ತಂಗಿಯ ಸಂಸಾರ ಸರಿಪಡಿಸಲು ಹೋದವ ಆಕೆಯ ಗಂಡನಿಂದಲೇ ಕೊಲೆಗೀಡಾದ!

ಕೋಲಾರ: ತಂಗಿಯ ಸಂಸಾರ ಸರಿಪಡಿಸಲೆಂದು ಹೋಗಿದ್ದ ಅಣ್ಣ, ಬಳಿಕ ತಂಗಿಯ ಗಂಡನಿಂದಲೇ ಕೊಲೆಗೀಡಾದ ದುರಂತವೊಂದು ಸಂಭವಿಸಿದೆ. ಕೋಲಾರ ಜಿಲ್ಲೆಯ ಬಂಗಾರಪೇಟೆ ಪಟ್ಟಣದ ಗೌತಮನಗರದಲ್ಲಿ ಈ ಘಟನೆ ನಡೆದಿದೆ.

ಸುರೇಶ್​ (36) ಕೊಲೆಗೀಡಾಗಿದ್ದು, ಸಹೋದರ ಹರೀಶ್ (33) ಗಾಯಗೊಂಡಿದ್ದಾನೆ. ತಂಗಿ ಗಂಡ ಬಾಬು ಕೊಲೆ ಆರೋಪಿ. ಬಾಬು ಕೂಡ ಗಾಯಗೊಂಡಿದ್ದು, ಜಿಲ್ಲಾಸ್ಪತ್ರೆಗೆ ದಾಖಲು ಮಾಡಲಾಗಿದೆ.

ಇದನ್ನೂ ಓದಿ: ಹನುಮಂತ ಹುಟ್ಟಿದ್ದು ಅಂಜನಾದ್ರಿ ಬೆಟ್ಟದಲ್ಲೇ; ಸದ್ಯದಲ್ಲೇ ಸರ್ಕಾರದಿಂದ ಘೋಷಣೆ? 

ಸುರೇಶ್ ತಂಗಿಯನ್ನು ಬಾಬು ಮದುವೆಯಾಗಿದ್ದು, ಪತಿ-ಪತ್ನಿ ನಡುವೆ ಕೆಲವು ದಿನಗಳಿಂದ ಜಗಳ ನಡೆಯುತ್ತಿತ್ತು. ಈ ಹಿನ್ನೆಲೆಯಲ್ಲಿ ತಂಗಿಯ ಸಂಸಾರವನ್ನು ಸರಿಪಡಿಸಿ ಬರೋಣ ಎಂದು ಸಹೋದರರಾದ ಸುರೇಶ್​-ಹರೀಶ್​ ಅವರು ಬಾಬು ಮನೆಗೆ ಬಂದಿದ್ದರು.

ಈ ಸಂದರ್ಭದಲ್ಲಿ ಮಾತಿಗೆ ಮಾತು ಬೆಳೆದು, ಮಾರಾಮಾರಿ ನಡೆದು ಅದರಲ್ಲಿ ಸುರೇಶ್ ಕೊಲೆಗೀಡಾಗಿದ್ದಾನೆ. ಸ್ಥಳಕ್ಕೆ ಬಂಗಾರಪೇಟೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

https://www.vijayavani.net/man-who-fell-while-trekking-is-rescued/

https://www.vijayavani.net/boy-died-after-chasing-cane-filled-tractor/