ಪ್ಯಾರಿಸ್: ಫ್ರಾನ್ಸ್ ರಾಜಧಾನಿ ಪ್ಯಾರಿಸ್ ಭಾನುವಾರ ರಾತ್ರಿ ಅಕ್ಷಶಃ ರಣರಂಗವಾಗಿ ಮಾರ್ಪಟ್ಟಿತು. ಪೋರ್ಚುಗಲ್ನ ಲಿಸ್ಬೊನ್ನಲ್ಲಿ ನಡೆದ ಫುಟ್ಬಾಲ್ ಚಾಂಪಿಯನ್ಸ್ ಲೀಗ್ ಫೈನಲ್ ಪಂದ್ಯದಲ್ಲಿ ಪ್ಯಾರಿಸ್ ಸೇಂಟ್-ಜಮೈರ್ನ್ ತಂಡ (ಪಿಎಸ್ಜಿ) 0-1 ಗೋಲುಗಳಿಂದ ಬೇರ್ಯನ್ ಮುನಿಚ್ ಎದುರು ಸೋಲನುಭವಿಸಿದ್ದೆ ತಡ, ತಂಡದ ಅಭಿಮಾನಿಗಳು ಬೀದಿಗಿಳಿದು ದಾಂಧಲೆ ನಡೆಸಿದ್ದಾರೆ. ದಾಂಧಲೆ ಸಂಬಂಧ ಸ್ಥಳೀಯ ಪೊಲೀಸರು 150ಕ್ಕೂ ಹೆಚ್ಚು ಮಂದಿಯನ್ನು ಬಂಧಿಸಿದ್ದಾರೆ. ನಗರದ ಕೇಂದ್ರ ಭಾಗದಲ್ಲಿ ಸುಮಾರು 5 ಸಾವಿರ ಅಭಿಮಾನಿಗಳು ಫೈನಲ್ ಪಂದ್ಯ ವೀಕ್ಷಿಸುವ ಸಲುವಾಗಿ ಒಂದೆಡೆ ಸೇರಿದ್ದರು, ಅಭಿಮಾನಿಗಳಿಗೆ ಬಿಗ್ ಸ್ಕ್ರೀನ್ ಮೂಲಕ ಪಂದ್ಯ ನೋಡಲು ಅನುವು ಮಾಡಿಕೊಡಲಾಗಿತ್ತು.
