ಫುಟ್​ಬಾಲ್​ ತಾರೆ ಲಿಯೊನೆಲ್​ ಮೆಸ್ಸಿಗೆ ಆಹ್ವಾನ ನೀಡಿದ ಪಾಕಿಸ್ತಾನ ಸೂಪರ್​ ಲೀಗ್​ ಟಿ20 ತಂಡ...!

ಬೆಂಗಳೂರು: ಸ್ಟಾರ್​ ಫುಟ್​ಬಾಲ್​ ಆಟಗಾರ ಲಿಯೊನೆಲ್​ ಮೆಸ್ಸಿ, ತಮ್ಮ 20 ವರ್ಷಗಳ ಬಾರ್ಸಿಲೋನಾ ಫುಟ್​ಬಾಲ್​ ಕ್ಲಬ್​ ಒಡನಾಟವನ್ನು ಕಡಿತಗೊಳಿಸಲು ಮುಂದಾಗಿದ್ದಾರೆ. 13ನೇ ವಯಸ್ಸಿಗೆ ಬಾರ್ಸಿಲೋನಾ ಕ್ಲಬ್​ ಸೇರಿದ್ದ ಮೆಸ್ಸಿ ಇದೀಗ ಬೇರೆ ಕ್ಲಬ್​ನತ್ತ ಮುಖಮಾಡಿದ್ದಾರೆ ಎನ್ನಲಾಗುತ್ತಿದೆ. ಈಗಾಗಲೇ ಹಲವು ಕ್ಲಬ್​ಗಳು ಮೆಸ್ಸಿಗೆ ಆಹ್ವಾನ ನೀಡಿವೆ. ಪಾಕಿಸ್ತಾನ ಸೂಪರ್​ ಲೀಗ್​ಗೆ (ಪಿಎಸ್​ಎಲ್​) ಸೇರ್ಪಡೆಗೊಳ್ಳುವಂತೆ ದಿಗ್ಗಜ ಆಟಗಾರನಿಗೆ ಆಹ್ವಾನ ನೀಡಲಾಗಿದೆ. ಬಳಿಕ ಎಚ್ಚೆತ್ತುಗೊಂಡ ಪಿಎಸ್​ಎಲ್​ ತನ್ನ ಟ್ವೀಟ್​ ಅನ್ನು ಡಿಲೀಟ್​ ಮಾಡಿದೆ.

ಇದನ್ನೂ ಓದಿ: ರೊನಾಲ್ಡೊ-ಮೆಸ್ಸಿ ಒಂದೇ ತಂಡದಲ್ಲಿ ಆಡ್ತಾರಾ? ಜುವೆಂಟಸ್ ಕ್ಲಬ್​ ಹೇಳೋದೇನು?

13ನೇ ವಯಸ್ಸಿನಿಂದಲೂ ಬಾರ್ಸಿಲೋನಾ ತಂಡದೊಂದಿಗೆ ಗುರುತಿಸಿಕೊಂಡಿರುವ ಮೆಸ್ಸಿ ಇದೀಗ ವಿಶ್ವ ಫುಟ್​ಬಾಲ್​ ಕ್ಷೇತ್ರದ ಕೇಂದ್ರ ಬಿಂದುವಾಗಿದ್ದಾರೆ. ಇದಕ್ಕೆ ಕಾರಣವಾಗಿರುವುದು ಅವರು ಬಾರ್ಸಿಲೋನಾ ತಂಡ ತೊರೆಯುತ್ತಾರೆ ಎಂಬುದು. ಕೆಲ ದಿನಗಳಿಂದ ಐಪಿಎಲ್​ ತಂಡಗಳಾದ ಕೆಕೆಆರ್​ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್​ ತಂಡಗಳು ತಮಾಷೆಯಾಗಿ ಫುಟ್​ಬಾಲ್​ ದಿಗ್ಗಜನಿಗೆ ಆಹ್ವಾನ ನೀಡಿದ್ದವು. ಇದರ ಬೆನ್ನಲ್ಲೇ ಪಾಕಿಸ್ತಾನದ ಕ್ರಿಕೆಟ್​ ಟೂರ್ನಿ ಪಿಎಸ್​ಎಲ್​ ಕೂಡ ಮೆಸ್ಸಿಗೆ ಆಹ್ವಾನ ನೀಡಿದೆ. ಕೆಲ ಹೊತ್ತಿನಲ್ಲೇ ಪಿಎಸ್​ಎಲ್​ ತನ್ನ ಟ್ವೀಟ್​ ಮಾಡಲಾಗಿದೆ.

ಇತ್ತೀಚೆಗೆ ಮುಕ್ತಾಯಗೊಂಡ ಚಾಂಪಿಯನ್ಸ್​ ಲೀಗ್​ ಟೂರ್ನಿಯಲ್ಲಿ ಮೆಸ್ಸಿ ಒಳಗೊಂಡ ಬಾರ್ಸಿಲೋನಾ ತಂಡ 2-8 ರಿಂದ ಬೇರ್ಯನ್​ ಮ್ಯೂನಿಚ್​ ತಂಡದ ಎದುರು ಸೋಲನುಭವಿಸಿತು. ಮೆಸ್ಸಿ ತಂಡದ ತೊರೆಯಲು ಇದು ಕೂಡ ಪ್ರಮುಖ ಕಾರಣ ಎನ್ನಲಾಗುತ್ತಿದೆ. ಕ್ಲಬ್​ ತೊರೆಯುತ್ತಿರುವ ಕುರಿತು ಮೆಸ್ಸಿ ಅಧಿಕೃತ ಹೇಳಿಕೆ ಪ್ರಕಟಿಸಿಲ್ಲ.

https://www.vijayavani.net/mumbai-indians-fast-bowler-lasit-malinga-celebrated-his-37th-birthday/