ಏನಿದು ಘಟನೆ?: ಗಾಂಜಾ ಪ್ರಕರಣದಲ್ಲಿ ತಾನು ಜೈಲಿಗೆ ಹೋಗಲು ಲತೀಫ್ ಮತ್ತು ರಾಝಿಕ್ ಮತ್ತವರ ತಂಡವೇ ಕಾರಣವೆಂದು ತಿಳಿದ ಇರ್ಫಾನ್, ಎಚ್ಚರಿಕೆ ನೀಡಲು ಟಿಪ್ಪುನಗರಕ್ಕೆ ಸ್ನೇಹಿತ ಅಸಾದಿ ಜತೆ ತೆರಳಿದ್ದ. ಟಿಪ್ಪುನಗರ ಬಳಿ ಬಂದಾಗ ಈ ಹಿಂದೆ ದಾಖಲಾಗಿದ್ದ ಗಾಂಜಾ ಪ್ರಕರಣವೊಂದರ ವಿಚಾರದಲ್ಲಿ ಇರ್ಫಾನ್ ಜತೆ ಬಂದಿದ್ದ ಅಸಾದ್ ಮತ್ತು ಸ್ಥಳೀಯ ಶಾಬೀರ್ ಎಂಬುವರ ನಡುವೆ ಜಗಳ ನಡೆದಿತ್ತು. ಅದೇ ಸಮಯದಲ್ಲಿ ಲತೀಫ್, ರಾಝಿಕ್ ಸೇರಿ ಏಳೆಂಟು ಯುವಕರ ಗುಂಪು ಸ್ಥಳದಲ್ಲಿ ಸೇರಿತ್ತು. ಈ ಗಲಾಟೆಯಲ್ಲಿ ಯುವಕರ ಗುಂಪು ಇರ್ಫಾನ್ಗೆ ಚಾಕುವಿನಿಂದ ಇರಿದು ಗಾಯಗೊಳಿಸಿ ಚರಂಡಿಗೆ ಎಸೆದು ಪರಾರಿಯಾಗಿದ್ದರು. ಘಟನೆಯಲ್ಲಿ ತೀವ್ರ ರಕ್ತಸಾವ್ರದಿಂದ ಇರ್ಫಾನ್ ಸ್ಥಳದಲ್ಲೇ ಮೃತಪಟ್ಟಿದ್ದ. ಜತೆಗೆ ಬಂದಿದ್ದ ಅಸಾದಿ ಕೂಡ ಘಟನೆ ಬಳಿಕ ಸ್ಥಳದಿಂದ ಜಾಗ ಖಾಲಿ ಮಾಡಿದ್ದ.
