ನಮ್ಮಲ್ಲಿರುವ 5 ರೂ. ಪಾರ್ಲೆ-ಜಿ ಬಿಸ್ಕತ್,​​ ಯುದ್ಧ ಪೀಡಿತ ಗಾಜಾದಲ್ಲಿ 2,400 ರೂ.ಗೆ ಮಾರಾಟ! | Parle-G

Parle-G: ಭಾರತದಲ್ಲಿ ಚಿಕ್ಕ ಮಕ್ಕಳಿಗೂ ಇಷ್ಟವಾಗುವ ಬಿಸ್ಕತ್​ ಎಂದ್ರೆ ಅದು ಮನೆ-ಮನೆ ಮಾತಗಿರುವ ಪಾರ್ಲೆ-ಜಿ. ಇದೀಗ ಈ ಬಿಸ್ಕತ್​ ಆಹಾರದ ಕೊರತೆಯು ತೀವ್ರ ಕ್ಷಾಮವಾಗಿ ಮಾರ್ಪಟ್ಟಿರುವ ಯುದ್ಧಪೀಡಿತ ಗಾಜಾದಲ್ಲಿ, ಅವುಗಳನ್ನು ಅವುಗಳ ಮೂಲ ಬೆಲೆಗಿಂತ ಸುಮಾರು 500 ಪಟ್ಟು ಹೆಚ್ಚು ಮಾರಾಟ ಮಾಡಲಾಗುತ್ತಿದೆ ಎಂದು ವರದಿಯಾಗಿದೆ.

ಇದನ್ನೂ ಓದಿ:Chandrachud Interview | ನಿರ್ದೇಶಕರು ಕೂಡ ಈ ರೀತಿಯ ಕಮೀಟಿ ಮಾಡಿ ಎಂದಿದ್ಯಾಕೆ ಚಂದ್ರಚೂಡ್​​​?

ಹೌದು, ಗಾಜಾದಿಂದ ಇತ್ತೀಚಿಗೆ ವೈರಲ್​ ಆದ ಪೋಸ್ಟ್​​ವೊಂದರಲ್ಲಿ ಮುಂಬೈ ಪ್ರಧಾನ ಕಚೇರಿಯನ್ನು ಹೊಂದಿರುವ ಪಾರ್ಲೆ ಪ್ರಾಡಕ್ಟ್ಸ್ ತಯಾರಿಸಿದ ಪಾರ್ಲೆ ಜಿ ಬಿಸ್ಕತ್ತುಗಳನ್ನು 24 ಯುರೋಗಳಿಗೂ (ರೂ. 2,342) ಮಾರಾಟ ಮಾಡಲಾಗುತ್ತಿದೆ ಎಂದು ವ್ಯಕ್ತಿಯೊಬ್ಬರು ಹೇಳಿದ್ದಾರೆ.

ಇದನ್ನೂ ಓದಿ:‘ಸ್ಪಿರಿಟ್’​ ಬೆನ್ನಲ್ಲೇ ‘ಕಲ್ಕಿ 2’ ಚಿತ್ರಕ್ಕೂ ದೀಪಿಕಾ ಗುಡ್​ಬೈ​! ಇಲ್ಲೇನೂ ಸಮಸ್ಯೆ? ಹೀಗಿದೆ ವರದಿ | Deepika Padukone

ಈಗಾಗಿ ಇದೀಗ ಭಾರತೀಯ ಮಾರುಕಟ್ಟೆಯಲ್ಲಿ ನಿರಂತರವಾಗಿ ಅಗ್ಗದ ಆಹಾರಗಳಲ್ಲಿ ಒಂದಾಗಿರುವ ಬಿಸ್ಕತ್ತುಗಳ ಬೆಲೆಯಿಂದ ಸಾಮಾಜಿಕ ಮಾಧ್ಯಮದಲ್ಲಿ ಅನೇಕರು ಗೊಂದಲಕ್ಕೊಳಗಾಗಿದ್ದಾರೆ.

ವೈರಲ್​ ಆದ ಪೋಸ್ಟ್​​ನಲ್ಲೇನಿದೆ..? ''ದೀರ್ಘ ಕಾಯುವಿಕೆ ನಂತರ ನಾನು ಇಂದು ರವೀಫ್​​ಗೆ(ಮಗಳು) ಹೆಚ್ಚಿನ ಬಿಸ್ಕತ್​ಗಳನ್ನು ಕೊಂಡೆ. ಬಿಸ್ಕತ್​​ ಬೆಲೆ 1.5 ಯುರೋಗಳಿಂದ 24 ಯುರೋಗಳಿಗೆ ಏರಿದ್ದರೂ, ರವೀಫ್​ಗೆ ಅದನ್ನು ಕೊಂಡುಕೊಳ್ಳದೆ ಇರಲಾರೆ. ಇದು ಇವಳಿಗೆ ಅವಶ್ಯಕತೆ ಇದೆ'' ಎಂದು ಮೊಹಮ್ಮದ್​​ ಜಾವೇದ್​ ಎಂಬಾತ ಪೋಸ್ಟ್​ವೊಂದನ್ನು ಎಕ್ಸ್​ ಖಾತೆಯಲ್ಲಿ ಹಂಚಿಕೊಂಡಿದ್ದಾನೆ.

ಬೆಲೆ ಏರಿಕೆಗೆ ಕಾರಣ..? ಪ್ಯಾಲೆಸ್ತೆನಿ(ಗಾಜಾಪಟ್ಟಿ) ಹಾಗೂ ಇಸ್ರೇಲ್​​ ರಾಷ್ಟ್ರಗಳ ನಡುವೆ ನಿರಂತರವಾಗಿ ಯುದ್ಧ ನಡೆಯುತ್ತಿದೆ. ಇದರ ನಡುವೆ ಮೂರು ತಿಂಗಳಿಗೂ ಹೆಚ್ಚಿನ ಕಾಲ ಗಡಿ ಮುಚ್ಚಿರುವುದರಿಂದ 2 ಮಿಲಿಯನ್​ ಜನರ ಅಗತ್ಯತೆಗಳನ್ನು ಪೂರೈಸಲಾಗುತ್ತಿಲ್ಲ. ಆದ್ದರಿಂದ ಕೆಲವು ಜನರು ಕೆಲ ವಸ್ತುಗಳನ್ನು ಪಡೆಯಲು ಲೂಟಿ ಮಾಡಲಾಯಿತು. ಹೀಗಾಗಿ, ಈ ಆಹಾರಗಳನ್ನು ಅತಿ ಹೆಚ್ಚು, ಕೈಗೆಟುಕಲಾಗದ ಬೆಲೆಗೆ ಮಾರಾಟ ಮಾಡಲಾಗುತ್ತಿದೆ ಎಂದು ಎನ್‌ಡಿಟಿವಿ ವರದಿ ಉಲ್ಲೇಖಿಸಿದೆ.

ಜೂನ್ 6, 2025 ರ ಹೊತ್ತಿಗೆ ಗಾಜಾದಲ್ಲಿ ಪ್ರಸ್ತುತ ಮಾರುಕಟ್ಟೆ ಬೆಲೆಗಳು..

1 ಕೆಜಿ ಸಕ್ಕರೆ: 4,914 ರೂ.

1 ಲೀಟರ್ ಅಡುಗೆ ಎಣ್ಣೆ: 4,177 ರೂ.

1 ಕೆಜಿ ಆಲೂಗಡ್ಡೆ: 1,965 ರೂ.

1 ಕೆಜಿ ಈರುಳ್ಳಿ: 4,423 ರೂ.

1 ಕಾಫಿ ಕಪ್: 1,800 ರೂ.(ಏಜೆನ್ಸೀಸ್​)

https://www.vijayavani.net/ksca-appeals-highcourt-over-fir-against-them

https://www.vijayavani.net/plan-like-lucky-bhaskar-bank-official-sakshi-gupta-stole-crores-from-fds-and-arrested