More

    ಕಾಲಿವುಡ್​, ಟಾಲಿವುಡ್​ ನಂತರ ಬಾಲಿವುಡ್​ನಲ್ಲೂ ಪೂಜಾಗೆ ಸೋಲು

    ಮುಂಬೈ: ಯಾಕೋ ಬಹುಭಾಷಾ ನಟಿ ಪೂಜಾ ಹೆಗ್ಡೆ ಅದೃಷ್ಟವೇ ಸರಿ ಇಲ್ಲ ಎಂದನಿಸುತ್ತದೆ. ಈ ವರ್ಷ ಬಿಡುಗಡೆಯಾದ ಆಕೆಯ ಚಿತ್ರಗಳೆಲ್ಲವೂ ಮಕಾಡೆ ಮಲಗಿದ್ದವು. ಈಗ ಆ ಸಾಲಿಗೆ ‘ಸರ್ಕಸ್​’ ಸಹ ಸೇರಿದೆ.

    ಇದನ್ನೂ ಓದಿ: ‘ಆದಿತ್ಯ 369’ ಚಿತ್ರದ ಸೀಕ್ವೆಲ್​ ಬರೋದು ಗ್ಯಾರಂಟಿ … ಹೆಸರೇನು ಗೊತ್ತಾ?

    ಈ ವರ್ಷ ಬಿಡುಗಡೆಯಾದ ಪೂಜಾ ಅಭಿನಯದ ಮೊದಲ ಚಿತ್ರವೆಂದರೆ ಅದು ‘ರಾಧೇ ಶ್ಯಾಮ್​’. ಈ ಪ್ಯಾನ್​ ಇಂಡಿಯಾ ಚಿತ್ರವು ಬಾಕ್ಸ್​ ಆಫೀಸ್​ನಲ್ಲಿ ದೊಡ್ಡ ಸೋಲನುಭವಿಸಿತ್ತು. ಇದು ಟಾಲಿವುಡ್​ ಕಥೆಯಾದರೆ, ತಮಿಳಿನ ‘ಬೀಸ್ಟ್​’ ಚಿತ್ರವು ಇದಕ್ಕಿಂತ ವಿಭಿನ್ನವಾಗೇನೂ ಇರಲಿಲ್ಲ. ವಿಜಯ್​ ಜತೆಗೆ ಪೂಜಾ ನಟಿಸಿದ ಮೊದಲ ಚಿತ್ರ ಸೋತಿತು. ಆ ನಂತರ ಪೂಜಾ ಅಭಿನಯದ ಇನ್ನೊಂದು ತೆಲುಗು ಚಿತ್ರ ‘ಆಚಾರ್ಯ’ ಚಿತ್ರ ಸಹ ಫ್ಲಾಪ್​ ಪಟ್ಟಿ ಸೇರಿತು.

    ಟಾಲಿವುಡ್​ ಮತ್ತು ಕಾಲಿವುಡ್​ನಲ್ಲಿ ಸೋತಿದ್ದ ಪೂಜಾ, ಬಾಲಿವುಡ್​ನಲ್ಲಾದರೂ ಗೆಲ್ಲಬಹುದು ಎಂಬ ನಿರೀಕ್ಷೆ ಇತ್ತು. ಈಗ ಅದು ಸಹ ಸುಳ್ಳಾಗಿದೆ. ಶುಕ್ರವಾರ ಬಿಡುಗಡೆಯಾದ ರೋಹಿತ್​ ಶೆಟ್ಟಿ ನಿರ್ದೇಶನದ ಮತ್ತು ರಣವೀರ್​ ಸಿಂಗ್​ ಅಭಿನಯದ ‘ಸರ್ಕಸ್​’ ಚಿತ್ರವು ಮೊದಲ ದಿನವೇ ಫ್ಲಾಪ್​ ಎಂಬ ಹಣೆಪಟ್ಟಿ ಅಂಟಿಸಿಕೊಂಡಿದ್ದು, ಕೇವಲ ಏಳು ಕೋಟಿ ಮಾತ್ರ ಸಂಪಾದಿಸಿದೆ. ಇಂದು ಕಲೆಕ್ಷನ್​ ಸಾಕಷ್ಟು ಬಿದ್ದಿದ್ದು, ಚಿತ್ರ ಮೇಲೇಳುವ ಲಕ್ಷಣಗಳು ಕಾಣಿಸುತ್ತಿಲ್ಲ. ಅಲ್ಲಿಗೆ ಪೂಜಾ ಅಭಿನಯದ ಈ ವರ್ಷದ ನಾಲ್ಕನೆಯ ಚಿತ್ರ ಸಹ ಸೋತಂತಾಗಿದೆ.

    ಇದನ್ನೂ ಓದಿ: ಶೂಟಿಂಗ್​ ಸೆಟ್​​ನಲ್ಲೇ ನೇಣು ಹಾಕಿಕೊಂಡು ಪ್ರಾಣ ಕಳ್ಕೊಂಡ ನಟಿ!

    ಪೂಜಾಗೆ ಇದು ಬಾಲಿವುಡ್​ನಲ್ಲಿ ಎರಡನೆಯ ಚಿತ್ರವಾಗಿತ್ತು. ಇದಕ್ಕೂ ಮೊದಲು ಅವರು ‘ಮೊಹೆಂಜೊ ದಾರೋ’ ಎಂಬ ಚಿತ್ರದಲ್ಲಿ ನಟಿಸಿದ್ದರು. ಹೃತಿಕ್​ ರೋಶನ್​ ಅಭಿನಯದ ಈ ಚಿತ್ರ ಸೋತಿದ್ದರಿಂದ, ಪೂಜಾಗೆ ಕೆಲವು ವರ್ಷಗಳ ಕಾಲ ಬಾಲಿವುಡ್​ನಲ್ಲಿ ಅವಕಾಶವೇ ಸಿಕ್ಕಿರಲಿಲ್ಲ. ಈಗ ಅಪರೂಪಕ್ಕೆ ಒಂದು ಅವಕಾಶ ಸಿಕ್ಕಿದ್ದು, ಅದು ಸಹ ಆಕೆಗೆ ವರ್ಕೌಟ್​ ಆಗಿಲ್ಲ ಎಂಬುದು ಬೇಸರದ ವಿಷಯ.

    ಸುಮಲತಾ ‘ಸ್ವಾಭಿಮಾನ’ವನ್ನು ಕೆಣಕಿದ ನಿಖಿಲ್ ಕುಮಾರಸ್ವಾಮಿ; 2019ರ ಸೋಲಿಗೆ ನೀವೇ ಉತ್ತರ ಕೊಡಿ ಎಂದು ಜನರಲ್ಲಿ ಮನವಿ

    ಸಿನಿಮಾ

    ಲೈಫ್‌ಸ್ಟೈಲ್

    ಟೆಕ್ನಾಲಜಿ

    Latest Posts