ಬೆಂಗಳೂರು: ಸಿನಿಮಾ ತಾರೆಯರಿಗೂ ಸಾಮಾಜಿಕ ಜಾಲತಾಣಗಳಿಗೂ ಅವಿನಾಭಾವ ನಂಟು. ಸಿನಿಮಾ, ವೈಯಕ್ತಿಕ ಹೀಗೆ ಎಲ್ಲವನ್ನೂ ಅಭಿಮಾನಿಗಳ ಜತೆ ಹಂಚಿಕೊಳ್ಳುವುದಕ್ಕಿರುವ ಬೃಹತ್ ವೇದಿಕೆ. ಒಂದಷ್ಟು ಜನ ಜಾಲತಾಣಗಳ ಬಳಕೆಯಲ್ಲಿ ಮುಂದಿದ್ದರೆ, ಮತ್ತೆ ಕೆಲವರು ಅಷ್ಟಕಷ್ಟೇ. ಅದನ್ನೇ ಎನ್ಕ್ಯಾಷ್ ಮಾಡಿಕೊಳ್ಳುವ ಕೆಲ ಫೇಕ್ ಗ್ರೂಪ್ಗಳು ಕಲಾವಿದರ ಹೆಸರಲ್ಲಿ ಖಾತೆ ತೆರೆದು ಅಫಿಷಿಯಲ್ ಎಂದು ಹೇಳಿಕೊಂಡಿರುತ್ತವೆ. ಅಂತ ಸಾಕಷ್ಟು ಪುಟಗಳು ಈಗಲೂ ಚಾಲನೆಯಲ್ಲಿವೆ. ಈಗ ಆ ಫೇಕ್ ಫೇಸ್ಬುಕ್ ಖಾತೆ ಬಗ್ಗೆಯೇ ನಟಿ ಭಾವನಾ ಮೆನನ್ ಮಾತನಾಡಿದ್ದಾರೆ.
ಹೌದು, ಲಾಕ್ಡೌನ್ ಹೊತ್ತಲ್ಲಿ ಸಾಕಷ್ಟು ಸಿನಿಮಾ ಮಂದಿಯ ಫೇಕ್ ಫೇಸ್ಬುಕ್ ಖಾತೆಗಳು ತೆರೆಯಲ್ಪಟ್ಟಿದ್ದು, ಈಗಾಗಲೇ ಸೈಬರ್ ಕ್ರೖೆಂನಲ್ಲಿ ದೂರುಗಳು ದಾಖಲಾಗಿವೆ. ಅದೇ ರೀತಿ ಭಾವನಾ ಹೆಸರಲ್ಲಿ ನಕಲಿ ಖಾತೆ ಸೃಷ್ಟಿಯಾಗಿತ್ತು. ಅದಕ್ಕೆ ಇನ್ಸ್ಟಾಗ್ರಾಂನಲ್ಲಿ ಪ್ರತಿಕ್ರಿಯಿಸಿದ್ದಾರೆ. ‘ನಾನು ಫೇಸ್ಬುಕ್ನಲ್ಲಿಲ್ಲ. ಬಳಕೆಯನ್ನೂ ಮಾಡುತ್ತಿಲ್ಲ. ಇದೀಗ ನನ್ನ ಹೆಸರಲ್ಲಿ ತೆರೆದ ಖಾತೆ ನಕಲಿ. ಹಾಗಾಗಿ ಇದನ್ನು ಯಾರೂ ಫಾಲೋ ಮಾಡಬೇಡಿ’ ಎಂದು ಅಭಿಮಾನಿಗಳನ್ನು ಅಲರ್ಟ್ ಮಾಡಿದ್ದಾರೆ. ಸದ್ಯ ಕನ್ನಡದಲ್ಲಿ ‘ಇನ್ಸ್ಪೆಕ್ಟರ್ ವಿಕ್ರಂ’ ಸಿನಿಮಾದಲ್ಲಿ ಭಾವನಾ ನಟಿಸಿದ್ದಾರೆ. ಶಿವರಾಜ್ ಕುಮಾರ್ ಜತೆಗೆ ‘ಭಜರಂಗಿ 2’ ಮತ್ತು ಸುಮಂತ್ ಶೈಲೇಂದ್ರ ಜತೆಗೆ ‘ಗೋವಿಂದ ಗೋವಿಂದ’ ಚಿತ್ರದಲ್ಲಿ ಬಿಜಿಯಾಗಿದ್ದಾರೆ.