ಸದ್ಯದಲ್ಲೇ ಚಾಲಕ ರಹಿತ ಮೆಟ್ರೋ ರೈಲು ಬೆಂಗಳೂರಿಗೆ ಆಗಮನ!

ಬೆಂಗಳೂರು: ನಮ್ಮ ಮೆಟ್ರೋ ಹಳದಿ ಮಾರ್ಗದಲ್ಲಿ ಸಂಚರಿಸಲಿರುವ ಚಾಲಕ ರಹಿತ ಮೆಟ್ರೋ ರೈಲನ್ನು ಚೀನಾದಿಂದ ಚೆನ್ನೈ ರಫ್ತು ಮಾಡಲಾಗಿದೆ. ಇದು ಫೆಬ್ರವರಿಯಲ್ಲಿ ಚೆನ್ನೆ$ ಬಂದರಿಗೆ ತಲುಪಲಿದ್ದು, ಬಳಿಕ ರಸ್ತೆ ಮಾರ್ಗವಾಗಿ ಹೆಬ್ಬಗೋಡಿ ಡಿಪೋಗೆ ತಲುಪಲಿದೆ.

ಚೀನಾದಿಂದ ಹಡಗಿನಲ್ಲಿ ರೈಲನ್ನು ಕಳುಹಿಸಿಕೊಟ್ಟಿರುವ ವೀಡಿಯೋ ತುಣುಕು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿದೆ. ಬೆಂಗಳೂರು ಮೆಟ್ರೋ ರೈಲು ನಿಗಮ ನಿಯಮಿತದ ಅಧಿಕಾರಿಗಳ ತಂಡ ಇತ್ತೀಚೆಗೆ ಚೀನಾಗೆ ತೆರಳಿ, ರೈಲನ್ನು ಪರೀಸಿತ್ತು. ಪ್ರಕ್ರಿಯೆ ಪೂರ್ಣಗೊಂಡ ಬಳಿಕ ರೈಲನ್ನು ಕಳುಹಿಸಿಕೊಡಲಾಗಿದೆ. ಈ ರೈಲು ಬೆಂಗಳೂರಿಗೆ ತಲುಪಿದ ಬಳಿಕ ಸುಮಾರು ಮೂರು ತಿಂಗಳು ಪ್ರಾಯೋಗಿಕವಾಗಿ ಚಾಲನೆ ನಡೆಯಲಿದೆ.

ಹೆಬ್ಬಗೋಡಿ ಡಿಪೋದಲ್ಲಿ ರೈಲಿಗೆ ಅತ್ಯಾಧುನಿಕ ತಂತ್ರಜ್ಞಾನ ಜೋಡಣೆ ಮಾಡಿದ ಬಳಿಕ, ಎಲೆಕ್ಟ್ರಾನಿಕ್​ ಸಿಟಿ-ಆರ್​ವಿ ರಸ್ತೆಗೆ ಸಂಪರ್ಕ ಕಲ್ಪಿಸುವ 19 ಕಿ.ಮೀ ಉದ್ದದ ಸಂಚರಿಸಲಿವೆ. ಜೂನ್​ ಬಳಿಕ ಹಳದಿ ಮಾರ್ಗದಲ್ಲಿ ಮೆಟ್ರೋ ಸಂಚಾರ ಆರಂಭವಾಗುವ ನಿರೀಕ್ಷೆಯಿದೆ.

ಚೀನಾ ಮೂಲದ ಸಂಸ್ಥೆ:

ಚೀನಾ ರೋಲಿಂಗ್​ ರೈಲ್ವೇ ಸ್ಟಾಕ್​ ಕಾರ್ಪೊರೇಷನ್​ ಸಂಸ್ಥೆ ಒಟ್ಟು 216 ಕೋಚ್​ಗಳನ್ನು ಪೂರೈಸಲು ಒಪ್ಪಂಡ ಮಾಡಿಕೊಂಡಿದೆ. ಮೂಲ ಮಾದರಿಯ ಎರಡು ರೈಲುಗಳು ಚೀನಾದಲ್ಲಿ ನಿರ್ಮಾಣವಾಗುತ್ತಿವೆ. ಇದರ ಸಹ ಸಂಸ್ಥೆಯಾಗಿರುವ ಕೊಲ್ಕತಾದ ತೀತಾರ್​ ರೈಲು ್ಯಾಕ್ಟರಿ ಉಳಿದ ಉಳಿದ ಕೋಚ್​ಗಳನ್ನು ನಿರ್ಮಿಸಲಿವೆ.

ಚಾಲಕ ರಹಿತ ರೈಲಿನ ವಿಶೇಷತೆ

ಪ್ರೋಗ್ರಾಮಿಂಗ್​ ಆಧಾರದಲ್ಲಿ ಚಾಲಕ ರಹಿತ ಮೆಟ್ರೋ ರೈಲು ಸಂಚರಿಸುತ್ತದೆ. ಕಂಟ್ರೋಲ್​ ರೂಮ್​ನಲ್ಲಿ ಈ ರೈಲಿನ ಮೇಲೆ ನಿಗಾ ವಹಿಸಲಾಗುತ್ತದೆ. 25 ಕೆವಿ ವಿದ್ಯುತ್​ ಸಹಾಯದ ಸಾಮರ್ಥ್ಯದಿಂದ ರೈಲು ಸಂಚರಿಸುತ್ತದೆ. ಅಂದಾಜು ಎರಡು ವರ್ಷಗಳ ಕಾಲ ಹಳದಿ ಮಾರ್ಗದಲ್ಲಿ ಚಾಲಕ ಸಹಿತವಾಗಿ ಈ ರೈಲು ಸಂಚರಿಸುತ್ತವೆ. ಬಳಿಕವಷ್ಟೇ ಚಾಲಕ ರಹಿತವಾಗಿ ಈ ರೈಲುಗಳು ಓಡಾಡಲಿವೆ.