ಸದ್ಯ ಎಕ್ಸ್ನಲ್ಲಿ ಓವಿಯಾ ಅವರ ಲೀಕ್ ವಿಡಿಯೋ ಬಗ್ಗೆ ಭಾರಿ ಚರ್ಚೆಯಾಗುತ್ತಿದೆ. ಓವಿಯಾ ಅವರ 17 ಸೆಕೆಂಡ್ ಪ್ರೈವೇಟ್ ವಿಡಿಯೋ ಲೀಕ್ ಆಗಿದ್ದು, ನೆಟ್ಟಿಗರು ಹುಬ್ಬೇರಿಸಿದ್ದಾರೆ. ಆದರೆ, ಇದು ಒರಿಜಿನಲ್ ವಿಡಿಯೊವೇ? ಅಥವಾ ಡೀಪ್ಫೇಕ್ ವಿಡಿಯೋನಾ? ಎಂಬ ಗೊಂದಲವೂ ಇದೆ. ಈ ನಡುವೆ ರಾಹುಲ್ ರವೀಂದ್ರನ್ ಟ್ವೀಟ್ ವೈರಲ್ ಆಗುತ್ತಿದೆ. ನಾನು ಯಾವುದನ್ನು ನಿರ್ಣಯಿಸದೆ, ನನಗೆ ಅನಿಸಿದ್ದನ್ನು ಹೇಳುತ್ತೇನೆ. ನಾನು ಸ್ನಾತಕೋತ್ತರ ಪದವಿ ಮಾಡುತ್ತಿರುವಾಗ ಸ್ನೇಹಿತನ ಮೂಲಕ ನಟಿಯೊಬ್ಬಳ ಲೀಕ್ ವಿಡಿಯೋ ನೋಡಿದೆ. ಆರಂಭದಲ್ಲಿ ನಾನು ಕೂಡ ಉತ್ಸುಕನಾಗಿದ್ದೆ. ಆದರೆ, ವಿಡಿಯೋ ನೋಡಲು ಶುರು ಮಾಡಿದಾಗ, ಏನೋ ತಪ್ಪಾಗಿದೆ ಎಂದು ಅನಿಸಿತು. ತನ್ನ ವಿಡಿಯೋ ರೆಕಾರ್ಡ್ ಮಾಡುತ್ತಿರುವುದು ಅವಳಿಗೆ ಗೊತ್ತಿರಲಿಲ್ಲ. ಇದು ಅರಿವಾದಾಗ ಆ ವಿಡಿಯೋ ವೀಕ್ಷಣೆ ಮಾಡಲು ಅಹಿತಕರವಾಗಿತ್ತು. ಇದಾದ ಕೆಲವೇ ಕ್ಷಣಗಳಲ್ಲಿ ವಿಡಿಯೋ ನೋಡುವುದನ್ನು ನಿಲ್ಲಿಸಿದೆ. ನಾನು ಲೀಕ್ ಆದ ವಿಡಿಯೋವನ್ನು ನೋಡಿದ್ದು ಅದೇ ಕೊನೆ. ಮತ್ತೆ ಎಂದಿಗೂ ನೋಡಬಾರದು ಮನಸ್ಸು ಮಾಡಿದೆ. ಸಂತ್ರಸ್ತೆ ಎಷ್ಟು ನೋವು ಅನುಭವಿಸುತ್ತಾರೆ ಮತ್ತು ಅದು ಯಾವ ರೀತಿಯ ಮಾನಸಿಕ ಆಘಾತವನ್ನು ಉಂಟುಮಾಡುತ್ತದೆ ಎಂಬುದು ನಮಗೆ ತಿಳಿದಿಲ್ಲ. ನಮಗೆ ಸೋರಿಕೆಯಾದ ವಿಡಿಯೋಗಳು ಅಗತ್ಯವಿಲ್ಲ. ಗೌಪ್ಯತೆ ಮೇಲಿನ ಭಯಾನಕ ಆಕ್ರಮಣದ ಮೂಲಕ ಹೋಗಬೇಕಾದ ಪ್ರತಿಯೊಬ್ಬ ಸಂತ್ರಸ್ತೆಯರಿಗೂ ಸಾಕಷ್ಟು ಶಕ್ತಿ ಸಿಗಲಿ ಎಂದು ರಾಹುಲ್ ಬರೆದುಕೊಂಡಿದ್ದಾರೆ. ರಾಹುಲ್ ಎಲ್ಲಿಯೂ ಓವಿಯಾ ಹೆಸರನ್ನು ಉಲ್ಲೇಖಿಸದಿದ್ದರೂ ಓವಿಯಾ ಪ್ರಕರಣದ ಬಗ್ಗೆ ಪರೋಕ್ಷವಾಗಿ ಮಾತನಾಡಿರುವುದು ಸ್ಪಷ್ಟವಾಗಿದೆ. ಹೀಗಾಗಿ ನೆಟ್ಟಿಗರು ನಿಮ್ಮ ಮಾತುಗಳು ಸತ್ಯ ಸರ್ ಎಂದು ರಾಹುಲ್ ಪರ ಮಾತನಾಡುತ್ತಿದ್ದಾರೆ.
