'ನಾನು ಅತ್ತರೇ ಸಿಂಪಥಿ! ಇವತ್ತು ನೀವು ಕೇಳಲೇಬೇಕು'; ಸಿಡಿದೆದ್ದ ಪ್ರತಾಪ್​

ಬೆಂಗಳೂರು: ಬಿಗ್ ಬಾಸ್​ ಕನ್ನಡ ಸೀಸನ್​ 10ರ ಸ್ಪರ್ಧಿಗಳು ಇದೀಗ ಅಂತಿಮ ಘಟಕ್ಕೆ ಬಂದಿದ್ದು, ಆರು ಸರ್ಧಿಗಳು ಫಿನಾಲೆ ಹಂತವನ್ನು ಯಶಸ್ವಿಯಾಗಿ ತಲುಪಿದ್ದಾರೆ. ಪ್ರತಾಪ್, ಸಂಗೀತಾ, ಕಾರ್ತಿಕ್, ವಿನಯ್, ತುಕಾಲಿ ಸಂತೋಷ್ ಮತ್ತು ವರ್ತೂರು ಸಂತೋಷ್​ ಗೆಲುವಿನ ಕಿರೀಟಕ್ಕೆ ಭಾರೀ ಪೈಪೋಟಿ ನಡೆಸುತ್ತಿದ್ದಾರೆ. ಇಷ್ಟು ದಿನವಿದ್ದ ಜಗಳ, ಮಾತಿನ ಜಟಾಪಟಿ ಸದ್ಯ ಫಿನಾಲೆ ವಾರದಲ್ಲೂ ಮುಂದುವರೆದಿದ್ದು, ಪ್ರತಾಪ್-ವಿನಯ್ ಮಧ್ಯೆ ಬಾಕ್ಸಿಂಗ್​ ಮಾತು ಜೋರಾಗಿದೆ.

ಇದನ್ನೂ ಓದಿ: ಮಂದಸ್ಮಿತ, ಮುಗ್ಧಮುಖದ ಬಾಲರಾಮ ತೊಟ್ಟ ಒಂದೊಂದು ಆಭರಣಕ್ಕೂ ಇದೆ ತನ್ನದೇ ಆದ ವಿಶೇಷತೆ

ಬಿಗ್ ಬಾಸ್​ ಏರ್ಪಡಿಸಿದ್ದ ಕಿಕ್ ಬಾಕ್ಸಿಂಗ್​ ಅಖಾಡದಲ್ಲಿ ಮನೆಯ ಸ್ಪರ್ಧಿಗಳು ತಮ್ಮ ಪ್ರತಿಸ್ಪರ್ಧಿಯ ಕುರಿತು ಹೇಳಬೇಕಾದ ವಿಷಯವನ್ನು ಬಾಕ್ಸಿಂಗ್ ಗ್ಲೌಸ್​ ಧರಿಸಿ, ಗುದ್ದಿ ತಿಳಿಸಬೇಕಿದೆ. ಈ ಸಾಲಿನಲ್ಲಿ ನಿಂತ ವಿನಯ್, ಪ್ರತಾಪ್​ ವಿರುದ್ಧ ಗುಡುಗಿದ್ದು, ನನ್ನ ಬಗ್ಗೆ ಸರಿಯಾಗಿ ಮಾತನಾಡುವುದನ್ನು ಕಲಿ ಎಂದು ಪಂಚ್ ಮಾಡುವ ಮೂಲಕ ಹೇಳಿದ್ದಾರೆ.

ಇದಕ್ಕೆ ಅಖಾಡದಲ್ಲಿ ಪ್ರತಿಕ್ರಿಯಿಸಿದ ಪ್ರತಾಪ್​, "ನಿಮ್ಮ ಕೂಗಾಟಕ್ಕೆ ಹೆದರುವವರು ಯಾರು ಇಲ್ಲ. ನೀವು ಅತ್ತರೇ ಅದು ಪ್ರೀತಿ, ನಾನು ನನ್ನ ತಂದೆ-ತಾಯಿ ನೆನೆದು ಅತ್ತರೇ ಅದು ಸಿಂಪಥಿ. ಅಯ್ಯೋ ಭಯ ವಿನಯ್ ಅಣ್ಣ, ಆಗ್ತಿಲ್ಲಾ ಅಣ್ಣ...ಕೇಳಿ ನೀವು, ಕೇಳಲೇಬೇಕು ನೀವು ಇವತ್ತು" ಎಂದು ತೀವ್ರ ವಾಗ್ವಾದ ನಡೆಸಿದ್ದಾರೆ. ಈ ಮಾತುಗಳಿಗೆ ವಿನಯ್ ಹೇಳಿದ್ದೇನು? ಎಂಬುದನ್ನು ಇಂದಿನ ಸಂಚಿಕೆಯಲ್ಲಿ ತಿಳಿಯಬೇಕಿದೆ.

https://www.vijayavani.net/3-cheetah-cubs-born-at-kuno-national-park