ಪಾಕಿಸ್ತಾನ: ನಮ್ಮ ನೆರೆಯ ರಾಷ್ಟ್ರ ಪಾಕಿಸ್ತಾನದಲ್ಲಿ ಪಿಂಕ್ ಐ ಮಹಾಮಾರಿ ಸಂಚಲನ ಮೂಡಿಸುತ್ತಿದೆ. ಕೇವಲ ಒಂದೇ ದಿನದಲ್ಲಿ 13,000 ವಿದ್ಯಾರ್ಥಿಗಳು ಕಾಂಜಂಕ್ಟಿವಿಟಿಸ್ ಎಂದೂ ಕರೆಯಲ್ಪಡುವ ಪಿಂಕ್ ಐ ಸೋಂಕಿಗೆ ಒಳಗಾಗಿದ್ದಾರೆ. ವೈದ್ಯಕೀಯ ಅಧಿಕಾರಿಗಳು ಮನೆಯಲ್ಲಿಯೇ ಇರಲು ಸಲಹೆ ನೀಡಿದ್ದಾರೆ.
ಪಾಕಿಸ್ತಾನದಲ್ಲಿ ಲಕ್ಷಾಂತರ ಜನರು ಕಾಂಜಂಕ್ಟಿವಿಟಿಸ್‌ನಿಂದ ಬಳಲುತ್ತಿದ್ದಾರೆ. ಕಣ್ಣಿನ ಸೋಂಕಿನಿಂದಾಗಿ ಪಾಕಿಸ್ತಾನದಲ್ಲಿ 56,000 ಶಾಲೆಗಳನ್ನು ಮುಚ್ಚಲಾಗಿದೆ. ಕಾಂಜಂಕ್ಟಿವಿಟಿಸ್ ಎಂದೂ ಕರೆಯಲ್ಪಡುವ ವೈರಲ್ ಪಿಂಕ್ ಐ ಸಾಂಕ್ರಾಮಿಕವು ಪಾಕಿಸ್ತಾನದ ಲಕ್ಷಾಂತರ ಜನರನ್ನು ಬಾಧಿಸುತ್ತಿದೆ.
ಪಾಕಿಸ್ತಾನದ ಆರೋಗ್ಯ ಅಧಿಕಾರಿಗಳಿಗೆ ಸವಾಲು: ಕಳೆದ ಕೆಲವು ತಿಂಗಳುಗಳಿಂದ ಪಾಕಿಸ್ತಾನದಲ್ಲಿ ಬೇಸಿಗೆಯ ಬಿರುಗಾಳಿ ಮತ್ತು ದಾಖಲೆಯ ಮಳೆಯ ಹಿನ್ನೆಲೆಯಲ್ಲಿ ಈ ಸಾಂಕ್ರಾಮಿಕ ರೋಗವು ಕ್ರಮೇಣ ಹರಡುತ್ತಿದೆ. ಈ ರೋಗದ ಹರಡುವಿಕೆಯಿಂದಾಗಿ ಪಾಕಿಸ್ತಾನದ ಆರೋಗ್ಯ ಅಧಿಕಾರಿಗಳು ಸವಾಲುಗಳನ್ನು ಎದುರಿಸುತ್ತಿದ್ದಾರೆ. ವಾತಾವರಣದಲ್ಲಿನ ತೇವಾಂಶದಿಂದ ಈ ರೋಗ ಹರಡುತ್ತದೆ. ಈ ವರ್ಷದ ಆರಂಭದಿಂದ, ಪಾಕಿಸ್ತಾನದಲ್ಲಿ 400,000 ಜನರು ವೈರಲ್ ಕಾಂಜಂಕ್ಟಿವಿಟಿಸ್‌ಗೆ ತುತ್ತಾಗಿದ್ದಾರೆ.
ಪಿಂಕ್ ಐ ಗೆ ಕಾರಣ: ಪಂಜಾಬ್ ಪ್ರಾಂತ್ಯದಲ್ಲಿ ಶನಿವಾರ 10,000 ಹೊಸ ಪ್ರಕರಣಗಳು ಮತ್ತು ಮಂಗಳವಾರ 13,000 ಹೊಸ ಪ್ರಕರಣಗಳು ವರದಿಯಾಗಿವೆ. ಕಾಂಜಂಕ್ಟಿವಿಟಿಸ್ ಕಣ್ಣಿನ ಉರಿಯೂತವಾಗಿದೆ. ಇದು ಕಣ್ಣಿನ ಮುಂಭಾಗ, ಕಣ್ಣುರೆಪ್ಪೆಗಳನ್ನು ಆವರಿಸುವ ಲೋಳೆಯ ಪೊರೆಯಾಗಿದೆ. ಇದು ಬ್ಯಾಕ್ಟೀರಿಯಾ ಅಥವಾ ವೈರಸ್‌ಗಳಿಂದ ಉಂಟಾಗಬಹುದು. ಅನೇಕ ರೀತಿಯ ವೈರಸ್‌ಗಳು ಕಾಂಜಂಕ್ಟಿವಿಟಿಸ್‌ಗೆ ಕಾರಣವಾಗಬಹುದು.
ಆರೋಗ್ಯ ಅಧಿಕಾರಿಗಳು ಹೇಳುವುದೇನು?: ಶೇ. 75 ಪ್ರತಿಶತದಷ್ಟು ಸಾಂಕ್ರಾಮಿಕ ಕಾಂಜಂಕ್ಟಿವಿಟಿಸ್ ಅಡೆನೊವೈರಸ್‌ನಿಂದ ಉಂಟಾಗುತ್ತದೆ ಎಂದು ಸಿಡ್ನಿಯ ಆಪ್ಟೋಮೆಟ್ರಿ ಮತ್ತು ದೃಷ್ಟಿ ವಿಜ್ಞಾನದ ಪ್ರಾಧ್ಯಾಪಕ ಇಸಾಬೆಲ್ಲೆ ಜಲ್ಬರ್ಟ್ ಪ್ರಕಾರ, ಶಾಲೆಗಳನ್ನು ಮುಚ್ಚುವುದರಿಂದ ಅಡೆನೊವೈರಸ್‌ಗಳ ಹರಡುವಿಕೆಯನ್ನು ತಾತ್ಕಾಲಿಕವಾಗಿ ಕಡಿಮೆ ಮಾಡಬಹುದು. ಆದರೆ ಶಾಲೆಗಳು ಮತ್ತೆ ತೆರೆದಾಗ ಕಾಂಜಂಕ್ಟಿವಿಟಿಸ್ ಪುನರುತ್ಥಾನಗೊಳ್ಳುವ ಸಾಧ್ಯತೆಯಿದೆ ಎಂದು ಪಾಕಿಸ್ತಾನದ ಆರೋಗ್ಯ ಅಧಿಕಾರಿಗಳು ಹೇಳುತ್ತಾರೆ. ಹವಾಮಾನದಲ್ಲಿ ಗಾಳಿಯಲ್ಲಿನ ತೇವಾಂಶವು ಹೆಚ್ಚಾಗುತ್ತದೆ ಮತ್ತು ಈ ವಾತಾವರಣವು ಸಾಂಕ್ರಾಮಿಕ ರೋಗಗಳಿಗೆ ಅನುಕೂಲಕರವಾಗಿರುತ್ತದೆ.
ಕಂಜಂಕ್ಟಿವೈಟಿಸ್ ಎಂದರೇನು ಮತ್ತು ಅದಕ್ಕೆ ಕಾರಣವೇನು? ‘ಪಿಂಕ್ ಐ’ ಎಂದೂ ಸಹ ಕರೆಯಲ್ಪಡುವ ಕಂಜಂಕ್ಟಿವೈಟಿಸ್ ಎಂಬುದು ಬ್ಯಾಕ್ಟೀರಿಯಾ, ವೈರಲ್ ಸೋಂಕುಗಳು ಅಥವಾ ಅಲರ್ಜಿಯ ಪ್ರತಿಕ್ರಿಯೆಗಳಿಂದ ಉಂಟಾಗುವ ಸಾಂಕ್ರಾಮಿಕ ಕಣ್ಣಿನ ಉರಿಯೂತವಾಗಿದೆ. ಈ ಕಣ್ಣಿನ ಸೋಂಕಿಗೆ ಕಾರಣವಾಗುವ ಕೆಲವು ಬ್ಯಾಕ್ಟೀರಿಯಾಗಳಲ್ಲಿ ಸ್ಟಾಫಿಲೋಕಾಕಸ್ ಆರಿಯಸ್, ಹಿಮೋಫಿಲಸ್ ಇನ್ಫ್ಲುಯೆನ್ಸಾ, ಸ್ಟ್ರೆಪ್ಟೋಕಾಕಸ್ ನ್ಯುಮೋನಿಯಾ ಮತ್ತು ಸ್ಯೂಡೋಮೊನಾಸ್ ಎರುಗಿನೋಸಾ ಸೇರಿವೆ ಅಂತ ಹೇಳಲಾಗುತ್ತಿದೆ.
ಕಂಜಂಕ್ಟಿವೈಟಿಸ್ ನ ರೋಗಲಕ್ಷಣ: ನಿಮಗೆ ಕಂಜಂಕ್ಟಿವೈಟಿಸ್ ಇದೆ ಎಂದು ಸೂಚಿಸುವ ಕೆಲವು ರೋಗಲಕ್ಷಣಗಳಲ್ಲಿ ನಿಮ್ಮ ಕಣ್ಣಿನ ಬಿಳಿ ಅಥವಾ ಒಳಗಿನ ರೆಪ್ಪೆಗಳಲ್ಲಿ ಕೆಂಪಾಗುವುದು, ಕಣ್ಣಿನಿಂದ ನೀರು ಸುರಿಯುವುದು ಮತ್ತು ನೋವಾಗುವುದು, ರೆಪ್ಪೆಗಳ ಮೇಲೆ ದಪ್ಪವಾಗಿ ಬರುವ ಹಳದಿ ಬಣ್ಣದ ಪಿಸುರು ಮತ್ತು ಒಂದು ಅಥವಾ ಎರಡೂ ಕಣ್ಣುಗಳಲ್ಲಿನ ಕಠೋರವಾದ ಅನುಭವವಾಗುವುದು ಸೇರಿವೆ. ಬೆಳಕನ್ನು ನೋಡಲು ಆಗದೆ ಕಣ್ಣುಗಳು ತುರಿಕೆ ಮತ್ತು ಭಾರವನ್ನು ಅನುಭವಿಸಬಹುದು.