ವಿದ್ಯಾರ್ಥಿಗಳ ಜೀವನದಲ್ಲಿ ಗ್ರಾಜುವೇಶನ್ ದಿನ ಬಹಳ ಮಹತ್ವದ್ದು. ಒಂದು ಕಡೆ ಪದವಿ ಪ್ರಮಾಣ ಪತ್ರವನ್ನು ಸ್ವೀಕರಿಸುವುದು ಹಾಗೂ ಮತ್ತೊಂದು ಕಡೆ ಭವಿಷ್ಯದ ಬಗ್ಗೆ ನಿರ್ಣಯ ಮಾಡಬೇಕಾದ ದಿನ ಕೂಡಾ. ಸದ್ಯ ದೇಶದಲ್ಲಿ ಅವಕಾಶಗಳಿಗೆ ಕೊರತೆ ಇಲ್ಲ. ಪದವಿ ಪಡೆದ ವಿದ್ಯಾರ್ಥಿಗಳು ಉದ್ಯೋಗ ಅಥವ ಉನ್ನತ ಅಧ್ಯಯನವನ್ನು ನಡೆಸಬಹುದು. ಆದರೆ ವಿದ್ಯಾರ್ಥಿಗಳು ಭವಿಷ್ಯವನ್ನು ಉಜ್ವಲಗೊಳಿಸಿಕೊಳ್ಳಲು ಕೆಲ ನಿಯಮಗಳನ್ನು ಪಾಲಿಸಬೇಕು. ಕನಸನ್ನು ದೊಡ್ಡ ಪ್ರಮಾಣದಲ್ಲಿ ಕಾಣುವುದು, ಯಾವುದೇ ಕಾರಣಕ್ಕೂ ಗುಣಮಟ್ಟದಲ್ಲಿ ರಾಜಿಯಾಗದಿರುವುದು, ಕಡಿಮೆ ಅವಧಿಯಲ್ಲಿ ಹಣ ಗಳಿಸಬೇಕು ಅಥವಾ ಯಶಸ್ಸು ಸಾಧಿಸಬೇಕೆಂದು ಅಡ್ಡದಾರಿ ಹಿಡಿಯಬಾರದು. ಸಮಯವನ್ನು ಸರಿಯಾಗಿ ಸದುಪಯೋಗ ಮಾಡಿಕೊಳ್ಳಬೇಕು. ಪ್ರತಿ ಕೆಲಸದಲ್ಲೂ ಶ್ರದ್ಧೆ, ಭಕ್ತಿ, ಬದ್ಧತೆ ಇರಬೇಕು. ಆರ್ಐಟಿಯ ಧ್ಯೇಯ ವಾಕ್ಯದಂತೆ ಜ್ಞಾನ, ವಿಜ್ಞಾನ, ಭಕ್ತಿಯ ಸಮಾಗಮವೇ ಯಶಸ್ಸು. ಇದನ್ನು ರೂಢಿಸಿಕೊಂಡು ದೇಶಕ್ಕೆ ಉತ್ತಮ ಸೇವೆ ಸಲ್ಲಿಸಬೇಕು ಎಂದು ವಿದ್ಯಾರ್ಥಿಗಳಿಗೆ ಪ್ರೊ.ನರಹರಿ ಕಿವಿಮಾತು ಹೇಳಿದರು.
