ಮಂಗಗಳ ದಾಳಿ.. ಭಯದಿಂದ ಬಾವಿಗೆ ಬಿದ್ದ ವೃದ್ಧೆ..

ತೆಲಂಗಾಣ: ಮಂಗಗಳಿಗೆ ಹೆದರಿ ವೃದ್ಧೆಯೊಬ್ಬರು ಬಾವಿಗೆ ಹಾರಿದ ಘಟನೆ ಜಿಲ್ಲೆಯ ರಾಜಣ್ಣಸಿರಿಸಿಲ್ಲದಲ್ಲಿ ನಡೆದಿದೆ. ನಂತರ ಸ್ಥಳೀಯ ಯುವಕರು ಕೂಡಲೇ ಬಾವಿಗೆ ಹಗ್ಗ ಹಾಕಿ ಆಕೆಯನ್ನು ರಕ್ಷಿಸಿದ್ದಾರೆ.

ಭೋಪ್ಪಾಪುರ ಗ್ರಾಮದ ವೃದ್ಧೆ ಗಂಭೀರ್ ಪುರ ರಾಜವ್ವ ಮನೆಯಲ್ಲಿ ಒಬ್ಬರೇ ವಾಸವಾಗಿದ್ದಾರೆ. ಪಿಂಚಣಿ ಹಣದಲ್ಲಿ ಜೀವನ ಸಾಗಿಸುತ್ತಿದ್ದಾರೆ. ಗ್ರಾಮದಲ್ಲಿ ತರಕಾರಿ ಮಾರಾಟ ಮಾಡಿ ಜೀವನ ಸಾಗಿಸುತ್ತಿದ್ದ ರಾಜವ್ವನ ಪತಿ ಕಳೆದ ವರ್ಷ ಮೃತಪಟ್ಟಿದ್ದರು. ವೃದ್ಧೆಯ ಮನೆಯಲ್ಲಿ ಒಂಟಿಯಾಗಿ ವಾಸವಿದ್ದಾರೆ. ಮಾವಿನ ಮರದ ಮೇಲೆ ಗುಂಪು ಗುಂಪಾಗಿ ಜಮಾಯಿಸಿದ ಮಂಗಗಳು ಮನೆಯಿಂದ ಹೊರ ಬಂದ ರಾಜವ್ವ ಮೇಲೆ ದಾಳಿ ನಡೆಸಿದ್ದು, ವೃದ್ಧೆ ಭಯದಿಂದ ಓಡಿ ಬಾವಿಗೆ ಬಿದ್ದಿದ್ದಾರೆ.

 ಇದನ್ನೂ ಓದಿ: ಅಂತರಾಷ್ಟ್ರೀಯ ಬಿಯರ್​ ದಿನ 2023; ಆಚರಣೆ ಹಿಂದಿನ ಉದ್ದೇಶವೇನು?

ರಾಜವ್ವ ಅಡಿ ಆಳದ ಬಾವಿಯ ಮಧ್ಯದಲ್ಲಿ ಸಿಲುಕಿಕೊಂಡಿದ್ದಾರೆ. ತನ್ನನ್ನು ರಕ್ಷಿಸುವಂತೆ ಮನೆಯ ಪಕ್ಕದಲ್ಲಿದ್ದ ಕುಟುಂಬಸ್ಥರಿಗೆ ಕೂಗಿಕೊಂಡಿದ್ದಾಳೆ. ಒಂಟಿಯಾಗಿದ್ದ ರಾಜವ್ವನ ಕಿರುಚಾಟ ಕೇಳಿ ಅಕ್ಕಪಕ್ಕದ ಮನೆಯವರು ಓಡಿ ಬಂದು ಬಾವಿಗೆ ಬಿದ್ದಿರುವುದನ್ನು ಕಂಡು ಹಗ್ಗಗಳನ್ನು ಬಿಟ್ಟು ರಾಜವ್ವಳನ್ನು ರಕ್ಷಣೆ ಮಾಡಿದ್ದಾರೆ.

ವೃದ್ಧೆ ಬಾವಿಯಿಂದ ಮೇಲಕ್ಕೆ ಬಂದಾಗ ಗ್ರಾಮಸ್ಥರು ಆಖೆಯ ಪಕ್ಕದಲ್ಲಿ ನಿಂತು ಧೈರ್ಯ ತುಂಬಿದರು. ಸ್ಥಳೀಯ ಆರ್‌ಎಂಪಿ ವೈದ್ಯರು ಪ್ರಾಥಮಿಕ ಚಿಕಿತ್ಸೆ ನೀಡಿದ್ದಾರೆ.

ಮಂಗನ ಕಾಟದಿಂದ ಗ್ರಾಮದ ಜನರು ಸಂಕಷ್ಟದಲ್ಲಿ ಜೀವನ ಸಾಗಿಸುತ್ತಿದ್ದಾರೆ. ಕೋತಿಗಳ ಕಾಟದಿಂದ ಜನರನ್ನು ರಕ್ಷಿಸುವಂತೆ ಸಾಮಾಜಿಕ ಕಾರ್ಯಕರ್ತರು ಗ್ರಾಮದ ಸರಪಂಚ್, ಅಧಿಕಾರಿ ವರ್ಗಕ್ಕೆ ಮನವಿ ಮಾಡುತ್ತಿದ್ದಾರೆ. ಗ್ರಾಮದಲ್ಲಿ ಮಂಗಗಳ ಕಾಟ ಹೆಚ್ಚಾಗಿದೆ. ಬಾಗಿಲು ತೆರೆದು.. ಒಳಗೆ ಹೋಗುತ್ತಿದೆ. ಚಿಕ್ಕ ಮಕ್ಕಳ ಮೇಲೆ ದಾಳಿ ಮಾಡುತ್ತಿವೆ.. ಕೋತಿಗಳನ್ನು ಹಿಡಿದು ಅರಣ್ಯ ಪ್ರದೇಶಕ್ಕೆ ಬಿಡಲು ಅಧಿಕಾರಿಗಳು  ಮುಂದಾಗಿದ್ದಾರೆ.

https://www.vijayavani.net/no-ac-on-indigo-flight-passengers-handed-tissues-to-wipe-sweat-congress-leader