ಕರೊನಾಗೂ ಬಂತು ಚಿನ್ನದ ಮಾಸ್ಕ್​!

ಪುಣೆ: ಕರೊನಾ ಸೋಂಕು ಎಲ್ಲೆಡೆ ಸದ್ದು ಮಾಡುತ್ತಿದ್ದಂತೆ ಮುಖಗವಸು(ಮಾಸ್ಕ್​)ಗಳಿಗೆ ಭಾರೀ ಡಿಮಾಂಡ್​ ಬಂದಿದೆ. ತರಹೇವಾರಿಯ ಮಾಸ್ಕ್​ಗಳು ಮಾರುಕಟ್ಟೆಗೀಗ ಲಗ್ಗೆಯಿಟ್ಟಿವೆ. 'ಮೋದಿ ಮಾಸ್ಕ್​' ಕೂಡ ಮಾರುಕಟ್ಟೆಯಲ್ಲಿ ಟ್ರೆಂಡ್​ ಆಗಿದೆ. ಕೆಲವರಂತೂ ಮಸ್ಕ್​ಗಳಿಗೆ 'ಕರೊನಾ ಮಾಸ್ಕ್​' ಎಂದೇ ಕರೆಯುತ್ತಿದ್ದಾರೆ.

ಉಳ್ಳವರು ಆರ್ಥಿಕ ಸ್ಥಿತಿಗನುಗುಣವಾಗಿ ಮಾಸ್ಕ್​ ಖರೀದಿಸಿ ಧರಿಸುತ್ತಿದ್ದಾರೆ. ಇನ್ನೂ ಕೆಲವರು ದುಪ್ಪಟ್ಟ, ಶಿರೋವಸ್ತ್ರಗಳನ್ನೇ ಮುಖಗವಸನ್ನಾಗಿ ಬಳಸುತ್ತಿದ್ದಾರೆ. ಈ ನಡುವೆ ಇಲ್ಲೊಬ್ಬ ಚಿನ್ನದ ಮಾಸ್ಕ್​ ಮಾಡಿಸಿಕೊಂಡು ಎಲ್ಲರ ಹುಬ್ಬೇರುವಂತೆ ಮಾಡಿದ್ದಾನೆ. ಇದನ್ನೂ ಓದಿರಿ ಈ ಮದುವೆಗೆ ಹೋಗಿದ್ದ 20ಕ್ಕೂ ಹೆಚ್ಚು ಜನರಿಗೆ ಕರೊನಾ ಪಾಸಿಟಿವ್​!

ಅಂದಹಾಗೆ ಚಿನ್ನದ ಮಾಸ್ಕ್​ ಹಾಕಿಕೊಳ್ಳುತ್ತಿರೋದು ಯಾರು ಗೊತ್ತಾ? ಪುಣೆಯ ಪಿಂಪ್ರಿ ಚಿಂಚವಾಡದ ಶಂಕರ್ ಕೂರದೆ ಎಂಬಾತ. ದೇಶದೆಲ್ಲೆಡೆ ಕೋವಿಡ್​ ಸೋಂಕು ರಣಕೇಕೆ ಹಾಕುತ್ತಿರುವ ಸಂದರ್ಭದಲ್ಲಿ ಧರಿಸಲೆಂದೇ ಶಂಕರ್​ ಚಿನ್ನದ ಮುಖಗವಸು ಮಾಡಿಸಿಕೊಡಿದ್ದಾರೆ. ಈ ಚಿನ್ನದ ಮಾಸ್ಕ್​ಗೆ ಬರೋಬ್ಬರಿ 2.89 ಲಕ್ಷ ರೂ. ಖರ್ಚು ಮಾಡಿದ್ದಾರೆ.

ಮಾಸ್ಕ್​ ತೆಳುವಾಗಿದ್ದು, ಸಣ್ಣಸಣ್ಣ ರಂಧ್ರಗಳಿವೆ. ಉಸಿರಾಟಕ್ಕೆ ತೊಂದರೆ ಆಗದಂತೆ ಈ ರಂಧ್ರಗಳನ್ನು ಬಿಡಲಾಗಿದೆ. ಆದರೆ, ಸೋಂಕು ತಗುಲದಂತೆ ರಕ್ಷಿಸಿಕೊಳ್ಳುವಲ್ಲಿ ಈ ಮಾಸ್ಕ್​ ಎಷ್ಟರಮಟ್ಟಿಗೆ ಸಫಲ ಎಂಬುದು ತಿಳಿದಿಲ್ಲ.

https://www.vijayavani.net/2-boys-promise-girl-of-covid-19-medicines-rape-her/