ಬಿಪಿ ಹೆಚ್ಚಿರುವವರೇ ಹುಷಾರ್​! ಕೊರೊನಾಗೆ ಮೊದಲು ಬಲಿಯಾಗುವವರು ನೀವೇ: ಚೀನಾದ ವೈದ್ಯರಿಂದ ಮಾಹಿತಿ

ವುಹಾನ್​: ಚೀನಾ ಕೊರೊನಾ ವೈರಸ್​ ದಾಳಿಯಿಂದ ಸ್ವಲ್ಪಸ್ವಲ್ಪವೇ ಚೇತರಸಿಕೊಳ್ಳುತ್ತಿದೆ. ಭಾರತಕ್ಕೆ ಕೊರೊನಾ ಬಂದಿದ್ದು ಈಗಾಗಲೇ 53 ಜನರಲ್ಲಿ ಕೊರೊನಾ ಇರುವುದು ಧೃಡವಾಗಿದೆ. ಇದೇ ಸಮಯದಲ್ಲಿ ಕೊರೊನಾದಿಂದಾಗಿ ಸತ್ತವರ ಬಗ್ಗೆ ವುಹಾನ್​ ವೈದ್ಯರು ಮಾಹಿತಿಯೊಂದನ್ನು ಬಿಟ್ಟುಕೊಟ್ಟಿದ್ದಾರೆ.

ರಕ್ತದೊತ್ತಡ ಹೆಚ್ಚಿರುವವರಿಗೆ ಕೊರೊನಾ ಬಂದರೆ ಬದುಕುವುದು ಕಷ್ಟ ಸಾಧ್ಯ ಎಂದು ವುಹಾನ್​ನಲ್ಲಿ ಕೊರೊನಾ ಸೋಂಕಿತರಿಗೆ ಚಿಕಿತ್ಸೆ ನೀಡಿರುವ ಆಸ್ಪತ್ರೆಯ ವೈದ್ಯರು ತಿಳಿಸಿದ್ದಾರೆ. ಅವರು ಚಿಕಿತ್ಸೆ ನೀಡಿರುವ ಆಸ್ಪತ್ರೆಯಲ್ಲಿ ಒಟ್ಟು 170 ರೋಗಿಗಳು ಕೊರೊನಾದಿಂದಾಗಿ ಮೃತರಾಗಿದ್ದು ಅದರಲ್ಲಿ ಅರ್ಧದಷ್ಟು ಜನರಿಗೆ ಹೈ ಬಿಪಿ ಇತ್ತು ಎಂದು ಅವರು ತಿಳಿಸಿದ್ದಾರೆ. ಆದರೆ ಈ ಕುರಿತಾಗಿ ಯಾವುದೇ ವೈದ್ಯಕೀಯ ಸಂಶೋಧನೆ ನಡೆದಿಲ್ಲ.

ಮೃತರಾಗಿರುವ ರೋಗಿಗಳ ಪೈಕಿ ಹೆಚ್ಚಿನ ರೋಗಿಗಳಲ್ಲಿ ಹೈ ಬಿಪಿ ಇತ್ತು ಎಂದು ಪೀಕಿಂಗ್​ ಯೂನಿಯನ್​ ಮೆಡಿಕಲ್​ ಕಾಲೇಜು ಮತ್ತು ಆಸ್ಪತ್ರೆಯ ತೀವ್ರ ನಿಗಾ ಘಟಕದ ನಿರ್ದೇಶಕರಾಗಿರುವ ಡು ಬಿನ್​ ತಿಳಿಸಿದ್ದಾರೆ. ಇವರು ವುಹಾನ್​ ನಗರಕ್ಕೆ ಹೆಚ್ಚಿನ ಚಿಕಿತ್ಸೆಗಾಗಿ ಕಳುಹಿಸಲ್ಪಟ್ಟ ಉನ್ನತ ವೈದ್ಯರ ತಂಡದಲ್ಲಿ ಒಬ್ಬರಾಗಿದ್ದಾರೆ. ಇತರ ವೈದ್ಯರು ಮತ್ತು ತಾವು ಗಮನಿಸಿರುವ ಪ್ರಕರಣಗಳ ಆಧಾರದ ಮೇಲೆ ಈ ವಿಚಾರವನ್ನು ತಿಳಿಸುತ್ತಿರುವುದಾಗಿ ಅವರು ತಿಳಿಸಿದ್ದಾರೆ. ರಕ್ತದೊತ್ತಡ ಹೆಚ್ಚಿರುವವರು ಆದಷ್ಟು ಸುರಕ್ಷೆತಯಿಂದಿರಿ ಎಂದು ಅವರು ಹೇಳಿದ್ದಾರೆ. (ಏಜೆನ್ಸೀಸ್​)

https://www.vijayavani.net/amidst-the-coronavirus-outbreak-in-kerala-and-other-parts-of-india-the-ldf-government-has-decided-to-cancel-school-for-students-upto-class-7-across-the-state/

https://www.vijayavani.net/oyo-founder-ritesh-agarwal-story/