ಕೆ.ಆರ್.ಸಾಗರ(ಮೈಸೂರು): ಆನ್ಲೈನ್ ಪಾಠ ಮಾಡುತ್ತಿದ್ದ ಉಪನ್ಯಾಸಕನೊಬ್ಬ ವಾಟ್ಸ್ಆ್ಯಪ್ ಗ್ರೂಪಿಗೆ ಸಿಲೆಬಸ್ ಕಳುಹಿಸುವ ಜತೆಗೆ ಅಶ್ಲೀಲ ಚಿತ್ರವನ್ನೂ ಕಳುಹಿಸಿದ್ದು, ವಿದ್ಯಾರ್ಥಿಗಳು ಮುಜುಗರಕ್ಕೊಳಗಾದ ಘಟನೆ ಜಿಲ್ಲೆಯಲ್ಲಿ ಸಂಭವಿಸಿದೆ.
ಕೆ.ಆರ್.ಸಾಗರ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ರಾಜ್ಯಶಾಸ ವಿಭಾಗದಲ್ಲಿ ಅತಿಥಿ ಉಪನ್ಯಾಸಕ ಮೂರ್ತಿ ಎಂಬುವವರೇ ಈ ಪ್ರಮಾದವೆಸಗಿದ್ದು. ಇವರು ಕೆಲ ವರ್ಷಗಳಿಂದ ಈ ಕಾಲೇಜಿನಲ್ಲಿ ಅತಿಥಿ ಉಪನ್ಯಾಸಕರಾಗಿ ಕೆಲಸ ಮಾಡುತ್ತಿದ್ದರು. ಸೋಮವಾರ ವಿದ್ಯಾರ್ಥಿಗಳಿಗೆ ಆನ್ಲೈನ್ ಪಠ್ಯ ಕಳುಹಿಸುವ ಜತೆಗೆ ಅಶ್ಲೀಲ ಚಿತ್ರವನ್ನೂ ಉಪನ್ಯಾಸಕ ಕಳುಹಿಸಿದ್ದ.
ವಾಟ್ಸ್ಆ್ಯಪ್ ಗ್ರೂಪ್ಗೆ ಉಪನ್ಯಾಸಕನಿಂದ ಅಶ್ಲೀಲ ಚಿತ್ರ ಬಂದ ಬಗ್ಗೆ ಗ್ರೂಪಿನಲ್ಲಿದ್ದ ಉಪನ್ಯಾಸಕರು ಮತ್ತು ವಿದ್ಯಾರ್ಥಿಗಳು ಪ್ರಾಂಶುಪಾಲರ ಗಮನಕ್ಕೆ ತಂದರು. ನಂತರ ಕಾಲೇಜು ಶಿಕ್ಷಣ ಇಲಾಖೆಯ ಜಂಟಿ ನಿರ್ದೇಶಕರ ಜತೆ ಚರ್ಚಿಸಿದ ಪ್ರಾಂಶುಪಾಲೆ ಹಂಸವೇಣಿ ಅವರು ಅತಿಥಿ ಉಪನ್ಯಾಸಕ ಮೂರ್ತಿಯನ್ನು ಸೇವೆಯಿಂದ ಬಿಡುಗಡೆಗೊಳಿಸಿದ್ದಾರೆ.
ಬೆಳ್ಳಂಬೆಳಗ್ಗೆ ಮನೆ ಬಾಗಿಲಿಗೆ ಬಂದ ಕಸದ ಗಾಡಿಗೆ ಚಿನ್ನ ಸುರಿದ ಗೃಹಿಣಿ! ಆಮೇಲೇನಾಯ್ತು ಗೊತ್ತಾ?
ಬೇಡ ಬೇಡ ಅಂದ್ರೂ ಸಾವಿನ ಮನೆಯ ಕದ ತಟ್ಟಿದ 15ರ ಬಾಲಕ! ಕಳೆದ ವಾರವೇ ಪೊಲೀಸರು ಎಚ್ಚರಿಸಿದ್ದರು