ಬೆಳಗ್ಗೆ ಮತ್ತು ಸಂಜೆ ಫಾಸ್ಟ್ ಪ್ಯಾಸೆಂಜರ್ ರೈಲಿನ ಜತೆಗೆ, ಮೆಮು ರೈಲು ಸೇವೆ ಒದಗಿಸಿ ಪ್ರಯಾಣಿಕರ ದಟ್ಟಣೆ ಪರಿಹರಿಸಬೇಕು. ಕೋಯಿಕ್ಕೋಡಿನಿಂದ ಸಂಜೆ 5.10ರ ನಂತರ ಮುಂದಿನ ಎಂಟು ಗಂಟೆಗಳ ಕಾಲ ರೈಲು ಸೇವೆ ಲಭ್ಯವಾಗದ ಪರಿಸ್ಥಿತಿ ಪರಿಹರಿಸಬೇಕು. ಕೋಯಿಕ್ಕೋಡ್ನಲ್ಲಿ ಪರಶುರಾಮ್ ಎಕ್ಸ್ಪ್ರೆಸ್ ರೈಲಿಗೆ ಒಂದು ಗಂಟೆ ಕಾಲ ನಿಲುಗಡೆ ಕೈಬಿಡಬೇಕು. ಪಾಲಕ್ಕಾಡ್ - ಕಣ್ಣೂರು ವಿಶೇಷ ರೈಲನ್ನು ಮಂಜೇಶ್ವರದ ವರೆಗೆ ವಿಸ್ತರಿಸಬೇಕು. ಕುಂಬಳೆ, ಉಪ್ಪಳ ಮತ್ತು ಮಂಜೇಶ್ವರ ನಿಲ್ದಾಣಗಳಲ್ಲಿ ಮೂಲಸೌಕರ್ಯ ಅಭಿವೃದ್ಧಿಪಡಿಸುವುದು ಸೇರಿದಂತೆ ವಿವಿಧ ಬೇಡಿಕೆ ಮುಂದಿರಿಸಿ ಧರಣಿ ಆಯೋಜಿಸಲಾಗಿತ್ತು. ಪ್ರಧಾನ ಕಾರ್ಯದರ್ಶಿ ನಾಸರ್ ಚೆರ್ಕಳಂ, ಸಂಯೋಜಕ ನಿಸಾರ್ ಪೆರ್ವಾಡ್, ಜಾಹಿದಾ ಇಲ್ಯಾಸ್, ಕೋಶಾಧಿಕಾರಿ ಎಂ.ಎಂ.ಮುನೀರ್ ಮತ್ತು ಉಪಾಧ್ಯಕ್ಷ ಟಿ.ಇ.ಅನ್ವರ್ ಭಾಗವಹಿಸಿದ್ದರು. ಶೆಫೀಕ್ ತೆರುವತ್ ಸ್ವಾಗತಿಸಿದರು. ಸತ್ತಾರ್ ವಂದಿಸಿದರು.
