ಪ್ರಸ್ತುತ ಪರಿಸ್ಥಿತಿಯಲ್ಲಿ ವಾರದ ಆರು ದಿನಗಳು ದುಡಿದು, ಒಂದು ದಿನ ವೀಕ್-ಆಫ್ ಪಡೆಯುವುದೇ ಎಲ್ಲಿಲ್ಲದ ಸಂತಸ. ಇದೊಂದು ದಿನ ಎಲ್ಲರಿಗೂ ಪೂರ್ಣ ಪ್ರಮಾಣದಲ್ಲಿ ವಿಶ್ರಾಂತಿಸುವ ದಿನವಾಗಿರುತ್ತದೆ. ಆದರೆ, ಕೆಲವೊಮ್ಮೆ ವೀಕಾಫ್ ಕೂಡ ಸಿಗುವುದಿಲ್ಲ. ವೀಕಾಫ್ ಹೊರತುಪಡಿಸಿದರೆ, ಹಬ್ಬ ಹಾಗೂ ಇತರೆ ದಿನಗಳಲ್ಲಿ ರಜೆ ಸಿಗಬಹುದೇ ವಿನಃ ಉಳಿದ ಇನ್ಯಾವುದೇ ದಿನಗಳಲ್ಲಿ ಸುಖಾಸುಮ್ಮನೆ ಕಾರಣಗಳಿಗೆ ಲೀವ್ ಸಿಗೋದಿಲ್ಲ. ಇದು ಪ್ರತಿ ಸಂಸ್ಥೆಯ ಉದ್ಯೋಗಿಗಳಿಗೆ ತಿಳಿದಿರುವ ಸಾಮಾನ್ಯ ಸಂಗತಿಯಾಗಿದೆ. ಕೆಲವೊಮ್ಮೆ ಹಬ್ಬಗಳಿಗೂ ರಜೆ ಸಿಗಲ್ಲ. ಅಲ್ಲದೆ, ಕೆಲವು ಕಡೆ ಹೆಚ್ಚುವರಿ ಕೆಲಸವನ್ನೂ ಮಾಡಬೇಕಾಗುತ್ತದೆ. ಇನ್ನು ವಾರಕ್ಕೆ 90 ಗಂಟೆ ಕೆಲಸ ಮಾಡಿ ಎಂದು ಭಾರತದಲ್ಲಿ ಕೆಲ ಉದ್ಯಮಿಗಳು ಆಗಾಗ ಹೇಳುವುದನ್ನು ನೀವು ಕೇಳಿರುತ್ತೀರಿ. ಈ ಬಗ್ಗೆ ಭಾರಿ ಆಕ್ರೋಶ ಕೂಡ ವ್ಯಕ್ತವಾಗಿದೆ.
