ಆನ್​ಲೈನ್ ಚಾರ್​​ ಧಾಮ್​ ಯಾತ್ರೆ ! ಕೇದಾರನಾಥದಲ್ಲಿ ನಾಳೆಯಿಂದ ವಿಶೇಷ ಪೂಜೆ

ಡೆಹ್ರಾಡೂನ್ : ಉತ್ತರಾಖಂಡದಲ್ಲಿರುವ ಕೇದಾರನಾಥ ಸ್ವಾಮಿ ದೇವಾಲಯಕ್ಕೆ ಪೂಜೆ ಅರ್ಪಿಸಲು ಆನ್​ಲೈನ್​ ಪೋರ್ಟಲ್​ಅನ್ನು ನಾಳೆಯಿಂದ ತೆರೆಯಲಾಗುವುದು. ಈ ಹಿನ್ನೆಲೆಯಲ್ಲಿ ದೇವಾಲಯಕ್ಕೆ 11 ಕ್ವಿಂಟಾಲ್​ ಹೂವುಗಳನ್ನು ಹಾಕಿ ಅಲಂಕಾರ ಮಾಡಲಾಗಿದೆ ಎಂದು ಎಎನ್​​ಐ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಚಾರ್​ ಧಾಮ್​ ಯಾತ್ರೆಯ ನಾಲ್ಕು ಪವಿತ್ರ ಸ್ಥಳಗಳಲ್ಲಿ ಒಂದಾದ ಕೇದಾರನಾಥಕ್ಕೂ ಕರೊನಾ ನಿರ್ಬಂಧಗಳ ಹಿನ್ನೆಲೆಯಲ್ಲಿ ಭಕ್ತರು ಖುದ್ದು ಭೇಟಿ ನೀಡಲು ಈ ಬಾರಿ ಅವಕಾಶವಿಲ್ಲ. ಆದರೆ, ಆನ್​ಲೈನ್​ ಪೂಜೆ ಅರ್ಪಿಸಲು ದೇವಾಲಯ ನಿರ್ವಹಣಾ ಸಮಿತಿ ಅವಕಾಶ ಮಾಡಿಕೊಟ್ಟಿದ್ದು, ನಾಳೆಯಿಂದ (ಮೇ17) ಇದಕ್ಕೆ ಸಂಬಂಧಿಸಿದ ಪೋರ್ಟಲ್​ ತೆರೆಯಲಿದೆ. ವೆಬ್​ಸೈಟ್​ ವಿಳಾಸ ಇಲ್ಲಿದೆ : https://badrinath-kedarnath.gov.in/

ಉತ್ತರಾಖಂಡ ಚಾರ್​ ಧಾಮ್ ದೇವಸ್ಥಾನಂ ಮ್ಯಾನೇಜ್​ಮೆಂಟ್ ಬೋರ್ಡ್​ನ ವೆಬ್​ಸೈಟ್​ನಲ್ಲಿ ಆನ್​ಲೈನ್​ ಪೂಜಾ, ಪಾಠ್, ಅರ್ಚನಾ, ಆರತಿ, ಭೋಗ್​ಗಳಿಗೆ ಅವಕಾಶ ಮಾಡಿಕೊಡಲಾಗಿದೆ. ಯಮುನೋತ್ರಿ ಮತ್ತು ಗಂಗೋತ್ರಿಯ ಪೋರ್ಟಲ್​ಗಳು ಈಗಾಗಲೇ ತೆರೆಯಲ್ಪಟ್ಟಿವೆ. ಬದರೀನಾಥ ಧಾಮದ ಪೋರ್ಟಲ್ ಮೇ 18 ರಂದು ತೆರೆಯಲಿದೆ. (ಏಜೆನ್ಸೀಸ್)

https://www.vijayavani.net/pm-modi-orders-auditing-of-ventillators-given-to-states/

https://www.vijayavani.net/three-men-made-fall-to-panchayat-members-feet/