ಪ್ರಿಯಾಂಕಾ, ಹಾಲಿವುಡ್ ಚಿತ್ರಗಳಲ್ಲೂ ನಟಿಸಿರುವುದರಿಂದ ಜಗತ್ತಿನಾದ್ಯಂತ ಅವರಿಗೆ ಅಭಿಮಾನಿಗಳಿದ್ದಾರೆ. ಇನ್ಸ್ಟಾಗ್ರಾಂನಲ್ಲೇ ಅವರಿಗೆ 63 ಮಿಲಿಯನ್ ಹಿಂಬಾಲಕರಿದ್ದಾರೆ. ಅವರ ಒಂದು ಪೋಸ್ಟ್ ಅತೀ ಹೆಚ್ಚು ಜನರಿಗೆ ತಲುಪುವುದರಿಂದ, ಪ್ರಾಯೋಜಿತ ಪೋಸ್ಟ್ಗಳನ್ನು ಹಾಕುವುದಕ್ಕೆ ಅವರಿಗೆ ಸಿಕ್ಕಾಪಟ್ಟೆ ಬೇಡಿಕೆ ಇದೆ. ಒಂದು ಪೋಸ್ಟ್ ಹಾಕುವುದಕ್ಕೆ ಪ್ರಿಯಾಂಕಾಗೆ 1.80 ಕೋಟಿ ರೂ.ಗಳವರೆಗೂ ಕೊಡಲಾಗುತ್ತದೆ ಎಂದು ಹೇಳಲಾಗಿದೆ. ಪ್ರಿಯಾಂಕಾ ನಂತರದ ಸ್ಥಾನದಲ್ಲಿ ಆಲಿಯಾ ಭಟ್ ಇದ್ದು, ಅವರಿಗೆ 53 ಮಿಲಿಯನ್ ಹಿಂಬಾಲಕರಿದ್ದಾರೆ. ಆಲಿಯಾ ಸಹ ಒಂದು ಪೋಸ್ಟ್ ಹಾಕುವುದಕ್ಕೆ ಒಂದು ಕೋಟಿ ರೂ. ಪಡೆಯುತ್ತಾರಂತೆ. 24.8 ಮಿಲಿಯನ್ ಹಿಂಬಾಲಕರಿಂದಾಗಿ ಮೂರನೇ ಸ್ಥಾನದಲ್ಲಿರುವ ಶಾರೂಖ್ ಖಾನ್, ಒಂದು ಪೋಸ್ಟ್ ಹಾಕುವುದಕ್ಕೆ ಪಡೆಯುವ ಹಣ 80 ಲಕ್ಷ ರೂ ಅಂತೆ. ಇನ್ನು, ಅಮಿತಾಭ್ ಬಚ್ಚನ್ ಅವರಿಗೆ 26.6 ಮಿಲಿಯನ್ ಹಿಂಬಾಲಕರಿದ್ದು, ಒಂದು ಪೋಸ್ಟ್ಗೆ ಅವರಿಗೆ 50 ಲಕ್ಷ ರೂ. ಸಂದಾಯವಾಗುತ್ತದೆ ಎನ್ನಲಾಗಿದೆ.
