ಶುಕ್ರವಾರ, ಮಲಯಾಳಂ ನಟಿಯರಾದ ಪಾರ್ವತಿ ಮತ್ತು ನಿತ್ಯಾ ಮೆನನ್ ಇಬ್ಬರೂ ತಾವು ಗರ್ಭಿಣಿಯರು ಎಂದು ಘೋಷಿಸಿದರು. ತಮ್ಮ ಪ್ರೆಗ್ನನ್ಸಿ ಕಿಟ್ಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಪ್ರದರ್ಶಿಸಿದರು. ಯಾವಾಗ, ಇದು ದೊಡ್ಡ ಸುದ್ದಿಯಾಯಿತೋ, ಸೆಲೆಬ್ರಿಟಿಗಳು ಸೇರಿದಂತೆ ಜನ ಸಾಮಾನ್ಯರು ಅವರಿಬ್ಬರಿಗೆ ವಿಷ್ ಮಾಡಿದರು. ಅವರಿಗೆ ಒಳ್ಳೆಯದಾಗಲೀ ಎಂದು ಹಾರೈಸಿದರು. ಕೊನೆಗೆ ಗೊತ್ತಾಗಿದ್ದೇನೆಂದರೆ, ಅವರಿಬ್ಬರೂ ಗರ್ಭಿಣಿಯರಲ್ಲ, ಚಿತ್ರವೊಂದರಲ್ಲಿ ಗರ್ಭಿಣಿಯರಾಗಿ ನಟಿಸುತ್ತಿದ್ದಾರೆ ಎಂದು ಗೊತ್ತಾಯಿತು. ಬರೀ ಅವರಿಬ್ಬರಷ್ಟೇ ಅಲ್ಲ, ನಟಿಯರಾದ ಪದ್ಮಪ್ರಿಯಾ ಮತ್ತು ಸಯನೋರಾ ಫಿಲಿಪ್ ಸಹ ಸೋಷಿಯಲ್ ಮೀಡಿಯಾದಲ್ಲಿ ಅದೇ ಫೋಟೋ ಮತ್ತು ಶೀರ್ಷಿಕೆಯನ್ನು ಪೋಸ್ಟ್ ಮಾಡಿದ್ದರು.
