ಟೋಕಿಯೋ : ಜಪಾನಿನ ಟೋಕಿಯೋದಲ್ಲಿ ನಡೆಯುತ್ತಿರುವ ಒಲಿಂಪಿಕ್ಸ್ನಲ್ಲಿ ಭಾರತದ ಪಿ.ವಿ.ಸಿಂಧು ಅವರು ಮೊದಲ ಗೆಲುವು ಸಾಧಿಸಿದ್ದಾರೆ. ವುಮೆನ್ಸ್ ಸಿಂಗಲ್ಸ್ ಬ್ಯಾಡ್ಮಿಂಟನ್ ಗ್ರೂಪ್ ಜೆ ಪಂದ್ಯದಲ್ಲಿ ಇಸ್ರೇಲ್ನ ಕ್ಸೇನಿಯ ಪೊಲಿಕರ್ಪೋವ ಎಂಬುವರನ್ನು ನೇರ ಆಟಗಳಲ್ಲಿ ಪರಾಜಯಗೊಳಿಸಿದ್ದಾರೆ.
ಇಂದು ನಡೆದ ಪಂದ್ಯದಲ್ಲಿ ವರ್ಲ್ಡ್ ಚಾಂಪಿಯನ್ ಆದ ಸಿಂಧು ಅವರು ಪೊಲಿಕರ್ಪೋವ ವಿರುದ್ಧ ಸುಲಲಿತವಾಗಿ 21-7 ಮತ್ತು 21-10 ಸ್ಕೋರ್ನೊಂದಿಗೆ ಗೆಲುವು ಸಾಧಿಸಿದರು. ಮುಂದಿನ ಪಂದ್ಯದಲ್ಲಿ ಹಾಂಗ್ಕಾಂಗ್ನ ಚೆಯುಂಗ್ ಗಾನ್ ಯಿ ಅವರ ವಿರುದ್ಧ ಸೆಣೆಸಲಿದ್ದಾರೆ. ರಿಯೋ ಒಲಿಂಪಿಕ್ಸ್ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದ ಸಿಂಧು ಅವರು ಈ ಬಾರಿಯೂ ಒಲಿಂಪಿಕ್ಸ್ನಲ್ಲಿ ಭಾರತಕ್ಕೆ ಪದಕ ಗೆದ್ದು ತರುತ್ತಾರೆ ಎಂಬ ಅಪೇಕ್ಷೆಗಳಿವೆ. (ಏಜೆನ್ಸೀಸ್)