ಈಗ ಜನ ಗುರುತಿಸ್ತಾರೆ: ಈ ಐದು ತಿಂಗಳುಗಳಲ್ಲಿ ಪೃಥ್ವಿ ಐದು ಚಿತ್ರಗಳನ್ನು ಒಪ್ಪಿಕೊಂಡಿರಬಹುದು. ಆದರೆ, ಅದಕ್ಕೂ ಮುನ್ನ ಒಂದೇ ಒಂದು ಚಿತ್ರಕ್ಕೆ ಅವರು ಆರು ವರ್ಷ ಕಾದಿದ್ದೂ ಇದೆಯಂತೆ. ‘ಆರು ವರ್ಷಗಳ ಹಿಂದೆ ‘ದಿಯಾ’ ಚಿತ್ರಕ್ಕೆ ಆಡಿಷನ್ ಕೊಟ್ಟೆ. ಆಯ್ಕೆಯೂ ಆದೆ. ಆದರೆ, ಕಾರಣಾಂತರಗಳಿಂದ ಚಿತ್ರ ತಡವಾಗುತ್ತಾ ಹೋಯಿತು. ಕೊನೆಗೆ ಈ ವರ್ಷ ಬಿಡುಗಡೆಯಾಯಿತು. ಇಷ್ಟು ವರ್ಷ ಕಾದಿದ್ದಿಕ್ಕೆ ಒಳ್ಳೆಯ ಪ್ರತಿಕ್ರಿಯೆ ಸಿಗಬಹುದು ಎಂದುಕೊಂಡಿದ್ದೆ. ಆದರೆ, ಚಿತ್ರಮಂದಿರಗಳಲ್ಲಿ ಚಿತ್ರ ಹೆಚ್ಚು ದಿನ ಓಡಲಿಲ್ಲ. ಈ ಬೇಸರದಲ್ಲಿದ್ದಾಗಲೇ, ಚಿತ್ರ ಅಮೇಜಾನ್ನಲ್ಲಿ ಬಿಡುಗಡೆಯಾಗಿ ಯಶಸ್ವಿ ಆಯ್ತು. ಅದಕ್ಕೂ ಮುನ್ನ, ನಾನು ಯಾರು ಅಂತ ಯಾರಿಗೂ ಗೊತ್ತಿರಲಿಲ್ಲ. ಈಗ ಜನ ಗುರುತಿಸ್ತಾರೆ, ಒಳ್ಳೆಯ ಅವಕಾಶಗಳೂ ಸಿಗುತ್ತಿವೆ. ಇದೇ ಖುಷಿಯ ವಿಚಾರ’ ಎನ್ನುತ್ತಾರೆ ಫೃಥ್ವಿ.
