ಅಪ್ಪು ಹಾಡಿದ ಮತ್ತೊಂದು ಹೊಸ ಹಾಡು ರಿಲೀಸ್! ಭಾವುಕರಾದ ಅಭಿಮಾನಿಗಳು..

ಬೆಂಗಳೂರು: ಅಪ್ಪು ಅವರ ಹೆಸರು ತೆಗೆದರೆ ಸದ್ಯ ಎಲ್ಲರೂ ಭಾವುಕರಾಗುತ್ತಾರೆ. ಪುನೀತ್ ಅಗಲಿದರು ನಮ್ಮೊಂದಿಗೆ ಈಗಲೂ ಬದುಕಿದ್ದಾರೆ ಎಂಬ ಭಾವನೆಯನ್ನು ಹೊಂದಿದ್ದಾರೆ. ಇನ್ನು, ಅಪ್ಪು ಕೊನೆಯದಾಗಿ ನಟಿಸಿದ ಸಿನಿಮಾಗಳು ನೋಡಲು ಅಭಿಮಾನಿಗಳು ಕಾತುರರಾಗಿದ್ದಾರೆ. ಆದರೆ, ಇದೀಗ ಒಂದು ಖುಷಿಯ ಸುದ್ದಿ ಕೇಳಿಬಂದಿದೆ. ಅಪ್ಪು ಅವರು ಬಹಳಷ್ಟು ಹೊಸ ಮತ್ತು ಸಣ್ಣ ಸಿನಿಮಾಗಳಿಗೆ ಪ್ರೋತ್ಸಾಹಿಸುತ್ತಿದ್ದರು. ಇಂತಹದ್ದೇ ಒಂದು ಸಿನಿಮಾಗೆ ಪುನೀತ್ ರಾಜ್​ಕುಮಾರ್ ಅವರು ಹಾಡಿದ್ದರು. ಅದೇ, ಅಪ್ಪು ಅವರು ಹಾಡಿದ ಕೊನೆಯ ಹಾಡು ಎಂಬ ಮಾತುಗಳು ಕೇಳಿಬರುತ್ತಿವೆ. ಹೌದು, ದಕ್ಷಿಣ ಕನ್ನಡ ಜಿಲ್ಲೆಯ ಬಹುತೇಕ ಹೊಸ ಪ್ರತಿಭೆಗಳೇ ಸೇರಿ ನಿರ್ಮಿಸಿರುವ ಚಿತ್ರ 'ಹರೀಶ ವಯಸ್ಸು 36'. ಈ ಚಿತ್ರದ ಟೈಟಲ್ ಹಾಡನ್ನು ಅಪ್ಪು ಅವರು ಹಾಡಿದ್ದಾರೆ.

ಈಗ ಆ ಹಾಡಿನ ಬಗ್ಗೆ ಚಿತ್ರತಂಡವೇ ಹಂಚಿಕೊಂಡಿದೆ. ಸಂಗೀತ ನಿರ್ದೇಶಕರಾದ ಗುರುರಾಜ್ ಜ್ಯೇಷ್ಠ ಅವರು 'ಹರೀಶ ವಯಸ್ಸು 36' ಚಿತ್ರಕ್ಕೆ ಕಥೆ ಬರೆದು, ಜೊತೆಗೆ ಈ ಸಿನಿಮಾದಿಂದ ಮೊದಲ ಬಾರಿ ನಿರ್ದೇಶಕರಾಗಲಿದ್ದಾರೆ. ಹಾಸ್ಯ ಚಿತ್ರವಾಗಿರುವ ಈ ಸಿನಿಮಾಗೆ ಅಪ್ಪು ಟೈಟಲ್ ಹಾಡು ಹಾಡಿರುವದೇ ದೊಡ್ಡ ಹೈಲೈಟ್. ಹಾಗಾಗಿ, ಟೈಟಲ್ ಹಾಡನ್ನು ಚಿತ್ರತಂಡ ಪ್ರೇಸ್ ಮೀಟ್ ಮಾಡಿ ಅನಾವರಣಗೊಳಿಸಿದ್ದಾರೆ. 'ಹರೀಶ್ ಅಣ್ಣಂಗೆ ವಯಸ್ಸು 36' ಅಂತ ಆರಂಭವಾಗುವ ಈ ಹಾಡಿಗೆ ಈಗಾಗಲೇ 1 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳು ಲಭಿಸಿದ್ದು, 10 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಪಡೆದಿದೆ. ಹಾಡು ಕೇಳಿದ ಅಪ್ಪು ಅಭಿಮಾನಿಗಳು ದಿಲ್ ಖುಷಿ ಆಗಿದ್ದು, ಭಾವುಕರು ಸಹ ಆಗಿದ್ದಾರೆ.

https://www.vijayavani.net/shriya-saran-shares-a-lip-lock-picture-with-husband-andrei-in-a-swimming-pool-and-photo-goes-viral-on-social-media/

https://www.vijayavani.net/r-check-out-the-launch-date-of-bigg-boss-kannada-season-9/