VIDEO | ಭಾರತವು ಚಂದ್ರನನ್ನು ತಲುಪಿದೆ, ಇಲ್ಲಿ ನಾವು ಆಂತರಿಕ ಸಂಘರ್ಷಗಳಲ್ಲಿ ಸಿಲುಕಿದ್ದೇವೆ: ಭಾರತವನ್ನು ಹಾಡಿ ಹೊಗಳಿದ ಪಾಕ್ ಟಿವಿ ಚಾನೆಲ್

ನವದೆಹಲಿ: ಪಾಕಿಸ್ತಾನದ ಸುದ್ದಿ ಮಾಧ್ಯಮವೊಂದು ಲೈವ್​ನಲ್ಲಿಯೇ  ಚಂದ್ರಯಾನ-3 ರ ಲ್ಯಾಂಡಿಂಗ್​ನ ಭಾರತದ ಯಶಸ್ವಿ ಸಾಧನೆಯನ್ನು ವರದಿ ಮಾಡುವಾಗ ಆ್ಯಂಕರ್​ಗಳು ಭಾರತವನ್ನು ಹೊಗಳಿದ ವಿಡಿಯೋ ಆನ್‌ಲೈನ್‌ನಲ್ಲಿ ವೈರಲ್​ ಆಗಿದೆ.

ಚಂದ್ರನ ದಕ್ಷಿಣ ಧ್ರುವದಲ್ಲಿ ಚಂದ್ರಯಾನ-3 ಯಶಸ್ವಿಯಾಗಿ ಲ್ಯಾಂಡಿಂಗ್‌ನೊಂದಿಗೆ ಭಾರತದ ಅಸಾಮಾನ್ಯ ಸಾಧನೆಯನ್ನು ಪಾಕಿಸ್ತಾನದಂತಹ ಸೇರಿದಂತೆ ಅನೇಕ ದೇಶ-ವಿದೇಶಗಳಿಂದ ಮೆಚ್ಚುಗೆಯನ್ನು ಗಳಿಸಿದೆ. ಭಾರತದ ಐತಿಹಾಸಿಕ ಚಂದ್ರನ ಸಾಧನೆಗೆ ಪಾಕಿಸ್ತಾನವು ಮೊದಲ ಪುಟದ ಕವರೇಜ್ ಅನ್ನು ಸಹ ನೀಡಿತು, ಮಾಜಿ ಸಚಿವರೊಬ್ಬರು ಇದು ಭಾರತದ ಬಾಹ್ಯಾಕಾಶ ಸಂಸ್ಥೆ ಇಸ್ರೋಗೆ ಶ್ರೇಷ್ಠತೆಯ ಕ್ಷಣ ಎಂದು ಶ್ಲಾಘಿಸಿದರು. ಹೆಚ್ಚಿನ ಪಾಕಿಸ್ತಾನಿ ಪತ್ರಿಕೆಗಳು ಮತ್ತು ವೆಬ್‌ಸೈಟ್‌ಗಳು ಭಾರತದ ಅದ್ಭುತ ಸಾಧನೆಯನ್ನು ಒತ್ತಿಹೇಳಿದೆ. ಆದರೆ, ಇದೇ ರೀತಿಯಪಾಕಿಸ್ತಾನಿ ಟಿವಿ ಚಾನೆಲ್ ಕೂಡ ಭಾರತದ ಬಾಹ್ಯಾಕಾಶ ಪ್ರಯತ್ನವನ್ನು ಶ್ಲಾಘಿಸಿದೆ. ಈ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.

ಇದನ್ನೂ ಓದಿ: ಮಗಳು ರಾಖಿ ಕಟ್ಟಲು ಸಹೋದರನಿಲ್ಲವೆಂದು ಮಗುವನ್ನು ಕಿಡ್ನಾಪ್ ಮಾಡಿದ ದಂಪತಿ

ಪಾಕಿಸ್ತಾನದ ಚಾನೆಲ್​ವೊಂದರ ನಿರೂಪಕರಾದ ಹುಮಾ ಅಮೀರ್ ಶಾ ಮತ್ತು ಅಬ್ದುಲ್ಲಾ ಸುಲ್ತಾನ್ ಏರುತ್ತಿರುವ ಹಣದುಬ್ಬರದ ಸವಾಲುಗಳು ಮತ್ತು ಬಡವರ ಮೇಲೆ ಅದರ ಪ್ರಭಾವದ ಬಗ್ಗೆ ಚರ್ಚಿಸುತ್ತಿದ್ದರು. ಅದರ ಮಧ್ಯೆ, ಅವರು ಭಾರತದ ಚಂದ್ರಯಾನ-3 ವಿಜಯದ ಬಗ್ಗೆ ಚರ್ಚಿಸ ತೊಡಗಿದರು.

ಮಹಿಳಾ ಆಂಕರ್, "ಭಾರತವು ಚಂದ್ರನ ಮೇಲೆ ತನ್ನ ಛಾಪನ್ನು ಬಿಟ್ಟಿರುವಾಗ, ನಾವು ಇಲ್ಲಿದ್ದೇವೆ. ಆಂತರಿಕ ಸಂಘರ್ಷಗಳು ಮತ್ತು ತುಲನಾತ್ಮಕವಾಗಿ ಕ್ಷುಲ್ಲಕ ವಿಷಯಗಳೊಂದಿಗೆ ಹೋರಾಡುತ್ತಿದ್ದೇವೆ ಎಂದು ಆಂಕರ್ ಹೇಳಿದರು. "ಏನು ದೃಶ್ಯ, ನಾವು ಇಲ್ಲಿ ಸ್ಟುಡಿಯೋದಲ್ಲಿ ಕುಳಿತುಕೊಂಡೇ ಅದನ್ನು ನೋಡಿ ಸಂತೋಷಪಟ್ಟಿದ್ದೇವೆ' ಎಂದು ಮತ್ತೊಬ್ಬ ಆಂಕರ್ ಹೇಳಿರುವುದನ್ನು ನಾವು ವಿಡಿಯೋದಲ್ಲಿ ನೋಡಬಹುದಾಗಿದೆ.

https://www.vijayavani.net/a-couple-kidnapped-a-month-old-boy-because-he-didnt-have-a-brother-to-tie-his-daughters-rakhi