Numerology: ನವರಾತ್ರಿಯಲ್ಲಿ ನಿಮ್ಮ ಜನ್ಮ ದಿನಾಂಕದ ಪ್ರಕಾರ ದುರ್ಗಾದೇವಿಗೆ ಈ ಹೂವನ್ನು ಅರ್ಪಿಸಬೇಕಂತೆ!

Numerology: ಸಂಖ್ಯಾಶಾಸ್ತ್ರದಲ್ಲಿ, ವ್ಯಕ್ತಿಯ ಜನ್ಮ ದಿನಾಂಕವನ್ನು ಬಹಳ ಮುಖ್ಯವೆಂದು ಪರಿಗಣಿಸಲಾಗುತ್ತದೆ. ನಿಮ್ಮ ಜನ್ಮ ದಿನಾಂಕದ ಸಹಾಯದಿಂದ, ನಿಮ್ಮ ವೃತ್ತಿಜೀವನದಿಂದ ಹಿಡಿದು ಪ್ರೇಮ ಜೀವನದವರೆಗೆ ಎಲ್ಲದರ ಬಗ್ಗೆಯೂ ನೀವು ತಿಳಿದುಕೊಳ್ಳಬಹುದು.

ಸಾಮಾನ್ಯವಾಗಿ ಎಲ್ಲರಿಗೂ ತಿಳಿದಿರುವಂತೆ ಇದೇ ಸೆ.22 ರಿಂದ ಅ.2ರವರೆಗೆ ನವರಾತ್ರಿ(ದಸರಾ) ಪೂಜೆ ನಡೆಯುತ್ತಿದೆ. ಈ ವೇಳೆ 9 ಹಗಲು ಮತ್ತು 9 ರಾತ್ರಿಗಳ ಕಾಲ ಅತ್ಯಂತ ಭಕ್ತಿ ಮತ್ತು ಉತ್ಸವದಿಂದ ದುರ್ಗಾದೇವಿ ಪೂಜೆ ಆಚರಣೆ ಮಾಡಲಾಗುತ್ತದೆ. ದುರ್ಗಾದೇವಿ ಒಬ್ಬಳೆ ಆಗಿದ್ದರೂ ದೇಶದಲ್ಲಿ ಈ ಒಂಬತ್ತು ದಿನಗಳ ಕಾಲ ಆ ಪ್ರದೇಶಕ್ಕೆ ತಕ್ಕಂತೆ ವಿಭಿನ್ನವಾಗಿ ಪೂಜೆ ಮಾಡಲಾಗುತ್ತದೆ.

ಈ ವೇಳೆ ಆಯಾ ದಿನಾಂಕದಲ್ಲಿ ಹುಟ್ಟಿದ ಜನರು ಅವರ ಜನ್ಮದಿನದ ದಿನಾಂಕದ ಅನುಗುಣವಾಗಿ ದುರ್ಗಾದೇವಿಗೆ ವಿಶೇಷ ಹೂವು ಅರ್ಪಿಸುವುದರಿಂದ ಸಂಪತ್ತು, ಆರೋಗ್ಯ ಮತ್ತು ಆಯಸ್ಸು ಹೆಚ್ಚುತ್ತದೆ ಎಂದು ನಂಬಿಕೆಯಾಗಿದೆ.

ಇದನ್ನೂ ಓದಿ:ನವರಾತ್ರಿ 2025; ಇವುಗಳು ‘ದುರ್ಗಾ ದೇವಿ’ಯ ನೆಚ್ಚಿನ ರಾಶಿಚಕ್ರಗಳಂತೆ| zodiac-signs

ಹೌದು, ನಿಮ್ಮ ಜನ್ಮ ದಿನಾಂಕದ ಸಂಖ್ಯೆಗಳನ್ನು ಸೇರಿಸುವ ಮೂಲಕ ನಿಮ್ಮ ಮೂಲ ಸಂಖ್ಯೆಯನ್ನು ನೀವು ಕಂಡುಹಿಡಿಯಬಹುದು. ಉದಾಹರಣೆಗೆ ನೀವು ಯಾವುದೇ ತಿಂಗಳ 23 ರಂದು ಜನಿಸಿದ್ದೀರಿ ಎಂದು ಭಾವಿಸೋಣ, ಆಗ ನಿಮ್ಮ ಮೂಲ ಸಂಖ್ಯೆ 5 ಆಗಿರುತ್ತದೆ, ಏಕೆಂದರೆ 2+3=5. ಹಾಗೆಯೇ, ಮೊದಲನೆಯದಾಗಿ ಜನ್ಮ ದಿನಾಂಕದ ಮೂಲ ಸಂಖ್ಯೆಯನ್ನು ಮನಸ್ಸಿನಲ್ಲಿಟ್ಟುಕೊಳ್ಳಬೇಕು.

ಸಂಖ್ಯೆ-1

1ನೇ ದಿನಾಂಕದಂದು ಹುಟ್ಟಿದ ಜನರು ಸೂರ್ಯನಿಂದ ಆಳಲ್ಪಡುತ್ತಾರೆ. ಹೀಗಾಗಿ ಅವರು ದುರ್ಗಾದೇವಿಗೆ ಚೆಂಡು ಹೂವು ಅರ್ಪಿಸಿ. ಇದು ರೋಮಂಚನಕಾರಿ ಶಕ್ತಿಯ ಸಂಕೇತವಾಗಿದೆ.

ಸಂಖ್ಯೆ-2

ಈ ಸಂಖ್ಯೆಯನ್ನು ಹೊಂದಿದ ಜನರು ಚಂದ್ರನಿಂದ ಆಳಲ್ಪಡುತ್ತಾರೆ. ಹೀಗಾಗಿ ಅವರು ದುರ್ಗಾದೇವಿಗೆ ಮಲ್ಲಿಗೆ ಹೂವು ಅರ್ಪಿಸಬೇಕು. ಇದು ಭಕ್ತಿಯ ಸಂಕೇತವಾಗಿದೆ.

ಸಂಖ್ಯೆ-3

ಈ ಸಂಖ್ಯೆಯನ್ನು ಹೊಂದಿದ ಜನರು ಗುರು ಆಳಲ್ಪಡುತ್ತಾರೆ. ಹೀಗಾಗಿ ಅವರು ದುರ್ಗಾದೇವಿಗೆ ಸೂರ್ಯಕಾಂತಿ ಹೂವು ಅರ್ಪಿಸಬೇಕು. ಇದು ಪ್ರಶಾಂತತೆಯ ಸಂಕೇತವಾಗಿದೆ.

ಸಂಖ್ಯೆ-4

ಈ ಸಂಖ್ಯೆಯನ್ನು ಹೊಂದಿದ ಜನರು ರಾಹುನಿಂದ ಆಳಲ್ಪಡುತ್ತಾರೆ. ಹೀಗಾಗಿ ಅವರು ದುರ್ಗಾದೇವಿಗೆ ಮಲ್ಲಿಗೆ ಹೂವು ಅರ್ಪಿಸಬೇಕು. ಇದು ನಕರಾತ್ಮಕತೆಯನ್ನು ತೆಗೆದು ಹಾಕುತ್ತದೆ.

ಸಂಖ್ಯೆ-5

ಈ ಸಂಖ್ಯೆಯನ್ನು ಹೊಂದಿದ ಜನರು ಬುಧು ಆಳಲ್ಪಡುತ್ತಾರೆ. ಹೀಗಾಗಿ ಅವರು ದುರ್ಗಾದೇವಿಗೆ ಬಿಳಿ ಕಮಲ ಹೂವು ಅರ್ಪಿಸಬೇಕು. ಇದು ಪ್ರೀತಿ ಮತ್ತು ಸಮೃದ್ಧಿಯ ಸಂಕೇತವಾಗಿದೆ.

ಸಂಖ್ಯೆ-6

ಈ ಸಂಖ್ಯೆಯನ್ನು ಹೊಂದಿದ ಜನರು ಶುಕ್ರನಿಂದ ಆಳಲ್ಪಡುತ್ತಾರೆ. ಹೀಗಾಗಿ ಅವರು ದುರ್ಗಾದೇವಿಗೆ ಗುಲಾಬಿ ಹೂವು ಅರ್ಪಿಸಬೇಕು. ಇದು ಧೈರ್ಯದ ಸಂಕೇತವಾಗಿದೆ.

ಸಂಖ್ಯೆ-7

ಈ ಸಂಖ್ಯೆಯನ್ನು ಹೊಂದಿದ ಜನರು ಕೇತುವಿನಿಂದ ಆಳಲ್ಪಡುತ್ತಾರೆ. ಹೀಗಾಗಿ ಅವರು ದುರ್ಗಾದೇವಿಗೆ ಕಮಲ ಹೂವು ಅರ್ಪಿಸಬೇಕು. ಇದು ಶಾಂತಿ, ಸಮೃದ್ಧಿ ಮತ್ತು ಆಧ್ಯಾತ್ಮಿಕತೆಯ ಸಂಕೇತವಾಗಿದೆ.

ಸಂಖ್ಯೆ-8

ಈ ಸಂಖ್ಯೆಯನ್ನು ಹೊಂದಿದ ಜನರು ಶನಿಯಿಂದ ಆಳಲ್ಪಡುತ್ತಾರೆ. ಹೀಗಾಗಿ ಅವರು ದುರ್ಗಾದೇವಿಗೆ ಆರ್ಕೆಡ್​ ಹೂವು ಅರ್ಪಿಸಬೇಕು. ಇದು ತಾಳ್ಮೆ ಮತ್ತು ಭಕ್ತಿ ಸಂಕೇತವಾಗಿದೆ.

ಸಂಖ್ಯೆ-9

ಈ ಸಂಖ್ಯೆಯನ್ನು ಹೊಂದಿದ ಜನರು ಮಂಗಳನಿಂದ ಆಳಲ್ಪಡುತ್ತಾರೆ. ಹೀಗಾಗಿ ಅವರು ದುರ್ಗಾದೇವಿಗೆ ದಾಸವಾಳ ಹೂವು ಅರ್ಪಿಸಬೇಕು. ಇದು ಶಾಂತಿ, ಸಮೃದ್ಧಿ ಸಂಕೇತವಾಗಿದೆ.

ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು / ಜ್ಯೋತಿಷಿಗಳು / ಪಂಚಾಂಗಗಳು / ನಂಬಿಕೆಗಳು / ಆಧ್ಯಾತ್ಮಿಕ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ. ಮಾಹಿತಿ ನೀಡುವುದು ಮಾತ್ರ ನಮ್ಮ ಉದ್ದೇಶವಾಗಿದ್ದು, ಇದಕ್ಕೆ “ವಿಜಯವಾಣಿ ಡಾಟ್​ ನೆಟ್”​ ಜವಾಬ್ದಾರರಾಗಿರುವುದಿಲ್ಲ.

https://www.vijayavani.net/navratri-2025-these-are-the-favorite-zodiac-signs-of-goddess-durga-zodiac-signs