ಗಿನ್ನಿಸ್ ದಾಖಲೆ ಬರೆದ ವಿಶ್ವದ ಅತ್ಯಂತ ಖಾರದ ಮೆಣಸಿನಕಾಯಿ!

ನವದೆಹಲಿ: ಸಾಮಾನ್ಯವಾಗಿ ಕೆಲವು ಮೆಣಸಿನಕಾಯಿಗಳನ್ನು ತಿಂದರೆ, ಕಣ್ಣು, ಮೂಗು, ಬಾಯಿಯ ಸುತ್ತಲೂ ನೀರು ಸುರಿಯಬೇಕು ಅಷ್ಟು ಖಾರವಾಗಿರುತ್ತವೆ.  ಅಂತಹದ್ದೆ ಒಂದು ಮೆಣಸಿನಕಾಯಿ ಗಿನ್ನಿಸ್​​ ದಾಖಲೆಗೆ ಪಾತ್ರವಾಗಿದೆ.  'ಪೆಪ್ಪರ್ ಎಕ್ಸ್' ಮೆಣಸು ವಿಶ್ವದ ಹಾಟೆಸ್ಟ್ ಮೆಣಸು ಎಂದು ವಿಶ್ವದಾಖಲೆ ಪಡೆದುಕೊಂಡಿದೆ.

'ಪೆಪ್ಪರ್ ಎಕ್ಸ್' ಕಾಳುಮೆಣಸು ಖಾರ ಮಾತ್ರವಲ್ಲದೆ ಅದರ ಆಕಾರದಲ್ಲಿಯೂ ವಿಭಿನ್ನವಾಗಿದೆ. ಈ ಮೆಣಸು 'ವಿಶ್ವದ ಹಾಟೆಸ್ಟ್ ಪೆಪ್ಪರ್' ಎಂದು ಗಿನ್ನೆಸ್ ವಿಶ್ವ ದಾಖಲೆಗಳಿಂದ ಗುರುತಿಸಲ್ಪಟ್ಟಿದೆ. ಈ ಮೆಣಸು ಅರ್ಧ ಕಚ್ಚಿದ ಮೆಣಸಿನಕಾಯಿಯಂತೆ ಕಾಣುತ್ತದೆ. ಅದರ ಈ ಮೆಣಸಿನಕಾಯಿಯ ಖಾರವನ್ನು ತಡೆದುಕೊಳ್ಳುವುದು ಅಷ್ಟು ಸುಲಭವಲ್ಲ. ಅದಕ್ಕಾಗಿಯೇ ಇದನ್ನು ವಿಶ್ವದ ಅತ್ಯಂತ ಹಾಟೆಸ್ಟ್ ಮೆಣಸು ಎಂದು ಕರೆಯಲಾಗುತ್ತದೆ.

ಪ್ರಪಂಚದಾದ್ಯಂತ ಹಲವಾರು ರೀತಿಯ ಮೆಣಸಿನಕಾಯಿಗಳಿವೆ. ಆದರೆ ಈ ಪೆಪ್ಪರ್ ಎಕ್ಸ್ ಅವೆಲ್ಲವನ್ನೂ ಹಿಂದಕ್ಕೆ ತಳ್ಳಿ ಹೊಸ ದಾಖಲೆ ಸೃಷ್ಟಿಸಿದೆ. ಇಲ್ಲಿಯವರೆಗೆ, ಕೆರೊಲಿನಾ ರೀಪರ್ ಚಿಲ್ಲಿ ಖಾರವಾದ ಮೆಣಸಿನಕಾಯಿ ಆಗಿತ್ತು. ಅದನ್ನು ಮೆಟ್ಟಿ ನಿಲ್ಲುವ ಮೂಲಕ ಗಿನ್ನಿಸ್ ದಾಖಲೆಯನ್ನೂ ನಿರ್ಮಿಸಿದೆ ಈ ಮೆಣಸಿನ ಕಾಯಿ.

ಸ್ಕೋವಿಲ್ಲೆ ಹೀಟ್ ಯೂನಿಟ್‌ಗಳು ಹೆಚ್ಚಾದಷ್ಟು ಮೆಣಸಿನಕಾಯಿ ಖಾರ ಹೆಚ್ಚಾಗಿರುತ್ತದೆ. ಕೆರೊಲಿನಾ ರೀಪರ್ ಮೆಣಸಿನಕಾಯಿ ಅಲ್ಲಿ 1.64 ಮಿಲಿಯನ್ ಯೂನಿಟ್‌ಗಳ ಸ್ಕೋವಿಲ್ಲೆ ಹೀಟ್ ಯೂನಿಟ್ ಹೊಂದಿದೆ, ಆದರೆ ಈ ಪೆಪ್ಪರ್ ಎಕ್ಸ್ 2.69 ಮಿಲಿಯನ್ ಸ್ಕೋವಿಲ್ಲೆ ಹೀಟ್ ಯೂನಿಟ್‌ಗಳನ್ನು ಹೊಂದಿದೆ.  ಹೀಗಾಗಿ ಈ ಮೆಣಸಿನಕಾಯಿ ಅಷ್ಟು ಖಾರವಾದಿಗೆ ಎನ್ನಲಾಗಿದೆ.

ಈ ರೀತಿಯ ಮೆಣಸಿನಕಾಯಿಯನ್ನು ಎಡ್ ಕರಿ ಎಂಬ ವ್ಯಕ್ತಿ ಹತ್ತು ವರ್ಷಗಳ ಪರಿಶ್ರಮದ ನಂತರ ಕಂಡುಹಿಡಿದನು. ಇದರೊಂದಿಗೆ ಈ ಮೆಣಸಿನ ಮೇಲೆ ಪೇಟೆಂಟ್ ಕೂಡ ಲಭಿಸಿದೆ. ಕರಿ ಕುಟುಂಬ ಈ ಪೆಪ್ಪರ್ ಎಕ್ಸ್ ಮೆಣಸಿಗಾಗಿ ಗಾಗಿ ಶ್ರಮಿಸಿದೆ. ಇದಕ್ಕಾಗಿ ಹಲವು ಪ್ರಯೋಗಗಳನ್ನು ಮಾಡಿದರು.

ಕೆರೊಲಿನಾ ರೀಪರ್ ಅನ್ನು ತನ್ನ ಸ್ನೇಹಿತ ಮಿಚ್ ಗ್ಯಾನ್ ಕಳುಹಿಸಿದ ಮೆಣಸಿನಕಾಯಿಗಳೊಂದಿಗೆ ಕ್ರಾಸ್-ಬ್ರೆಡ್ ಮಾಡಿದ್ದು, ಅದುವರೆಗೆ ಒಂದೇ ಮೆಣಸಿನಕಾಯಿಯಾಗಿದ್ದ ಕೆರೊಲಿನಾ ಮೆಣಸಿನಕಾಯಿಗಿಂತ ಖಾರವಾದ ಮೆಣಸಿನಕಾಯಿಯನ್ನು ಕಂಡುಕೊಂಡರು. ಈ ಪ್ರಯೋಗಗಳು ಹತ್ತು ವರ್ಷಗಳ ಕಾಲ ಶ್ರಮಿಸಿದರು. ಕೊನೆಗೆ ಅವರು ಪೆಪ್ಪರ್ ಎಕ್ಸ್ ಅನ್ನು ಬೆಳೆಯುವಲ್ಲಿ ಯಶಸ್ವಿಯಾದರು, ಇದು ಕೆರೊಲಿನಾ ಪೆಪ್ಪರ್​​ಗಿಂದ ಖಾರವಾಗಿದೆ. ಈ ಮೆಣಸಿನಕಾಯಿಗಳನ್ನು ಮಾರಾಟ ಮಾಡಲಾಗುವುದು. ಈ ಮೆಣಸಿನಕಾಯಿ ತಿನ್ನಲು ಯಾರೂ ಮುಂದೆ ಬರುವುದಿಲ್ಲ, ಧೈರ್ಯ ಕೂಡಾ ಮಾಡುವುದಿಲ್ಲ ಅಷ್ಟು ಖಾರವಾಗಿದೆ ಎಂದು ಎಡ್ ಕರಿ ಹೇಳಿದ್ದಾರೆ.