ಸೆರ್ಬಿಯಾ ಮತ್ತು ಕ್ರೊವೇಷಿಯಾದಲ್ಲಿ ನಡೆದಿದ್ದ ಪ್ರದರ್ಶನ ಟೆನಿಸ್ ಟೂರ್ನಿಯಲ್ಲಿ ಆಡಿದ್ದ 4 ಆಟಗಾರರಿಗೆ ಕರೊನಾ ಸೋಂಕು ಬಂದಿತ್ತು. ಟೂರ್ನಿಯ ವೇಳೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳದೆ ಇದ್ದುದು ಭಾರಿ ಟೀಕೆಗೆ ಗುರಿಯಾಗಿತ್ತು. ಎಲ್ಲಕ್ಕಿಂತ ಹೆಚ್ಚಾಗಿ ಟೂರ್ನಿ ಆಯೋಜಕ ಜೋಕೊವಿಕ್ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಟೀಕೆ ಬಂದಿತ್ತು. ‘ಜೋಕೊವಿಕ್ ಮತ್ತು ಅವರ ಪತ್ನಿ ಜೆಲೆನಾರ ವರದಿ ನೆಗೆಟಿವ್ ಬಂದಿದೆ. ಇಬ್ಬರಿಗೂ ಬೆಲ್ಗ್ರೇಡ್ನಲ್ಲಿ ಪರೀಕ್ಷೆ ನಡೆಸಲಾಗಿತ್ತು’ ಎಂದು ಅವರ ಮಾಧ್ಯಮ ತಂಡ ಗುರುವಾರ ತಿಳಿಸಿದೆ. ದಂಪತಿಯಲ್ಲಿ ಕರೊನಾ ಸೋಂಕಿನ ಯಾವುದೇ ಲಕ್ಷಣಗಳಿರಲಿಲ್ಲ. ಆದರೂ ಪಾಸಿಟಿವ್ ವರದಿ ಬಂದ ನಂತರ ಇಬ್ಬರೂ ಸ್ವಯಂ ಐಸೋಲೇಷನ್ನಲ್ಲಿದ್ದರು.
