ಸೌಜನ್ಯಕ್ಕೂ ಸಿಎಂ ಸ್ಪಂದಿಸಿಲ್ಲ: ಕಳೆದ ವರ್ಷದ ಚಳಿಗಾಲದ ಅಧಿವೇಶನದ ವೇಳೆ ಬೆಳಗಾಯಲ್ಲಿ ಮತ್ತೊಂದು ಸುತ್ತಿನ ಹೋರಾಟಕ್ಕೆ ಮುಂದಾಗಿದ್ದವು. ಇದು ಶಾಂತಿಯುತ ಹೋರಾಟವಾಗಿತ್ತು. ಸರ್ಕಾರವು ಪೊಲೀಸರ ಮೂಲಕ ಹೋರಾಟಗಾರರಿಗೆ ಧಮ್ಕಿ ಹಾಕಿಸಿತು. ಬರುವ ವಾಹನಗಳ ಪರವಾನಗಿ ರದ್ದು ಮಾಡುವುದಾಗಿ ಬೆದರಿಕೆ ಹಾಕಿಸಿತ್ತು. ಆದರೆ. ಇದ್ಯಾವದಕ್ಕೆ ಸಮುದಾಯದ ಜನರು ಮಣೆಹಾಕದೆ 2024ರ ಡಿ.10ರಂದು ಸುವರ್ಣಸೌಧದ ಬಳಿ ಹೋರಾಟ ಕೈಗೊಂಡೆವು. ಸರ್ಕಾರ ಹೋರಾಟವನ್ನು ಹತ್ತಿಕ್ಕುವ ಕೆಲಸ ಮಾಡಿತು. ಸಾವಿರಾರು ಸಂಖ್ಯೆಯ ಪೊಲೀಸರು ಲಾಠಿಚಾರ್ಜ್ ಮಾಡುವ ಮೂಲಕ ಹಲ್ಲೆ ಮಾಡಿದರು. ಬ್ರಿಟಿಷರು, ಸ್ವಾತಂತ್ರ್ಯ ಹೋರಾಟಗಾರರ ರೀತಿ ಯುದ್ಧ ಆಯಿತು. ಲಿಂಗಾಯತರದು ಬಹಳ ಆಗಿದೆ ಎಂದು ಹೊಡೆಸಿದರು. ಅದಾದ ಮೇಲೆ ಸಿಎಂ ಕ್ಷೇಮೆ ಕೇಳಬೇಕು ಎಂದು ಧರಣಿ ನಡೆಸಿದೆವು. ಆದರೆ ಸೌಜನ್ಯಕ್ಕೂ ಸಿಎಂ ಸ್ಪಂದಿಸಿಲ್ಲ ಎಂದು ಶ್ರೀಗಳು, ಸರ್ಕಾರದ ವಿರುದ್ಧ ಕಿಡಿಕಾರಿದರು.
