ಕಳೆದ ಎರಡು ದಿನಗಳಲ್ಲಿ ‘ಪೊಗರು’ ಚಿತ್ರದ ‘ಏಪ್ರಿಲ್ನಲ್ಲಿ ಬಿಡುಗಡೆ’ ಎಂಬ ಹೊಸ ಪೋಸ್ಟರ್ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಸುದ್ದಿ ಮಾಡುತ್ತಿದ್ದು, ಚಿತ್ರ ಮುಂದಕ್ಕೆ ಹೋಗಿರುವ ಕುರಿತು ಧ್ರುವ ಅಭಿಮಾನಿಗಳಲ್ಲಿ ನಿರಾಸೆ ಮನೆಮಾಡಿದೆ. ಆದರೆ, ನಿರ್ವಪಕ ಗಂಗಾಧರ್ ಮಾತ್ರ ಚಿತ್ರ ಫೆಬ್ರವರಿಯಲ್ಲೇ ಬಿಡುಗಡೆಯಾಗುತ್ತದೆ ಎನ್ನುತ್ತಾರೆ. ಈ ಕುರಿತು ‘ವಿಜಯವಾಣಿ’ ಜತೆಗೆ ಮಾತನಾಡಿದ ಅವರು, ‘ಚಿತ್ರದ ಪೋಸ್ಟ್ಪ್ರೊಡಕ್ಷನ್ ಕೆಲಸಗಳು ನಡೆಯುತ್ತಿವೆ. 2-3 ದಿನಗಳಲ್ಲಿ ಚಿತ್ರದ ಬಿಡುಗಡೆಯ ದಿನಾಂಕವನ್ನು ಘೋಷಿಸುತ್ತೇವೆ. ಫೆಬ್ರವರಿ 12ಕ್ಕೆ ಅಥವಾ 19ಕ್ಕೆ ಚಿತ್ರ ಮೂರು ಭಾಷೆಗಳಲ್ಲಿ ಏಕಕಾಲಕ್ಕೆ ಬಿಡುಗಡೆಯಾಗುವುದು ನಿಶ್ಚಿತ’ ಎನ್ನುತ್ತಾರೆ.
