ನಮ್ಮವರು ಕೂಡ ಸುಲಭವಾಗಿ ಸೋಲಿಸ್ತಾರೆ... ನ್ಯೂಜಿಲೆಂಡ್​ ಎದುರು ಸರಣಿ ಸೋಲಿನ ಬಳಿಕ Team India ಕುರಿತು Pak​ ಮಾಜಿ ಆಟಗಾರನ ಹೇಳಿಕೆ ವೈರಲ್

ನವದೆಹಲಿ: ತವರಿನ ಆತಿಥ್ಯದಲ್ಲಿ ನಡೆದ ನ್ಯೂಜಿಲೆಂಡ್​ ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ ಸೋಲುವ ಮೂಲಕ ಟೀಮ್​ ಇಂಡಿಯಾ (Team India) ಆಡಿಕೊಳ್ಳುವವರ ಬಾಯಿಗೆ ಆಹಾರವಾಗಿದ್ದು, ಇಷ್ಟು ದಿನ ಟೀಮ್​ ಇಂಡಿಯಾವನ್ನು (Team India) ಹಾಡಿ ಹೊಗಳುತ್ತಿದ್ದವರು ಇದೀಗ ಪುಪುಂಖಾನುಪುಂಖವಾಗಿ ಟೀಕಿಸುತ್ತಿದ್ದಾರೆ (Criticise). ತವರು ನೆಲದಲ್ಲಿ ಸರಣಿ ಸೋಲಿಗೆ ಸಂಬಂಧಿಸಿದಂತೆ ಟೀಮ್​ ಇಂಡಿಯಾದ ಮಾಜಿ ಆಟಗಾರರು ಮಾತನಾಡುತ್ತಿದ್ದು, ಭಾರತದ ಕಳಪೆ ಪ್ರದರ್ಶನವನ್ನು ಟೀಕಿಸಿ ಸೋಲಿಗೆ ಪ್ರಮುಖ ಕಾರಣಗಳನ್ನು ಉಲ್ಲೇಖಿಸುತ್ತಿದ್ಧಾರೆ. ಆದರೆ, ಇದೀಗ ಪಾಕಿಸ್ತಾನ ಕ್ರಿಕೆಟ್​ ತಂಡದ (Pakistan Cricket Team) ಮಾಜಿ ಆಟಗಾರರು ಕೂಡ ಟೀಮ್​ ಇಂಡಿಯವನ್ನು ಟೀಕಿಸಿ ಮಾತನಾಡುತ್ತಿದ್ದು, ಭಾರತೀಯ ಕ್ರೀಡಾಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದೆ.

92 ವರ್ಷಗಳ ಟೆಸ್ಟ್​ ಕ್ರಿಕೆಟ್​ ಇತಿಹಾಸದಲ್ಲಿ ಭಾರತ (Team India) ಎಂದಿಗೂ ನ್ಯೂಜಿಲೆಂಡ್​ ವಿರುದ್ಧ ಸರಣಿಯನ್ನು ಸೋತಿರಲಿಲ್ಲ. ಆದರೆ, ತವರಿನಲ್ಲಿ ನಡೆದ ಸರಣಿಯಲ್ಲಿ ವೈಟ್​ವಾಷ್​ ಅನುಭವಿಸಿರುವ ಭಾರತ ತಂಡವು (Team India) ಬ್ಯಾಟ್ಸ್​ಮನ್​ಗಳ ಕಳಪೆ ಪ್ರದರ್ಶನದಿಂದಾಗಿ ಸೋಲುವಂತಾಯಿತು ಎಂದು ದೂರಲಾಗಿದೆ. ಮುಂಬರುವ ಬಾರ್ಡರ್​ ಗವಾಸ್ಕರ್​ ಟ್ರೋಫಿಯಲ್ಲಿ (Border Gavaskar Trophy) ತಂಡ ಕಮ್​ಬ್ಯಾಕ್​ ಮಾಡುತ್ತದೆ ಎಂಬ ಆಶಾಭಾವನೆಯಲ್ಲಿ ಅಭಿಮಾನಿಗಳಿದ್ದು, ವಾಸಿಂ ಅಕ್ರಮ್​ (Wasim Akram) ನೀಡಿರುವ ಹೇಳಿಕೆಗೆ ಕಿಡಿಕಾರುತ್ತಿದ್ದಾರೆ.

ಪಾಕಿಸ್ತಾನ ಹಾಗೂ ಆಸ್ಟ್ರೇಲಿಯಾ ನಡುವಿನ ಮೊದಲ ಏಕದಿನ ಪಂದ್ಯದ ಕಾಮೆಂಟರಿ ವೇಳೆ ಮಾತನಾಡಿರುವ ವಾಸಿಂ (Wasim Akrm), ಸ್ಪಿನ್ನಿಂಗ್​ ಟ್ರ್ಯಾಕ್​ನಲ್ಲಿ ಭಾರತವನ್ನು ಸೋಲಿಸಲು ಈಗ ಪಾಕಿಸ್ತಾನಕ್ಕೆ ಅವಕಾಶವಿದೆ. ಇದಕ್ಕೆ ಉತ್ತಮ ಉದಾಹರಣೆ ಎಂದರೆ ತವರಿನಲ್ಲಿ ನ್ಯೂಜಿಲೆಂಡ್​ ವಿರುದ್ಧದ ಸರಣಿ ಸೋಲು.

ಇದು ಆಂತರಿಕವಾಗಿ ಕೆಲವು ಪ್ರಶ್ನೆಗಳನ್ನು ಹುಟ್ಟುಹಾಕುತ್ತದೆ ಎಂದು ನಾನು ಭಾವಿಸುತ್ತೇನೆ. ಕ್ರಿಕೆಟ್​ ವಿಚಾರದಲ್ಲಿ ಉತ್ಸಾಹಭರಿತವಾಗಿರುವ ರಾಷ್ಟ್ರದಿಂದ ಈ ರೀತಿಯ ಬದಲಾವಣೆಯನ್ನು ನೋಡಲು ಸಾಧ್ಯವಿಲ್ಲ. ಭಾರತ ತಂಡದಲ್ಲಿ ಕೆಲವು ಹಿರಿಯ ಆಟಗಾರರಿದ್ದಾರೆ. ಈ ಸರಣಿ ಸೋಲಿನ ಮೂಲಕ ಅವರು ತಮ್ಮನ್ನು ತಾವು ಊಹಿಸಲು ಶುರು ಮಾಡಿಕೊಳ್ಳುತ್ತಾರೆ. ಭಾರತೀಯ ತಂಡದಲ್ಲಿ ಕೆಲವು ಉನ್ನತ ದರ್ಜೆಯ ಕ್ರಿಕೆಟಿಗರು ಇದ್ದಾರೆ. ಅವರು ಆ ಸವಾಲಿನಿಂದ ಹೇಗೆ ಚೇತರಿಸಿಕೊಳ್ಳುತ್ತಾರೆ ಎಂಬುದನ್ನು ನೋಡಲು ಇದು ಆಕರ್ಷಕವಾಗಿರುತ್ತದೆ ಎಂದು ವಾಸಿಂ ಅಕ್ರಮ್​ ಪಾಕಿಸ್ತಾನ ಹಾಗೂ ಆಸ್ಟ್ರೇಲಿಯಾ ನಡುವಿನ ಮೊದಲ ಏಕದಿನ ಪಂದ್ಯದ ಕಾಮೆಂಟರಿ ವೇಳೆ ಹೇಳಿದ್ದಾರೆ. 

ಇತ್ತ ಅಕ್ರಮ್​ (Wasim Akram) ಹೇಳಿಕೆಗೆ ಕಿಡಿಕಾರಿರುವ ನೆಟ್ಟಿಗರು ಪಾಕಿಸ್ತಾನ ತಂಡವು ಬಾಂಗ್ಲಾದೇಶದಲ್ಲಿ ಸರಣಿ ಸೋತ ವಿಚಾರವನ್ನು ಉಲ್ಲೇಖಿಸಿ ಕಮೆಂಟ್​ ಹಾಕುತ್ತಿದ್ದಾರೆ. 2 ಪಂದ್ಯಗಳ ಟೆಸ್ಟ್ ಸರಣಿಗಾಗಿ ಪಾಕಿಸ್ತಾನ ಪ್ರವಾಸ ಮಾಡಿದ್ದ ಬಾಂಗ್ಲಾದೇಶ ತಂಡ, ಆತಿಥೇಯ ಪಾಕಿಸ್ತಾನವನ್ನು 2-0 ಅಂತರದಿಂದ ಮಣಿಸಿತ್ತು. ಟೆಸ್ಟ್ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಅವರದ್ದೇ ನೆಲದಲ್ಲಿ ಪಾಕ್ ತಂಡವನ್ನು ಮಣಿಸಿದ ದಾಖಲೆಯನ್ನು ಬಾಂಗ್ಲಾದೇಶ ತಂಡ ಮಾಡಿತ್ತು. ಇದೀಗ ಆ ಸೋಲನ್ನು ನೆನಪಿಸಿರುವ ನೆಟ್ಟಿಗರು ಅಕ್ರಮ್ (Wasim Akram) ಹೇಳಿಕೆಗೆ ತಿರುಗೇಟು ನೀಡುತ್ತಿದ್ದಾರೆ.

https://www.vijayavani.net/sorry-to-disappoint-rcb-drop-virat-kohli-captaincy-bomb-ahead-of-ipl-2025-auction

https://www.vijayavani.net/devotees-at-mathuras-banke-bihari-temple-confuse-water-dripping-off-ac-outlet-with-charan-amrit