ಆರೋಗ್ಯ ಕಾಪಾಡುವ ನಿಟ್ಟಿನಲ್ಲಿ ಜನರು ಆಲೋಪಥಿಯಿಂದ ಆಯುರ್ವೇದದ ಕಡೆ ಮುಖ ವಾಡಿದ್ದಾರೆ. ಈ ಚಿಕಿತ್ಸೆ ದುಬಾರಿಯಾದರೂ ಶಾಶ್ವತ ಪರಿಹಾರ ಸಿಗುವ ಭರವಸೆ. ದುಬಾರಿಯ ನಡುವೆಯೂ ವೆನ್ಲಾಕ್ ಆಯುಷ್ ವಿಭಾಗದಲ್ಲಿ ಉಚಿತ ಚಿಕಿತ್ಸೆ ನೀಡಲಾಗುತ್ತಿದ್ದು, ಜನಸಾವಾನ್ಯರ ಪಾಲಿಗೆ ಆಶಾದಾಯಕ ಬೆಳವಣಿಗೆ.

ವೆನ್ಲಾಕ್ ಆಸ್ಪತ್ರೆಯಲ್ಲಿ ಹಿಂದಿನಿಂದಲೂ ಆಯುಷ್‌ಗೆ ಸಂಬಂಧಿಸಿದ ಸಿದ್ಧ ಚಿಕಿತ್ಸೆ ಹೊರತುಪಡಿಸಿ ಉಳಿದ ಚಿಕಿತ್ಸೆಗಳಾದ ಆಯುರ್ವೇದ, ಯೋಗ ಮತ್ತು ನ್ಯಾಚುರೋಪಥಿ, ಯುನಾನಿ, ಹೋಮಿಯೋಪಥಿಯನ್ನು ಉಚಿತವಾಗಿಯೇ ನೀಡುತ್ತಾ ಬರಲಾಗಿದೆ. ಆದರೆ ಈ ವಿಭಾಗ ಆಸ್ಪತ್ರೆಯ ಒಂದು ಮೂಲೆಯಲ್ಲಿ ಸಣ್ಣ ಕೊಠಡಿಯಲ್ಲಿ ಕಾರ್ಯಾಚರಿಸುತ್ತಿದ್ದ ಕಾರಣ ಈ ಬಗ್ಗೆ ಹೆಚ್ಚಿನವರಿಗೆ ವಾಹಿತಿಯೇ ಇರಲಿಲ್ಲ. ಇದ್ದರೂ ಈ ವಿಭಾಗವನ್ನು ಹುಡುಕಿಕೊಂಡು ಹೋಗುವುದೇ ಒಂದು ರೀತಿಯ ಸಾಹಸ ಆಗಿದ್ದರಿಂದ ಜನರಲ್ಲಿ ತಾತ್ಸಾರ ಭಾವನೆ ಮೂಡಿತ್ತು.

ಈ ಹಿನ್ನೆಲೆಯಲ್ಲಿ ಸರ್ಕಾರ ಆಯುಷ್‌ಗೆ ಪ್ರತ್ಯೇಕ ವಿಭಾಗ ಆರಂಭಿಸಲು ಮುಂದಾಗಿ ವೆನ್ಲಾಕ್ ಮಕ್ಕಳ ಆಸ್ಪತ್ರೆಯ ಸನಿಹದಲ್ಲಿ ರಾಷ್ಟ್ರೀಯ ಆಯುಷ್ ಮಿಷನ್ ಯೋಜನೆಯಡಿ ಹೊಸ ಕಟ್ಟಡ ನಿರ್ಮಿಸಿದ್ದು, 2021ರಲ್ಲೇ ಉದ್ಘಾಟನೆಗೊಂಡಿದೆ.

ಇಲ್ಲಿರುವ ಸೌಲಭ್ಯಗಳು: ಮೂರು ಅಂತಸ್ತಿನ ಕಟ್ಟಡ ಇದಾಗಿದ್ದು ಒಳ ಮತ್ತು ಹೊರರೋಗಿಗಳ ವಿಭಾಗ ಹೊಂದಿದೆ. ತಳ ಅಂತಸ್ತಿನಲ್ಲಿ ನೋಂದಣಿ, ಸಹಾಯವಾಣಿ, ಆಯುರ್ವೇದ, ಯೋಗ, ಯುನಾನಿ, ಹೋಮಿಯೋಪಥಿ ಹೊರರೋಗಿ ವಿಭಾಗ, ಹೈಡ್ರೋ ಥೆರಪಿ, ಔಷಧಾಲಯ ಮತ್ತು ಲ್ಯಾಬೊರೇಟರಿ ಇದೆ.

ಮೊದಲ ಅಂತಸ್ತಿನಲ್ಲಿ ವೈದ್ಯಕೀಯ ಅಧೀಕ್ಷಕರ ಕೊಠಡಿ, ಫಿಸಿಯೋಥೆರಪಿ, ಹಿಜಾಮ, ವಿಶೇಷ ಹೊರರೋಗಿ ವಿಭಾಗ, ಯೋಗ ಸಭಾಂಗಣ ಇದೆ. ಎರಡನೇ ಅಂತಸ್ತಿನಲ್ಲಿ ದಾದಿಯರ ವಿಭಾಗ, ಹೆಂಗಸರ ವಾರ್ಡ್, ವಿಶೇಷ ವಿಭಾಗ, ಹೆಂಗಸರಿಗೆ ಪಂಚಕರ್ಮ, ಫಿಸಿಯೋಥೆರಪಿ ವ್ಯವಸ್ಥೆ ಇದೆ.

ಮೂರನೇ ಅಂತಸ್ತಿನಲ್ಲಿ ಅಂತಸ್ತಿನಲ್ಲಿ ದಾದಿಯರ ವಿಭಾಗ, ಗಂಡಸರ ವಾರ್ಡ್, ವಿಶೇಷ ವಿಭಾಗ, ಗಂಡಸರಿಗೆ ಪಂಚಕರ್ಮ, ಶಸಚಿಕಿತ್ಸೆ, ಸೌನ ಬಾತ್, ಸರ್ಕುಲೇಶನ್ ಜೆಟ್ ಬಾತ್ ವಿಭಾಗ ಹಾಗೂ ಫಿಸಿಯೋಥೆರಪಿ ವ್ಯವಸ್ಥೆ ಇದೆ. ಸದ್ಯ 30 ಒಳ ರೋಗಿಗಳ ಚಿಕಿತ್ಸೆಗೆ ಬೇಕಾದ ಎಲ್ಲ ರೀತಿಯ ಸೌಲಭ್ಯಗಳೂ ಇಲ್ಲಿವೆ.

ಸುಸಜ್ಜಿತ ನ್ಯಾಚುರೋಪಥಿ, ಯುನಾನಿ, ತಜ್ಞ ಆಯುರ್ವೇದ ಪಂಚಕರ್ಮ, ಪ್ರತಿ ತಿಂಗಳ ಮೂರನೇ ಶುಕ್ರವಾರ ಕ್ಷಾರಸೂತ್ರ ಶಸಚಿಕಿತ್ಸೆ ವ್ಯವಸ್ಥೆ ಇದೆ. ಅಲ್ಲದೆ ಪೈಲ್ಸ್, ಪಿಸ್ತೂಲ, ಗಂಟುರೋಗ, ಸೊಂಟನೋವು, ಬೆನ್ನುನೋವು, ಮೊಣಕಾಲು ನೋವು ಪುನರ್ಭವ ಚಿಕಿತ್ಸೆ ವ್ಯವಸ್ಥೆಯೂ ಇಲ್ಲಿದೆ. ಒಳರೋಗಿಗಳಿಗೆ ಮಧ್ಯಾಹ್ನ ಸ್ನೇಹಾಲಯ ಸಂಸ್ಥೆಯಿಂದ ಹಾಗೂ ರಾತ್ರಿ ಎಂಫ್ರೆಂಡ್ಸ್ ವತಿಯಿಂದ ಉಚಿತ ಊಟದ ವ್ಯವಸ್ಥೆ ಇದೆ. ಎಂಟು ವಿಶೇಷ ಕೊಠಡಿಗಳಿದ್ದು, ಸರ್ಕಾರ ಇನ್ನೂ ದರ ನಿಗದಿಪಡಿಸಿಲ್ಲ.

ಸದ್ಯದ ಪರಿಸ್ಥಿತಿಯಲ್ಲಿ ಖಾಸಗಿ ಆಸ್ಪತ್ರೆಗಳು, ಕಿರಿಯ ವೈದ್ಯರು, ಫಿಸಿಯೋಥೆರಪಿ ಕಾಲೇಜು, ನರ್ಸಿಂಗ್ ಕಾಲೇಜಿನಿಂದ ಉಚಿತ ಸೇವೆ ಪಡೆಯಲಾಗುತ್ತಿದ್ದರೆ, ಸರ್ಕಾರದ ಇಲಾಖೆಯ ವಿವಿಧ ವಿಭಾಗದ ಸಿಬ್ಬಂದಿಯನ್ನು ಬಳಸಲಾಗುತ್ತಿದೆ. 20 ಥೆರಪಿಸ್ಟ್‌ಗಳ ಅವಶ್ಯಕತೆಯಿದೆ. ಪ್ರಸ್ತುತ ರೋಗಿಗಳ ಸೇವೆಗಾಗಿ ಉಳ್ಳಾಲ ಮತ್ತು ಜಿಲ್ಲಾಸ್ಪತ್ರೆಯ ನಾಲ್ವರು ಥೆರಪಿಸ್ಟ್‌ಗಳನ್ನು ಬಳಸಿಕೊಳ್ಳಲಾಗುತ್ತಿದೆ. ಆಹಾರ ತಯಾರಕರ ನೇಮಕ ಆದರೆ ಮುಂದಿನ ದಿನಗಳಲ್ಲಿ ಪಥ್ಯಹಾರ ವಿಭಾಗ ಆರಂಭಿಸುವ ಯೋಜನೆಯೂ ಇದೆ. ಇಲ್ಲಿರುವ ಸೌಲಭ್ಯಗಳು, ಚಿಕಿತ್ಸೆಯ ಅನುಭವ ಫಲಾನುಭವಿಗಳಿಗಷ್ಟೇ ಗೊತ್ತು.

ಸಿಬ್ಬಂದಿ ಕೊರತೆ

ಆಸ್ಪತ್ರೆಯಲ್ಲಿ ಅನುಭವಿ ವೈದ್ಯರ ತಂಡ ಇರುವುದರಿಂದ ಚಿಕಿತ್ಸೆಗಾಗಿ ಪ್ರತಿದಿನ 150ರಿಂದ 200ರಷ್ಟು ಹೊರರೋಗಿಗಳು ಬರುತ್ತಾರೆ. ಇಎನ್‌ಟಿ, ಸೀ ರೋಗ ತಜ್ಞರೂ ಇಲ್ಲಿದ್ದಾರೆ. ಸಿಬ್ಬಂದಿ ಕೊರತೆ ನಡುವೆಯೂ ಉತ್ತಮ ಸೇವೆ ನೀಡಲಾಗುತ್ತಿದೆ. ಥೆರಪಿಸ್ಟ್, ಪ್ಯಾರಮೆಡಿಕಲ್ ಸಿಬ್ಬಂದಿ ನೇಮಕ ಆಗಬೇಕಿದೆ. ಇದಾದಲ್ಲಿ ಒಳರೋಗಿಗಳ ವಿಭಾಗವನ್ನು 30ರ ಬದಲು 75ಕ್ಕೆ ವಿಸ್ತರಿಸುವ ಅವಕಾಶ ಇದೆ.