ಕ್ಷಮೆ ಕೇಳೋಕೆ ಪಾಯಲ್​ ರೆಡಿಯಂತೆ ... ಒಂದಿಷ್ಟು ಷರತ್ತುಗಳು ಅನ್ವಯ

ಮುಂಬೈ: 'ನಾನು ಯಾರಲ್ಲೂ ಕ್ಷಮೆ ಕೇಳಿಲ್ಲ. ಕೇಳೋದೂ ಇಲ್ಲ. ಏಕೆಂದರೆ, ನಾನು ಯಾವ ತಪ್ಪನ್ನೂ ಮಾಡಿಲ್ಲ ...' ಎಂದು ಹೇಳಿದ್ದ ನಟಿ ಪಾಯಲ್​ ಘೋಶ್​, ಇದೀಗ ರಿಚಾ ಅವರ ಕ್ಷಮೆ ಕೇಳುವುದಕ್ಕೆ ಸಿದ್ಧರಿದ್ದಾರಂತೆ. ಆದರೆ, ಕೆಲವು ಷರತ್ತುಗಳು ಅನ್ವಯಿಸುತ್ತವೆ. ಒಂದು ಪಕ್ಷ ಆ ಷರತ್ತುಗಳಿಗೆ ರಿಚಾ ಒಪ್ಪಿದರೆ, ಆಗ ಪಾಯಲ್​ ಬಹಿರಂಗವಾಗುವುದಕ್ಕೆ ಕ್ಷಮೆ ಕೇಳುವುದಕ್ಕೆ ಸಿದ್ಧರಿದ್ದಾರಂತೆ.

ಕಳೆದ ತಿಂಗಳಷ್ಟೇ, ನಟ-ನಿರ್ದೇಶಕ ಅನುರಾಗ್​ ಕಶ್ಯಪ್​ ವಿರುದ್ಧ ನಟಿ ಪಾಯಲ್​ ಘೋಶ್​ ಲೈಂಗಿಕ ಕಿರುಕುಳ ಆರೋಪ ಹೊರಿಸಿದ್ದರು. ಈ ಸಂದರ್ಭದಲ್ಲಿ ಅನುರಾಗ್​ ಕಶ್ಯಪ್​ ಖುದ್ದು ತಮಗೆ ನಟಿಯರಾದ ರಿಚಾ ಚಡ್ಢಾ, ಮಾಹಿ ಗಿಲ್​ ಮತ್ತು ಹ್ಯೂಮಾ ಖುರೇಷಿ ಮುಂತಾದವರು ಸಹಕರಿಸಿದ್ದಾಗಿ ತಮ್ಮ ಬಳಿ ಹೇಳಿಕೊಂಡಿದ್ದಾಗಿ ಹೇಳಿದ್ದರು.

ಇದನ್ನೂ ಓದಿ: ಇದೇ ಶುಕ್ರವಾರ ಚಿರಂಜೀವಿ ‘ಶಿವಾರ್ಜುನ’ ಮರು ಬಿಡುಗಡೆ; 100ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ…

ಈ ಪ್ರಕರಣದಲ್ಲಿ ತಮ್ಮ ಹೆಸರನ್ನು ಅನಾವಶ್ಯಕವಾಗಿ ತರಲಾಗುತ್ತಿದೆ ಎಂದು ರಿಚಾ ಬೇಸರ ವ್ಯಕ್ತಪಡಿಸುವುದರ ಜತೆಗೆ, ಪಾಯಲ್​ ವಿರುದ್ಧ ಮುಂಬೈ ಹೈಕೋರ್ಟ್​ನಲ್ಲಿ ರಿಚಾ ಮಾನನಷ್ಟ ಮೊಕ್ಕದ್ದಮೆಯನ್ನು ಹೂಡಿದ್ದಾರೆ.

ಪಾಯಲ್​ ಅವರು ತಾವು ರಿಚಾ ವಿರುದ್ಧ ನೀಡಿರುವ ಹೇಳಿಕೆಯನ್ನು ಹಿಂಪಡೆಯುವುದಕ್ಕೆ ಸಿದ್ಧರಾಗಿರುವುದರ ಜತೆಗೆ, ಕ್ಷಮೆಯನ್ನೂ ಕೇಳಿದ್ದಾರೆ ಎಂದು ಪಾಯಲ್​ ಪರ ವಕೀಲ ನಿತಿನ್​ ಸಾತ್​ಪುಟೆ ಅವರು ನ್ಯಾಯಾಲಯಕ್ಕೆ ಹೇಳಿದ್ದಾರೆ ಎಂದು ಹೇಳಲಾಗಿತ್ತು. ಆದರೆ, ಇದು ಅಪ್ಪಟ ಸುಳ್ಳು ಎಂದು ಪಾಯಲ್​ ಹೇಳಿದ್ದರು. ಅಷ್ಟೇ ಅಲ್ಲ, ಯಾವುದೇ ಕಾರಣಕ್ಕೂ ಕ್ಷಮೆ ಕೇಳುವುದಿಲ್ಲ ಎಂದು ಹೇಳಿದ್ದರು.

ಇದನ್ನೂ ಓದಿ: ಸಲ್ಮಾನ್​ ಚಿತ್ರದ ಫೈಟ್​ ನಿರ್ದೇಶಿಸಿದ ದ.ಕೊರಿಯಾದ ಖ್ಯಾತ ಸ್ಟಂಟ್​ ಮಾಸ್ಟರ್​!

ಇದೀಗ ಪಾಯಲ್​ ಅವರು ರಿಚಾ ಕ್ಷಮೆ ಕೇಳುವುದಕ್ಕೆ ತಯಾರಿದ್ದಾರೆ ಎಂದು ಸ್ವತಃ ನಿತಿನ್​ ಸಾತ್​ಪುಟೆ ಹೇಳಿಕೊಂಡಿದ್ದಾರೆ. ರಿಚಾ ಅವರು ಪಾಯಲ್​ ಮೇಲೆ ಹೊರಿಸಿರುವ ಕ್ರಿಮಿನಲ್​ ದಾವೆಯನ್ನು ಹಿಂದಕ್ಕೆ ಪಡೆಯುವುದಾದರೆ, ತಮ್ಮ ಕಕ್ಷಿದಾರರು ಕೇಸ್​ನ್ನು ಹಿಂದಕ್ಕೆ ಪಡೆಯಲಿದ್ದಾರೆ ಎಂದು ಸಾತ್​ಪುಟೆ ನ್ಯಾಯಾಲಯಕ್ಕೆ ತಿಳಿಸಿದ್ದಾರೆ.

ನ್ಯಾಯಾಲಯವು ಪಾಯಲ್​ ಮತ್ತು ರಿಚಾ ಅವರಿಗೆ ಈ ಪ್ರಕರಣವನ್ನು ಪರಸ್ಪರ ಬಗೆಹರಿಸಿಕೊಳ್ಳುವುದಕ್ಕೆ ಸೂಚಿಸಿದ್ದು, ಅಕ್ಟೋಬರ್​ 14ಕ್ಕೆ ಮತ್ತೆ ಈ ವಿಚಾರಣೆಯನ್ನು ಕೈಗೆತ್ತುಕೊಳ್ಳುವುದಾಗಿ ತಿಳಿಸಿದೆ.

https://www.vijayavani.net/rhea-files-complaint-against-dimple/