ಅಲ್ಲು ಅರ್ಜುನ್ ಮತ್ತು ರಶ್ಮಿಕಾ ಮಂದಣ್ಣ ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿರುವ, ಸುಕುಮಾರ್ ಆ್ಯಕ್ಷನ್-ಕಟ್ ಹೇಳುತ್ತಿರುವ ಚಿತ್ರ “ಪುಷ್ಪ 2: ದ ರೂಲ್’. 2021ರಲ್ಲಿ ತೆರೆಗೆ ಬಂದ “ಪುಷ್ಪ 1: ದ ರೈಸ್’ ಚಿತ್ರದ ಸೀಕ್ವಲ್ ಇದು. ಏ. 8ರಂದು ಅಲ್ಲು ಅರ್ಜುನ್ 42ನೇ ವರ್ಷದ ಹುಟ್ಟುಹಬ್ಬದಂದು ಟೀಸರ್ ಮೂಲಕ ನಾಯಕ ಅಲ್ಲು ಅರ್ಜುನ್ರ ವಿಭಿನ್ನ ಲುಕ್ ರಿವೀಲ್ ಮಾಡಲಾಗಿತ್ತು.
ಗಂಗಮ್ಮ ಜಾತ್ರೆಯಲ್ಲಿ ನಿಂಬೆಹಣ್ಣಿನ ಹಾರ ಧರಿಸಿ, ಸೀರೆಯುಟ್ಟು, ಗಂಗಮ್ಮ ದೇವಿ ಲುಕ್ನಲ್ಲಿ ಅರ್ಜುನ್ ಮಿಂಚಿದ್ದರು. ಟೀಸರ್ ಈಗಾಗಲೇ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಅದರ ನಡುವೆ ಆ ಸನ್ನಿವೇಶಕ್ಕಾಗಿ ಕೋಟಿ ಕೋಟಿ ರೂ. ಖರ್ಚು ಮಾಡುತ್ತಿರುವ ಬಗ್ಗೆ ಚಿತ್ರತಂಡದ ಮೂಲಗಳಿಂದ ಮಾಹಿತಿ ಹೊರಬಂದಿದೆ.
ಹೌದು, ಗಂಗಮ್ಮ ಜಾತ್ರೆ ಮತ್ತು ಫೈಟ್ ಒಳಗೊಂಡ 6 ನಿಮಿಷದ ಸನ್ನಿವೇಶಕ್ಕಾಗಿ ಬರೋಬ್ಬರಿ 60 ಕೋಟಿ ರೂ. ಖರ್ಚು ಮಾಡಲಾಗಿದೆಯಂತೆ. 30 ದಿನಗಳ ಕಾಲ ಆ ದೃಶ್ಯಗಳನ್ನು ಚಿತ್ರೀಕರಿಸಲಾಗಿದೆ ಎನ್ನಲಾಗಿದೆ. ಅಂದಹಾಗೆ “ಪುಷ್ಪ 2: ದ ರೂಲ್’ ಇದೇ ಆ. 15ರಂದು ವಿಶ್ವಾದ್ಯಂತ ರಿಲೀಸ್ ಆಗಲಿದೆ. &ಏಜೆನ್ಸೀಸ್