ಮಗಳ ಕಥೆಗೆ ಆಕ್ಷನ್​-ಕಟ್​ ಹೇಳ್ತಾರಂತೆ ಪೃಥ್ವಿರಾಜ್​ ಸುಕುಮಾರನ್​ ...

ಕೊಚ್ಚಿ: ಮೋಹನ್​ ಲಾಲ್​ ಅಭಿನಯದ 'ಲೂಸಿಫರ್​' ಮೂಲಕ ನಿರ್ದೇಶಕರಾದವರು ಮಲಯಾಳಂ ನಟ ಮೋಹನ್​ ಲಾಲ್​. ಆ ಚಿತ್ರದ ನಂತರ ನಟನೆಯಲ್ಲೇ ಬ್ಯುಸಿಯಾಗಿರುವ ಅವರಿಗೆ, ಹೊಸ ಚಿತ್ರದ ನಿರ್ದೇಶನ ಯಾವಾಗ ಎಂದು ಅವರ ಅಭಿಮಾನಿಗಳು ಕೇಳುತ್ತಲೇ ಇದ್ದರು. ಈ ಪ್ರಶ್ನೆ ಎದುರಾದಾಗಲೆಲ್ಲ ಪೃಥ್ವಿರಾಜ್​, 'ಹೇಳ್ತೀನಿ ತಡೀರಪ್ಪಾ ...' ಅಂತ ಉತ್ತರ ಕೊಡುತ್ತಲೇ ಇದ್ದರು. ಈಗ ಪೃಥ್ವಿರಾಜ್​, ಕೊನೆಗೂ ನಿರ್ದೇಶನಕ್ಕೆ ಮರಳುವ ಹಿಂಟ್​ ಕೊಟ್ಟಿದ್ದಾರೆ.

ಇದನ್ನೂ ಓದಿ: ಜಮ್ಮು ಕಾಶ್ಮೀರದ ಹಳ್ಳಿಯೊಂದರ ಶಾಲೆ ನಿರ್ಮಾಣಕ್ಕೆ 1 ಕೋಟಿ ದೇಣಿಗೆ ನೀಡಿದ ಅಕ್ಷಯ್ ಕುಮಾರ್

ಈ ಕುರಿತು ಪೃಥ್ವಿರಾಜ್​ ಸೋಷಿಯಲ್​ ಮೀಡಿಯಾದಲ್ಲೊಂದು ಪೋಸ್ಟ್​ ಹಾಕಿದ್ದಾರೆ. ಈ ಪೋಸ್ಟ್​ನಲ್ಲಿ ರೈಟಿಂಗ್​ ಟ್ಯಾಬ್​ವೊಂದರ ಫೋಟೋ ಹಂಚಿಕೊಂಡಿರುವ ಅವರು, ಅದು ತಮ್ಮ ಏಳು ವರ್ಷದ ಮಗಳು ಅಲಂಕೃತಾ ಅಲಿಯಾಸ್​ ಆಲಿ ಬರೆದ ಕಥೆ ಎಂದು ಹೇಳಿಕೊಂಡಿದ್ದಾರೆ. ಲಾಕ್​ಡೌನ್​ ಸಂದರ್ಭದಲ್ಲಿ ಕೇಳಿದ ಅದ್ಭುತ ಕಥೆ ಅದಾಗಿದ್ದು, ಅದನ್ನು ತೆರೆಯ ಮೇಲೆ ತರುವ ಆಸೆ ಇದೆ ಎಂದು ಹೇಳಿದ್ದಾರೆ.

ಇಷ್ಟಕ್ಕೂ ಆ ಕಥೆ ಏನು ಎಂಬ ಪ್ರಶ್ನೆ ಬರುವುದು ಸಹಜ. ಅಮೆರಿಕಾದಲ್ಲಿ ಅಪ್ಪ-ಮಗ ಇರುತ್ತಾರೆ. ಆಗ ಎರಡನೇ ವಿಶ್ವಯುದ್ಧ ಶುರುವಾಗುತ್ತದೆ. ಅವರಿಬ್ಬರನ್ನೂ ರೆಫ್ಯೂಜಿ ಕ್ಯಾಂಪ್​ಗಳಿಗೆ ಸ್ಥಳಾಂತರಿಸಲಾಗುತ್ತದೆ. ಎರಡು ವರ್ಷಗಳ ನಂತರ ವಾಪಸ್ಸು ಮನೆಗೆ ಹೋಗಿ, ಅಲ್ಲಿ ಸುಖವಾಗಿ ಬದುಕುತ್ತಾರೆ ... ಎಂದು ಅಲಂಕೃತಾ ಬರೆದುಕೊಂಡಿದ್ದು, ಈ ಕಥೆಯನ್ನಿಟ್ಟುಕೊಂಡು ಸಿನಿಮಾ ಮಾಡುವುದಾಗಿ ಪೃಥ್ವಿರಾಜ್​ ಹೇಳಿದ್ದಾರೆ.

ಈ ಕುರಿತು ಟ್ವೀಟ್​ ಮಾಡಿರುವ ಅವರು, 'ಲಾಕ್​ಡೌನ್​ ಸಂದರ್ಭದಲ್ಲಿ ಈ ತರಹದ ಚಿತ್ರ ಚಿತ್ರೀಕರಣ ಮಾಡುವುದಕ್ಕೆ ಕಷ್ಟವಾಗಿರುವುದರಿಂದ, ಬೇರೆ ಕಥೆಯನ್ನು ಆಯ್ಕೆ ಮಾಡಿಕೊಂಡಿದ್ದೇನೆ. ನಿರ್ದೇಶನಕ್ಕೆ ವಾಪಸ್ಸಾಗುವ ಆಸೆ, ಸದ್ಯದಲ್ಲೇ ಈ ಬಗ್ಗೆ ಇನ್ನಷ್ಟು ಹೆಚ್ಚಿನ ಮಾಹಿತಿ ನೀಡುತ್ತೇನೆ' ಎಂದು ಅವರು ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಇದೇ ತಿಂಗಳಲ್ಲಿ ‘ಆರ್​​ಆರ್​ಆರ್​’ ಚಿತ್ರದಿಂದ ಬಿಗ್ ಸರ್ಪೈಸ್​​…

ಸದ್ಯ ಮೋಹನ್​ ಲಾಲ್​ ನಿರ್ದೇಶನದ 'ಬ್ಯಾರೋಜ್​' ಚಿತ್ರದಲ್ಲಿ ಪೃಥ್ವಿರಾಜ್​ ನಟಿಸುತ್ತಿದ್ದು, ಮಿಕ್ಕಂತೆ 'ಕುರುತ್ತಿ', 'ಆಡುಜೀವಿತಂ' ಮತ್ತು 'ಕೋಲ್ಡ್​ ಕೇಸ್​' ಚಿತ್ರಗಳಲ್ಲಿ ಬಿಡುಗಡೆಯಾಗಬೇಕಿವೆ. ಈ ಪೈಕಿ, 'ಕೋಲ್ಡ್​ ಕೇಸ್​' ಚಿತ್ರವು ಜೂನ್​ 30ರಂದು ಅಮೇಜಾನ್​ ಪ್ರೈಮ್​ನಲ್ಲಿ ಬಿಡುಗಡೆಯಾಗಲಿದೆ.

https://www.vijayavani.net/sandalwood-after-the-2nd-wave/