ಒಟ್ಟಾರೆ 11,317 ಕೋಟಿ ರೂ. ಸಂಗ್ರಹ: ಮೂಲಗಳ ಪ್ರಕಾರ, ಜನವರಿಯಲ್ಲಿ ಜಿಎಸ್ಟಿ 11,317 ಕೋಟಿ ರೂ. ಸೇರಿ ಒಟ್ಟಾರೆ ವಾಣಿಜ್ಯ ತೆರಿಗೆ ಸಂಗ್ರಹ 13,141 ಕೋಟಿ ರೂ.ಗಳಿಗೇರಿದೆ. ಹಿಂದಿನ ಮೂರು ತಿಂಗಳಿಗೆ ಹೋಲಿಸಿದರೆ ಜಿಎಸ್ಟಿ ಶೇಖರಣೆಯಲ್ಲಿ ಹೊಸ ಸಾಧನೆಯಾಗಿದೆ. ಜಿಎಸ್ಟಿ, ಪೆಟ್ರೋಲ್, ಡೀಸೆಲ್ ಮೇಲಿನ ಮಾರಾಟ ತೆರಿಗೆ ಹಾಗೂ ವೃತ್ತಿ ತೆರಿಗೆಯನ್ನೂ ವಾಣಿಜ್ಯ ತೆರಿಗೆ ಒಳಗೊಂಡಿದೆ. ಒಟ್ಟು 11,317 ಕೋಟಿ ರೂ. ಜಿಎಸ್ಟಿಯಲ್ಲಿ ಎಸ್ಜಿಎಸ್ಟಿ 3,280.8 ಕೋಟಿ ರೂ., ಐಜಿಎಸ್ಟಿ ಇತ್ಯರ್ಥ ರೂಪದಲ್ಲಿ ರಾಜ್ಯದ ಪಾಲು 2,795.6 ಕೋಟಿ ಒಳಗೊಂಡು ರಾಜ್ಯದ ಬೊಕ್ಕಸಕ್ಕೆ 6,085.40 ಕೋಟಿ ರೂ. ಜಮೆಯಾಗುತ್ತದೆ ಎಂದು ಮೂಲಗಳು ತಿಳಿಸಿವೆ.
